بعد مرور سنه علي شراء السياره صني2008 اهم الملاحظات والمشاكل اللي قابلتها في السياره
1-صوت الدبه في المساعد الخلفي الايمن
ولم تحل المشكله حتي الان لانه عيب في كل السيارات وتم تعديله في منتصف موديلات 2008 والله اعلم هل مازالت المشكله موجوده مع الناس اللي اشتروا بعدي
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
2-عوامة البنزين كانت بتعلق يعني لما افول العربيه مكانتش بتتلع للاخر
التوكيل قاللي انها تمام وللاسف لسه بتعلق حتي الان مع اني بلغتهم بيها في صيانة 5000 ، 10000
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
3-صوت تزييق بالكراسي الاماميه
المشكله بتروح وتيجي وحلها فك الكرسي وتزييت المفصلات
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
4-RPM بتعلي لما ادوس دبرياج وانقل من غيار لغيار
مشكله بتروح وتيجي ومش عارف السبب
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
5-صوت الموتور بيكون عالي وان ماشي علي سرعة اعلي من 120كم/س
عشان سير الكاتينه جنزير صوت العربيه عالي مع ان الالنترا 2008 سير الكاتينه بتاعها جنزير صوت الموتور تكاد لا تسمعه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
6-المارشيدير (الغيار الخلفي) ساعات مبيرداش يجي اطلاقا وساعات بيعمل صوت
رفعت دواسة الدبرياج بس المشكله مازالت قائمه والتوكيل محلش فيها حاجه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ
7-الانذار بتاع العربيه مبيشتغلش الا لوحد فتح باب اوالشنطه او الكبوت لكن لو الزجاج اتكسر ميشتغلش لوحد رفع العربيه وسرق الكاوتشات بردوا ميشتغلش
ركبت انذار بحساس وبالمره وحدة رفع للزجاج
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
8-اخيرا كانت مشكلة استهلاك البنزين
اكتشفت اني المشكله كانت مني لاني بحرق علي الغيار وبجري كتير والحمد لله بقيت دلوقتي امشي براحه ومتوسط استهلاك العربيه معايا داخل البلد 12 كم/لتر
بس لسه محسبتش بعد تعديلي لاسلوب القياده لاستهلاك علي طريق السفر