لمبة الزيت بترعش في السلانسية ومجنيناني
اول لما بمشي بالعربية شوية عادي اول لما عداد الحرارة يتظبط بعدها بشوية تلاقي لمبة الزيت عمالة ترعش لما يكون ال rpm اقل من واحد شوفولي حل عشان انا اتخانات
عرض للطباعة
لمبة الزيت بترعش في السلانسية ومجنيناني
اول لما بمشي بالعربية شوية عادي اول لما عداد الحرارة يتظبط بعدها بشوية تلاقي لمبة الزيت عمالة ترعش لما يكون ال rpm اقل من واحد شوفولي حل عشان انا اتخانات
اكشف على الزيت عندك وشوف نسبتة كام بمسطرة المقاس
أنت مغير الزيت أمتى هو والفلتر وأيه أخبار مقاس الزيت.............
يا جماعة مقاس الزيت مظبوط والفلتر لسة ما بقالوش كام يوم انا بجد مش عارف في اية واشمعني لما ببمشي بالعربية شوية لية مش من اول ما اطلع؟؟
شوف حقولك على حاجه ( روح لكهربائى كويس يراجعلك على خط الأتصال الكهربى بين حساس ضغط الزيت الراكب على المكنه ....وبين لمبة تحذير الزيت فى التابلوه )...............................لو لقيت كله تمام .......يبفى لازم تحل كرتير المكنه وتشوف حالة مصفة الزيت بتاعة الطلمبه (لأنها ممكن تكون مسدوده شويه وعاوزه تنظيف )....شوف دول الأول وقولنا على الوضع قبل ماندخل فى تفاصيل أكثر...................
انا المشكلة دي كانت معايا قبل كده في الفيات 132 حتي بعد العمرة... وممكن ماتظهرش اول ما تدور العربيه علي طول... لكن اول ما الماكينة تسخن ترعش مع السلانسيه... وكان العيب في الطرمبة... لكني تحايلت علي الموضوع باستخدام زيت متعدد اللزوجه... الموضوع قل شويه لكنه كان موجود...
اعتقد : وحط كام خط تحت كلمة اعتقد. لاني باجتهد ليس أكثر.
1- تجمع اوساخ علي حساس الزيت : تفكه وتنظفه.
2- لمبة البيان ماعتقدش ان فيها مشكلة او مهزوزه. ولو كانت كده يبقي حتبان معاك كمان في الارض الوعره لو في مدقات او مطبات خفيفه. حترعش كمان ومش حيبقي في السلانسيه بس.
3- بعد التأكد من ان غيار الزيت حديث وماغبتش عليه ... وان الفلتر جديد... وان مقاس الزيت مظبوط... يبقي لازم تكشف علي الطرمبة.
شوف أخبار ساعة الزيت أيه
حاجة من الاتنين:
اما طلمبة الزيت
و اما سبايك الكرنك
اول ما بتدور الصبح بيحصل صوت تخبيط لعدة ثوانى و بعدين يروح؟؟
لو الاجابة نعم تبقى سبايك كرنك
لو الاجابة لا تبقى طلمبة الزيت
MMamdouh
هو يا محمد باشا الصوت دة كان قبل ما اغير زيت بعد ما غيرت زيت مفيش تخبيط والعربية بتدور عادي اوي
لو طلمبة زيت ممكن تقولي تعملها في حدود كام وانا كدة استبعد موضوع ساعة الزيت ولا اغيرها الاول واشوف
طالما كان فيه صوت يبقى ممكن السبايك تكون فيها مشكلة و الصوت منع لان الزيت الجديد لسة لزوجتة عالية على عكس الزيت اللى نزلتة و كانت لزوجتة قليلة
عموما تغيير ساعة الزيت فى البداية فكرة كويسة و مش حتكلفك كتير... انا معرفش طلمبة الزيت بكام بس اعتقد انها غالية و لو تغيير ساعة الزيت مجبش نتيجة افضل انك تكشف على السبايك قبل ما تغير حاجة على الفاضى
MMamdouh
طيب ماعلشي ا جماعه اعذروني للمره التانيه...اقتباس:
شوف أخبار ساعة الزيت أيه
ساعة الزيت دي حاجه نعرفها بمسمي تاني ولا هيا ايه بالظبط.
دة الاسم الشائع عند بتوع قطع الغيار... و يقصد بية وحدة ارسال لمبة بيان ضغط الزيت
http://www.chircoestore.com/catalog/...021919081b.jpg
MMamdouh