أزاى سرقوها؟؟!!!!

**Ayman_52** · 20-03-2009 12:37 AM

كنت عاوز افهم حاجه معلش..؟؟؟؟؟

لو مفتاح العربيه متشفر...والعربيه مستحيل تتدور بغير مفتاحها..ولو اتحط فيها مفتاح غير مفتاحها بتكلبش فيه والعربيه مش بتدور وجهاز الانذار بيشتغل...

دى ايه نظامها ....فى طريقه ممكن تتسرق بيها...

طبعا ربنا هو الحافظ...بس الواحد ممكن يعمل ايه زيادة تأمين

وربنا يفكها على صاحب العربيه..وان شاء الله يلاقيها.

**HeMa_LanCeR** · 20-03-2009 12:45 AM

مش عارف ليه انا حاسس ان هو مشي بيها ونسي حطها فين

**أشرف فتحى** · 20-03-2009 01:39 AM

والله العظيم يا جماعه الموضوع ده بعدها عمللى هسهس انى منين ما هاروح فى حته هارجع مش هلاقي العربيه

**أشرف فتحى** · 20-03-2009 01:45 AM

الحسره والحزن اللى كان فيهم صاحبها على الرغم انه متكلمش خالص
كأن الواحد كان قلبه بيتقطع!!
فعلا الموضوع عامل زى الفزوره وللاسف مش هانعرف الحل إلا لو قابلته تانى صدفه وغالبا مش هايكون عتر فيها
ربنا يصبره والله ده الواحد لما يضيع منه موبايل ب 1000 جنيه بيتعب نفسيا امال لو عربيه دفعت فيها تحويشه عمرك كله؟!!!!
المشكله ان محدش لغايه دلوقتى عتر على احتمال ممكن يكونوا سرقوها ازاى؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

**lancerevolution** · 20-03-2009 02:19 AM

أقولك أنا جابوا عربية نقل و شالوها عليها عادى جدا أكنهم مركز خدمة و بياخد العربية عشان صيانة

**lancerevolution** · 20-03-2009 02:19 AM

و دايما إعقلها و توكل

**magyver** · 20-03-2009 03:02 AM

فعلا حاااجة تحير

**MohaMed_Refaat** · 20-03-2009 05:38 AM

حاجة تغم وتحزن جدا انا متعاطف جدا مع صاحب السيارة وحاسس بية وبثقل بلاؤة وإن شاء الله حيلاقيها إن شاء الله عما قريب وحسبى الله وهو المنتقم من كل سارق او نصاب ياخد ماليس لة او ملكة وربنا يصلح حال البلد دية اللى بقت كلها مصايب وغرائب وبلاوى والنلس بقت بتاكل فى بعض مش عارف لية ؟؟؟؟؟؟

**amrico** · 20-03-2009 09:26 AM

مش هايسرق العربية دي غير واحد متأكد من ان العربية دي غريبة عن المنطقة (يعني واحد من المنطقة او ليه اتصال بحد طول الوقت في الشارع)
اي واحد هايسرق العربية الظهر لازم يكون متأكد ان محدش هايسأل عليها وانها بتاعة واحد غريب

واكيد واحد عبقري طبعا عشان يسرق عربية محكمة زي دي
الشعب المصري مش هايغلب طبعا
شعب العباقرة فيه حرامية ونصابين
ياراجل اللي يخللي واحد ضميره يموت لدرجه سرقة الجثث من المقابر وبيعها لطلبة الطب مش هايخليه يسرق عربية
وإنا لله وإنا إليه راجعون

==
عمرو
==