ma3aya gen 2 2009 3amla 800 kilo wa btakol banzeen gamd 2awy msh 3arf 23mel eh???? fe nas 2altly 2osbor ba3d el 5000kilo mashy bas lwo fadalet zay mahya eh el 3amal
عرض للطباعة
ma3aya gen 2 2009 3amla 800 kilo wa btakol banzeen gamd 2awy msh 3arf 23mel eh???? fe nas 2altly 2osbor ba3d el 5000kilo mashy bas lwo fadalet zay mahya eh el 3amal
يعنى معدل الاستهلاك كام - حاول تحسبة عشان اللى معاهم العربية يقولولك اذا كان طبيعى و لا لأ - و العربية مانيوال و لا اتوماتيك ؟
عامة الاستهلاك فعلا هيقل شوية بعد فترة بس مش بدرجة كبيرة يعنى ممكن يقل من 10 الى 20% بالكتير
حضرتك من قوانين المنتدى ان ممنوع الكتابة باللغة دى
كام معدل الاستهلاك اللي طالع معاك على الكمبيوتر؟؟
مبدئيا العربية لسه فى التليين عادى جدا انها تاكل فى الاول بنزين زيادة
و موش مع صيانة الـ 5000 هاتتظبط ده كلام موش صحيح انما كل لما بتمشى بالعربية شوية هتلاقيها الاستهلاك بدء يقل و بعد صيانة الـ 5000 كلم ابتدى احسب الاستهلاك و هو ده هايبقى الحقيقى ان شاء الله
لا تقلق و مبروك على العربية
اولاً يا سيدي الف مبروووك علي العربية و بلاش الحكم السريع علي العربية زي ما قلت في الموضوع 'بروتن جين 2 .. بروتن برسونا' ان الناس تبعد عن العربية
طبيعي العربية لسه في التلين و لازم تاكل بنزين مع الوصول الي 1000 كم الاداء حيتحسن و مع وصول الي 5000 كم حيكون الاستهلاك ظبط تمام و بلاش وسوسه و استمتع بالعربية
ملحوظه
بلاش الكتابه بالفرانكوا علشان الاداره حتديك تحزير و لو استمريت بالكتابه دي ممكن تتوقف العضوية
أولا أنا اسف على الكتابة بالفرانكو ثانيا العربية اتوماتيك ثالثا العربية استهلاكها 9.7 لكل 100كم زى ما هو مكتوب فى الشاشة (اكنى راكب Bmw ) رابعا الحكم دة مش هزار معانا A5 والاستهلاك مش كدة خالص يا جماعة انا عاوز الافادة مش اكتر عشان كدة زيادة اوى
أولا أنا اسف على الكتابة بالفرانكو ثانيا العربية اتوماتيك ثالثا العربية استهلاكها 9.7 لكل 100كم زى ما هو مكتوب فى الشاشة (اكنى راكب Bmw ) رابعا الحكم دة مش هزار معانا A5 والاستهلاك مش كدة خالص يا جماعة انا عاوز الافادة مش اكتر عشان كدة زيادة اوى وأنا كونت بنصح الراجل بتاع الاكسنت والبيرسونا عشان هو شاب زيى واكيد البنزين مبلااهوش تحت العربية وكمان ازاي تشيلو الرد بتاعى من عندة اسسسسسسسسسف لو بدر منى اى تعصب عشان الموقع دة سبب شرائى للسيارة
انت عامل 800 كليو بس يعنى ولا حاجة
والعربية لسة بتلين وطبيعى جدا انها تاكل بنزين
معدل الاستهلاك الطبيعى بعد 5000 كليو
لكن الى بيحصل معك دلوقتى دة عادى جدا
سلام عليكم
بص يا باشا
أنا معايا بيرسونا اوتوماتيك 2009
انا من اول ماشتريت العربية و انا متابع العداد و هاقولك على التسلسل الطبيعى و انا عامل دلوقت 10500 كيلو
اول ما اخدت العربية كان المعدل بتاعها حوالى 12 لتر لكل 100 كيلو
بعد صيانة الالف كان وصل لحوالى 9 لكل 100
مابين صيانة الالف و ال 5000 وصل المعدل لحوالى 7.4
بعد صيانة الـ 5000 وصل لفترة من الفترات معايا لـ 6.8
و بعد كده زاد شوية ليثبت على 7.2 فى الوقت الحالى و انا لسه مش عملت صيانة الـ 10000
المعدل ده تقريبا انا كنت بعمله لما كانت معايا الشاهين
و طبعا المعدل ده مش دستور
لكن انا علشان مشوارى تقريبا ثابت
أنا هاقلك المعدل الطبيعى اللى بيحصل معايا بقى فعليا
أنا ساكن فى منتصف فيصل
و شغللى فى الحي الثامن مدينة نصر
المشوار بتاعى بيعمل رايح جاي 80 كيلو بالتمام و الكمال ( عن طريق الدائرى)
اللى بيحصل انى مثلا نور البنزين منور و العداد على صفر
حطيت 15 لتر
اخدت المشوار بتاع الشغل يومين ورا بعض و نورت فى تالت يوم و انا لسه متحرك من البيت
يعنى لو حسبناها هى بتستهلك تقريبا 15 لتر لكل 160 كيلو - طبعا انا فى خلال الـ 160 كيلو دول فى اوقات بحرق و اوقات بمشى فى زحمة و اوقات بمشى على مهلى
ده واقع استهلاك البنزين معايا فى الوقت الحالى
يا رب اكون أفادتك
الله ينور عليك كلام 10/10
و انا كمان عايز الاستاذ احمد صاحب الموضوع اوصله
ان احنا كلنا عدت علينا الفتره دي
فعلشان كدا انا قولتله متحكمش بدري علي العربية لاننا كلنا تعرضنا للقصه دي
ـــــــــــــــــــــــــ ــــــــــــــــــــ
استاذ حدوته حضرتك عملت ايه في موضوع الزوايا و التعويم الي كان عند حضرتك في العربية من اثر المطب الشديد الي عربيه اخدته
ياريت حضرتك تطمنا وصلت لايه
و ان شاء الله كل الامور تكون تمام مع حضرتك
السلام عليكم
شكرا استاذ مؤمن حمدى على ردك و على اهتمامك
انا الحمد لله رحت التوكيل و عملت ظبط زوايا هناك, وواضح ان المشكلة كنت فى السوفت وير بتاع العربية اللى على اجهزة ظبط الزوايا, و بصراحة الراجل اللى عملى ظبط الزوايا فى التوكيل(الصحراوى) كان راجل محترم و محترف يعنى فهم منى ايه المشكلة بالظبط (على فكره الجهاز فى قسم صيانة الـ Bmw و ده ادانى راحة لما العربية دخلت هناك).
المهم اشتغل فيها و بعدين قالى انا هاروح اجربها و شوية و رجع و قالى لا العربية لسه مش عجبانى انا هاخش اعيد عليها تانى و اظبط الطارة علشان فيها عوجة صغيرة شمال.
بس المهم راح مظبطها و بعدين اخدتها منه فل الحمد لله و دفعت 88 جنيه لا اكثر.
و الحمد لله العربية لغاية دلوقت زي الفل و الحمد لله و مافيهاش حدف غير الطريق نفسه - و انا نويت انى كل 3 شهور ككده ان شاء الله اروح اعمل ظبط عندهم
شكرا استاذ مؤمن على اهتمامك
اسكندرية و أهل اسكنرية على راسى يا باشا
ألف شكر ليك استاذ مؤمن
السلام عليكم على الجميع
أحب أشارك الأخ أحمد صاحب الموضوع حل مشكلته ( ممكن أوي تكون مش مشكلة )
حضرت لا تعتمد نهائيا على قراءة الكمبيوتر لأنها تنبع من أستخدام اللحظة
يعني لو بتحرق جامد هاتلاقي الكمبيوتر يقولك الاستهلامم بتاعك كذا
و لو مست أد 5 كيلومتر على الهادي هاتلاقي الاستهلاك قل قوي .
لذلك أنتظر انتهاء فترة التليين .
قم بقياس الاستهلاك يدويا ( تمون البنزين و تمشي مثلا 100 و تروح تمون تاني من نفس المحطة و من نفس الماكنية و تشوف فرق الاستهلاك أصبح كام .
لو الاستهلاك كان عالي ..... المفروض أن الاستهلام في فترة التليين أعلى قليلا من الاستهلاك الطبيعي .
لو الاستهلاك عالي قوي .... في صيانة الألف تقولهم عليها و شوف يكشفوا على ECU و ان كان فيه حاجة عايز يتعملها اعادة ضبط تتعمل و هكذا .
المفروض الاستهلاك في العربيات اليدوي يكون كالآتي :
تغيير الغيار عند 3000 لفة - دقيقة
و الثبات على سرعة واحدة زي 75 كم - س عند الغيار الرابع
أو 90 كم - س عند الغيار الخامس
الاستهلاك بيكون ............. من 250 إلى 300 كم لكل 20 لتر بنزين أوكتان 92
الأرقام دي عن تجربة للعربية لمدة سنة و نصف