الموضوع: الى كل الأسكندرانية حد شاف الحادثة بتاعت الفيرنا الى فى رشدى على البحر

المشاركة الأصلية كتبت بواسطة ابو سيف

تقريبا اي حادثه بتحصل بالمنظر دا

الناس بتقول على اللى فيها انهم كانوا سكرانين !!

ربنا يرحمهم

والله ياباشا ده مش كلامي ده كلام انا سمعته زيي زيك

بس بامانة اللي يمشي ع السرعة دي ويعمل حادصة بالمنظر ده يبقى اكيد مش في وعيه حتى وو مكنش سكران

المشاركة الأصلية كتبت بواسطة gemino

بصراحة السواقة فى اسكندرية اقل ما يقال عنها انها زى الزفت و الغريب ان البحر طول عمره فيه ملفات و المفروض ان كل الاسكندرانية يكونوا اتعلموا ازاى يتعاملوا مع الملفات انما تبص و تشوف العجب فى طريقة السواقة داخل الملف ....لو كان الملف يمين تلاقى اللى فى الشمال بياخد الملف على ضيق و يخبط اللى ماشى فى اليمين و لو كان الملف شمال تلاقى اللى ماشى فى اليمين بياخد الملف على ضيق و يخبط اللى ماشى فى الشمال ....بصراحة قمة فى الغباء و التخلف و البلاهة...الا القلة القليلة المحترمة الواعية الادامية اللى بتلتزم و بيكون خط دخول الملف هو هو خط الخروج منه من غير ولا يمين و لا شمال.
اضف لكل ده سواقين السوزوكى الصغير و الميكروباصات و المشاة و و و و و و حاجة تجيب الضغط و السكر و القلب و بعد كل ده البحر من الصعب جدا ان حد يمشى عليه 60 لوحده و الا حايكون مصيره حادثة موت ...بصراحة انا بعد ما بعت العربية من اسبوعين حاسس ان انا بقيت احسن و اهدأ و بفكر جديا انى ما اجبش عربيات

بالنسبة للحادثة اللى ما بين الفيرنا السودة و الاسبارك الحمرا ان لو منهم ما اشيلش العربيات دى و اسيبها للعبرة

انا كان ليا تعليق على كلام حضرتك بما انك وصفت الاسكندرانية بالغباء والبلاهة فيما عدا القلة القليلة المحترمة .. والكلام اللي انا هقوله ليس دفاعا مني عن الاسكندرانية او لذاتي بما اني واحد من ابناء هذه المدينة

احب اضيف لسايدتك معلومة سواء كان حضرتك اسكندراني او مش اسكندراني ان معظم الحوادث اللي بتحصل على طريق البحر سيارات ملاكي القاهرة والجيزة ويمكن مصر كلها تعلم بكده ولو حضرتك عايز تتأكد ممكن تسال اي حد

المشاركة الأصلية كتبت بواسطة abzoabzo

مع اسف اعتذارى الاسكندرانية عندهم مشكلة فى السواقة وده بنلحظه فى شهور الصيف احنا مبنشكرش فى نفسنا بس ده الواقع

ياباشا 90 %من الحوادث اللي بتحصل ع البحر سيارات ملاكي قاهرة وجيزة

وانا من فترة كنت منزل موضوع عن حادث سيارة فيرنا لبست في سيارتين واحدة ياريس والتانية جولف 3 والكلام ده كان ايام عيد الاضحى وال 3 سيارات كانو ملاكي القاهرة يااباشا

الفرنات ملكات الاصطدامات