فكره لمنع سرقة السيارة

**fady911x** · 20-03-2009 03:23 AM

ازيكم يا جماعه
انا انهارده و انا قاعد سهران بالليل جتلي فكره اتعملت قبل كده بس مش شايفها متطبقه في مصر
الفكره جات و انا قاعد سهران و ليا يومين مش بستخدم العربيه فلقيت نفسي قلقان ليكون الواد بتاع الجراج بيستخدمها من ورايا و يعمل بيها مشاوير او مثلا انها تتسرق من الجراج و استحاله تعرف مكانها بعد كده
سرقه العربيات بقت منتشره في مصر بعضهم بيكتفي انه يسرق قطع من العربيه و بعضهم بيسرق العربيه علي بعضها و يعلقلها نمر عربيه تانيه و ادي دقني لو لقيتها لأنه ممكن في خلال ايام يحولها قطع خرده للبيع

فالسؤال افرض لا قدر الله في يوم نزلت تدور علي العربيه ملقيتهاش هتعمل ايه؟ الطبيعي انك هتبلغ البوليس بس يا تري هيبقي مفيد في الحاله دي؟

الفكره معموله في بلاد بره من زمان اوي بس مشفتش حد عاملها خالص في مصر
الفكره ببساطه انهم بيركبو جهاز GPS
بيتصل بالنت كل دقيقه مثلا و يبعت احداثياته لموقع المستخدم يقدر يخش عليه و يعرف مكان العربيه فين بالظبط دلوقتي
و الجهاز ده بيبقي صغير جدا و بدايره منفصله بحيث ممكن يتركب في اي حته في العربيه و ميقدرش يكتشفها اللي عايز يسرق العربيه
و في ناس بتستخدم الجهاز استخدامات تانيه زي انه يعرف مكان الواد ابنه المفعوص ياتري راح الجيم زي ما قال ولا رايح الهرم ;) او عربيات الشغل بتستخدم استخدام سليم ولا الموظفين بتوعه بيعملو شغل بيها من وراه و هكذا
انا شايف انه الفكره مش معقده اوي و ممكن نعملها في مصر بسهوله
و بما اني راجل بتاع سوفت وير و شغلانتي البرمجه فانا ممكن اعمل الموقع اللي الجهاز هيتصل بيه و يبعت الاحداثيات ويعرضها علي خريطه جوجل ايرث مثلا
لكن ناقصني مساعده مهندس الكترونيات عشان نصمم الدايره و نعملها و احتمال مساعده كهربائي سيارات
لو في حد مهتم و غاوي المواضيع دي ياريت يضيفني علي الماسنجر
fady911x@hotmail.com
الفكره مش لازم تبقي ناجحه اوي بس ادينا بنتسلي في وقت الفراغ :)

**NoRmAl** · 20-03-2009 03:37 AM

اعتقد فى عربيات فى مصر اريدى فيها GPS
علشان النافيجيشن و كده
وممكن بكل بساطه تاخد الكود بتاع الGPS ده و زى ما انت قولت ياستخدام سوفتوير معين تقدر تعرف احداثيات مكان العربيه بكل دقه
بخصوص الدايره و كده...هو اساسا فى محلات بتبيع GPS لانه اساسا ليه اغراض اخرى خصوصا فى المساحه وكده فى مش لازم تعمله بنفسك ممكن تشتريه و تركبه فى عربيتك وتتبعه بالسوفت وير الى بنسبه كبيره بيجى معاه...

**fady911x** · 20-03-2009 03:55 AM

لا مهو زي منت قلت بيبقي GPS عشان ال navigation بس
يعني بمعني اصح ملهوش Interface
تقدر تكتبله كود او توصله بدايره تانيه مثلا
و طبعا انا مش عايز اعمل دايره ال GPS كامله
انا اعرف انه IC بيتباع بحيث ممكن تركبه في اي جهاز تاني و طبعا بتوصله antena
فالفكره انه ندور علي ال IC ده و نعرف ازاي نقري الاحداثيات بتاعته و هنستخدم microcontroller نكتبله برنامج يقري من ال GPS و يبعت الاحداثيات للموقع علي النت من خلال النت بتاع شركه اتصالات مثلا اللي بكارت الموبايل
طبعا الكلام ده نظري واكيد لو حد بيفهم في الالكترونيات اكتر مني هيقدر يعملها بطريقه احسن ان مكانش عمل حاجه شبيهه قبل كده كمان

**enafea** · 20-03-2009 09:26 AM

الفكرة دى فعلا موجودة و مطبقة فى مصر
بس للاسف "محتاجة تصريح حكومى"

ده سايت بيعمل الموضوع ده بس فى US
http://www.mymobileguardian.com

و ده موجود فى مصر
http://www.gpsegypt.com

**amrico** · 20-03-2009 09:41 AM

المشاركة الأصلية كتبت بواسطة enafea

الفكرة دى فعلا موجودة و مطبقة فى مصر
بس للاسف "محتاجة تصريح حكومى"

ده سايت بيعمل الموضوع ده بس فى US
http://www.mymobileguardian.com

و ده موجود فى مصر
http://www.gpsegypt.com

عراقيل عراقيل
بيروقراطية بيروقراطية

**eslam_wega** · 20-03-2009 09:57 AM

المشاركة الأصلية كتبت بواسطة NoRmAl

اعتقد فى عربيات فى مصر اريدى فيها GPS
علشان النافيجيشن و كده
وممكن بكل بساطه تاخد الكود بتاع الGPS ده و زى ما انت قولت ياستخدام سوفتوير معين تقدر تعرف احداثيات مكان العربيه بكل دقه
بخصوص الدايره و كده...هو اساسا فى محلات بتبيع GPS لانه اساسا ليه اغراض اخرى خصوصا فى المساحه وكده فى مش لازم تعمله بنفسك ممكن تشتريه و تركبه فى عربيتك وتتبعه بالسوفت وير الى بنسبه كبيره بيجى معاه...

يريت تفصيل اكتر لان الموضوع مهم جدا

**Ahmed Selim** · 20-03-2009 10:20 AM

المشاركة الأصلية كتبت بواسطة fady911x

لو في حد مهتم و غاوي المواضيع دي ياريت يضيفني علي الماسنجر
fady911x@hotmail.com
الفكره مش لازم تبقي ناجحه اوي بس ادينا بنتسلي في وقت الفراغ :)

أكتر أتنين أعرفهم فى المنتدى ليهم فى الموضوع ده هما محمد مختار و محمد فرحات
M.Mokhtar
Farahat

و الفكرة هايلة طبعاً بس أعتقد أن أى عربية فيها ايموبيليزر مش هتتسرق ( فى مصر )
بس اللى بيسيب مفتاح العربية فى جراج و لا حاجة أكيد هتبقى حاجة مفيدة بالنسباله.

السؤال دلوقتى.....هل الموضوع ده ممنوع زيه زي ال Navigation GPS و لا لأ؟

**fady911x** · 20-03-2009 12:15 PM

هو بالنسبه للمنع في مصر
ياما في حجات ممنوعه في مصر و شغاله
و برضه ياما في حجات كانت ممنوعه و بعد كده مبقتش ممنوعه
اديك مثال مثلا الواي فاي كان فيه اجهزه فيه ممنوعه و كانت الشركات مينفعش تستورد الا نوع واحد بس اللي كان سرعته 45 تقريبا

انا طبعا عارف الفكره قديمه و معموله قبل كده بس مشفتهاش في مصر بنفسي او بمعني اصح مشفتهاش منتشره و زي مكتشفت انه فعلا في شركات مصريه عملاها

انا كنت بفكر نعمل الدايره نفسها و السوفت وير بنفسنا مش نشتريها جاهزه و ممكن الأول الموضوع يبقي علي سبيل التسليه و مين عارف بعد كده ممكن يبقي مشروع تجاري
و ممكن نزود علي الفكره القديمه افكار تانيه جديده
و في الأخر حتي لو مبقاش مشروع تجاري يبقي عملنا حاجه للأستخدام الشخصي :)

**PoweRPassioN** · 20-03-2009 12:29 PM

انا مليش اوي في التفاصيل التقنيه بتاعت الفكره
بس كنت عايز اقولك يا فادي ""أوعى تقلل من افكارك وتقول على سبيل التسليه. الفكره حلوه وخدها بجديه وشوف اللي عايز يتعمل من اول التطبيق الفني للفكره وحتــــــــــــــــــــــ ى التصاريح لو ينفع""
وبالتوفيق

-

الموضوع: فكره لمنع سرقة السيارة

LinkBack

أدوات الموضوع

عرض

-

-

-

-

-

المواضيع المتشابهه

الوصايا العشر لمنع سرقة السيارة

الوصايا العشر لمنع سرقة السيارة

فكره حلوه لمنع سرقه السياره

طريقة لمنع سرقة غطاء السيارة

الكلمات الدلالية لهذا الموضوع

المفضلات

المفضلات

ضوابط المشاركة