الموضوع: عاوز اغير كاسيت الأوبترا واجيب سي دي ... انصحوني

السلام عليكم
انا عاوز اغير الكاسيت بتاع الاوبترا علشان م سي دي
وعاوز نصائحكم في بعض النقاط
1- عاوز جهاز سي دي بيشغل مختلف انواع الملفات ... وطبعا راديو وfm $ am ومش لازم كاسيت شرايط
2- انا مش غاوي صوت عالي و روشنة ... يعني عاوز صوت نقي ومش لازم يكون عالي لأني بأكرة الدوشة ... ومش ناوي اغير سماعات الاوبترا الاصلية ... هي كفاية اوي
3- هل لازم اجيب الجهاز بنفس الحجم الكبير اللي في الاوبترا ولا ممكن يبقى صغير والمساحة الباقية يبقى لها حل
4- ناس قالولي مش لازم سي دي ... فيه اجهزة بتشتغل بشريحة ذاكرة زي بتاعة الموبايل وبيبقى احسن عشان مش بيكون فيه اجزاء متحركة كما هو في ال سي دي ... وبكدة بيبقى الاعطال اقل
5- انا بافاضل بين السوني والبايونير والكينوود ... بصراحة دي الماركات اللي اعرفها ( معلش بقى دقة قديمة )..... ايه رأيكم
بالنسبة للميزانية انا عامل ميزانية من 600 الي 800 وممكن زيادتها الي 1000 على اقصي تقدير
6- التركيب طبعا عليه عامل كبير من الموضوع .... افضل ناس تركب فين
7- الكاسيت الاصلي بتاع الاوبترا لسة بحالتة .... وزي الفل ... عيبه الوحيد انه مش سي دي ... وإلا والله ما كنت افكر اغيره خالص ... لو حبيت ابيعه ممكن يتباع بكام ؟؟؟
معلش تقلت عليكم .... لكن انا فعلا ماليش في الصوتيات خالص ... يا دوب الراديو ولما العيال يركبو معايا شوية اغاني اطفال على محمد منير.... ودمتم
وشكرا مقدما ...