الموضوع: رجاء.......بلاش السرعات العالية

المشاركة الأصلية كتبت بواسطة karimone

اللي عايز يجري بالعربيه مايجريش بيها جوه البلد يطلع علي طريق سريع و يجري هناك علشان الظروف بتكون احسن كتير...

بس برده بلاش السرعات العاليه قوي... ربنا يستر طريقنا جميعاً

يا أخي الكريم
اللي عايز يجري بالعربية يجري بيها في حلبة سباق مخصصة لكدا .
طريق سريع له سرعة محددة تم تحديدها حسب امكانيات الطريق و وسعه و مساحة كل حارة .
في الدول المتقدمة و المحترمة يوجد قانون ......... علشان يحمي الناس من المستهترين .
إنما في مصر ........ لا أملك إلا أن أقول ربنا يهدينا جميعا .
مفيش حاجة أسمها اللي عايز يجري ........يروح على طريق سريع ...لأن برضه الطريق السريع مش فاضي و عليه ناس تانية عايزة تروح بيوتها سليمة ...

المشاركة الأصلية كتبت بواسطة abzoabzo

هى المشكلة مش فى السرعة اد ماهية مشكلة الطرق الحرير اللى بنمشى عليها نفسى حد فاهم قانون يا خد حقنا فى البلد ده

أكبر مسبب في الحوادث هي السرعة و ليست حالة الطرق .
أنا مش فاهم يا جماعة .أنتوا ليه بتلوموا حالة الطرق بس من غير السرعة
طيب لما حالة الطرق لا تسمح بالجري ........... بنجري ليه ؟؟؟؟؟؟؟؟؟؟؟؟؟؟؟؟

أنا شايف أن أغلب الطرق الصحراوية و السريعة في مصر معقولة جدا و برضه بيحصل عليها حوادث فظيعة نتيجة لإتستهتار الشباب و استهتار بعض السائقين المتهورين .

المشاركة الأصلية كتبت بواسطة lancerevolution

السرعة ليه وقتها و مكانها و كمان التأنى ليه وقته بس المشى بالراحة بيخليك تستمتع بالطريق و العربية و القيادة

السرعة وقتها هو على حلبة السباقات فقط لا غير ............ حلبة سباق فقط لا غير .
يا جماعة لازم نغير طريقة تفكيرنا
الطرق العامة مش على مزاجنا ........ ساعة ما نحس أننا عايزين نجري ... يبقى نجري
لاءة كل طريق له سرعة محددة و يجب أننا نحترم ده علشان أرواحنا .
أنا شايف أن أكتر ناس مش بتلوم السرعة هم الشباب .
يا جماعة أنتوا مش بتشوفوا كمية الحوداث اللي كل يوم بتحصل بسبب السرعة و الرعونة
حياتكم غالية على أهاليكم و علينا أحنا كمان .

ربنا يهدينا و يهديكم


أنا بشكر الأستاذ أيهاب صاحب الموضوع على طرح الفكرة و أرجوا اننا جميعا نتعظ و نتعلم و نعلم جيدا أن المؤمن لا يلُدغ من جحر مرتين .
يجب أن نتعظ من كم الحوادث الرهيب الذي يحدث يوميا على الطرق السريعة و الغير سريعة .
السرعة = حوداث + أستهلاك بنزين + استهلاك فرامل + استهلاك كاوتش + استهلاك محرك
التآني = السلامة و الحفاظ على سيارتكم

أرجوا أن محدش يزعل من أخواني و أخواتي محبي الجري
ربنا يهدينا و يهديكم ...............