أيه يا جماعه ما حدش جاب سيرة الأسطورة رائدة الدفع الرباعى فى مصر النيفا
عرض للطباعة
أيه يا جماعه ما حدش جاب سيرة الأسطورة رائدة الدفع الرباعى فى مصر النيفا
هى فعلا اسطورة الدفع الرباعى بلا منافس علشان كده لا احد يقدر على الكلام عليها
فية ناس كتير فى مصر عدلوا فيها وبقت رائعه
لو تتكرم تقول لنا الناس اللي في بلدنا عدلوا فيها ايه؟ وازاي؟ ولو عندك صور سأكون لك من الشاكرين
اليو تيوب ماليان عربيات نيفا كتير
نيفا !!!!!!!!!
انا بكره العربيه دي جدا
دي تنفع عربيه حرب لكن ماتنفعش تركبها كا سياره خاصه ابدا
لا طبعا حصل تحديث في الموتور بقي حقن الكتروني
و في الكماليات طبعا
و العربيه ذات اعنماديه عاليه جدا
و رخيصة جدا
بس العيوب
3 باب يعني متنفعش عيله
العفشه ناشفه جدا
الشكل لم يتغير من 30 سنه و دا معناه انها 128
يا رااااااااااااجل!!!!
ناشفه هههههه.. انت ما ركبتش موديل 93 اكيد...
انا حصل اني مره كنت ماشي عادي في امان الله طلعلي مطب في نص الشارع ... تعرف ايه الي حصل؟؟؟
دماغي خد فيها 4 غرز!!!!!
يا جدعان دي عربيه تدخل بيها في الحيط الحيط يقول ايي.....
دي مش سيارة مدينه خالص.. انا معايا موديل 1993 فيها تكيف و حركات بس برضو دي مش عربيه مدينه خالص ولا عائليه...
بس ارجع و اقول برقبه مييت عربيه تانيه انا بحبها
اهو ضرب الحبيب زي اكل الزبيب ههههه
بتفكرنى بايام ما كنت مجند فى الجيش كنا بنترعب منها لانها كانت مخصصة لقادة اللواءات والرتب الكبيرة فى المنطقة الغربية وبالتالى جت لى عقدة حقيقية لما اشوفها ههههههههههه خصوصا لو لونها ابيض
لكن شوفت ليها على اليوتيوب مقارنات جامدة وشبه مستحيلة مع عمالقة الدفع الرباعى واثبتت كفاءة
انا بحترم العربية دى عشان امكانيتها
[youtube]http://www.youtube.com/watch?v=v_bPH1YcAPE[/youtube]
[youtube]http://www.youtube.com/watch?v=Ri05q5daGx0&feature=related[/youtube]
[youtube]http://www.youtube.com/watch?v=MDrYOcBbEtg&feature=related[/youtube]
[youtube]http://www.youtube.com/watch?v=MlpESVpC0KQ&NR=1&feature=fvwp[/youtube]
[youtube]http://www.youtube.com/watch?v=0xt2tZLbpxE&feature=related[/youtube]
Main features, safety and ecconomy
Engine size: 1688 ccm (103.00 cubic inches)
Fuel type: Gasoline
Fuel mixed driving: 5.9 litres/100 km (39.73 miles per gallon)
Seats: 4
Drive: 4WD
Transmission: Manual, 5-speed
Engine and transmission
Engine location: Front, longitudinal
Displacement: 1688 ccm (103.00 cubic inches)
Engine type: Inline, 4 cylinder
Max power: 80.00 PS (59 kW or 79 HP) at 5400 Rev. per min.
Max torque: 133.00 Nm (13.6 kgf-m or 98.1 ft.lbs) at 3200 Rev. per min.
Bore x stroke: 82.0 x 80.0 mm (3.2 x 3.1 inches)
Fuel system: Injection
Valves per cylinder: 2
Fuel control: Overhead cam (OHC)
Gearbox: Manual, 5-speed
Speed and acceleration
Top speed: 137.0 km/h (85.1 mph)
Power/weight ratio: 0.0661 PS/kg
Exterior and interior
Max no. of doors: 3
Passenger space: 3690 litres (975 gallons)
Optional cargo space: 1420 litres (375 gallons)
Steering, brakes and tires
Brake details: Optional antiblocking system (ABS).
Front tire dimensions: 175/70-R13
Rear tire dimensions: 175/70-R13
Dimensions and weight
Weight: 1210 kg (2,667.6 pounds)
Max weight with load: 1610 kg (3,549.4 pounds)
Towing weight: 1490 kg (3,284.9 pounds)
Overall length: 3730 mm (146.9 inches)
Overall width: 1690 mm (66.5 inches)
Overall height: 1650 mm (65.0 inches)
Ground clearance: 230 mm (9.1 inches)
Wheelbase: 2210 mm (87.0 inches)
Fuel capacity: 42.0 litres (11.10 gallons)
Other specifications
Country of origin: Russia
CO2 emissions: 180.0 g/km
ابتديت اشوف موديلات 2009 بتجرى على الطريق مافيش حد فى المنتدى جابها
عشان لما اقولكم اخدت 4 غرز في دماغي تقدروا هههههه....
والله العربيه فوق الممتاز بس هي مش عائليه ولا لاستخدام المدينه...
انا زميل لي جاب موديل 2009 و بيشكر فيها جامد و بيقول انها المفروض انها تكون اغلي من كدا بكتير .....
انا معايا الصراحه موديل 1993 و الحمد لله العربيه بجد يعتمد عليها....
لو حد بيفكر يشتريها توكل علي الله مفيش عربيه جيب في مستواها نهائي بالسعر دا و ترتيبها معروف وسط سيارات الدفع الرباعي و لها سمعه جيده جداً
هى الصراحة عربية توب وياسلام لو معاك فى شرم والحتت الجبلية
من يومين... شفت اعلان عن نيفا 2008 الجديدة... عاملة 8000 كيلو و صاحبها بيطلب فيها حاجة و خمسين ألف... 56-57 مش فاكر....
اتصلت بيه... لقيته بيقوللي عشان أكون أمين معاك... العربية ديه زبالة زبالة زبالة...
طيب ايه عيوبها؟
هنقلكو بالظبط الصورة زي ما سمعتها منه...
أولا كلت بيها مطبين جامدين شوية.... طقم البيض اتكسر و رحت غيرته... (من مطبين جامدين)
تاني حاجة... تكييف مالوش أي لزمة...
و كمان فيه ريحة بنزين بصفة مستمرة في الكابينة... و حتى التوكيل نفسه مقدرش يحلها...
و يا سلام بأة لو قافل الازاز و مشغل التكييف.... ريحة البنزين بتزيد جدا جدا....
دا غير أن خراطيم ووصلات التكييف مبقوش يوصلوا الهوا زي الأول بعد ما العربية دخلت في مطبات و مدقات....
فتيس الغرز متركب بطريقة غير اللي موجودة في الكتالوج اللي جاي مع العربية ...
بيقوللي جيت أجربه بحسب الكتالوج... ماشتغلش مظبوط... فسألت بتوع التوكيل قالولي احنا مركبينه باختلاف عن الكتالوج
غير طبعا المعاملة في التوكيل... أسوأ معاملة... و ناس مش فاهمين أي حاجة...
بس في الآخر... قاللي أن النيفا الروسي أحسن 100 مرة...
الصراحه مش عارف ايه دا!!!!
انا متفق معاك انه اصلا انت بتشتري عربيه توكيلها سئ الصراحه بس العربيه مش وحشه للدرجه دي!!! طقم بيض من 8000!!!!
انا معايا الروسي 1993 و عامل حاليا 193.000 و عمري ما جيت جنب العفشه غير مساعدين فقط مع العلم ان استخدامي 70% منه علي مدقات و طرق مكسره و غرز.... و زميلي دلوقتي داخل علي 10,000 و ركبتها معاه بسم الله ما شاء الله حلوه و تكيفها معقول و عفشتها تمام و مفيش اي مشاكل في الات الجر...
ربنا يكون في عون الراجل دا بجد ... ريحه البنزين دي الوصلات بتاعه التنك و العوامه غالبا مهربين معلومه تنك البنزين يتاعها تحت الكنبه الخلفيه مباشره و دا اللي مخلي الكنبه اللي ورا عاليه عن الكراسي اللي قدام...
شكراً لمشاركتك
موضوع جامد
ولله العربية دى انا بعشقها انا كنت ساعات باخدها امرمط فيها حبة و اعمل حبة اثارة ف حياتى و ادخل ف الرمل و اخش حبة ف الرمل و بعيد عن المدنية
كنت بعملها زى فسحة كدة ولله كانت بتستحمل استحمال بشع
بس فعلا كانت غير مريحة و قعدت ييجى 7 سنين معانا طلعان عين ابوها و ولا مرة العفشة اتلمست غير ف علبة الدركسيون كان فيها عضة ..
يا جدعان انا كنت ناوي اجيبها عشان مبدأ حمارتك العرجة تغنيك عن سؤال اللئيم وخصوصا ان انا كل يوم باتمرمط في المواصلات وياسلام لو معايا مراتي هاهاهاها مش عايز اقولكم فانا اهو باخلص في واحدة عشان سعرها ومصاريف صيانتها وخصوصا اني ساكن في بدر وشغلي في مدينة نصر
انا كمان عايز عربية نيفا تكون اواخر التمانيات كده علي اد فلوسي فلو ياريت حد يعرف قطع الغيار بكام وظروفها ايه متوفرة ولا لا وايهاهم عيوبها وكده يعني ويايت لو في تعديلات فيها يبقي يقولي لانى بصراحهعاشق نيفامع العلم انها هتبقي استخدام شخصي ليا
عربية حلوة لما بتتعدل
عن نفسي يا جماعه انا بحترم العربية دي جدا وبدور عل واحده بس مش لاقي حاجه كويسه يعني وكل الي معاه نيفا مهمل جدا فيها ومش بيعاملها كانها عربيه .. دي بصراحه حمله اسيه وياريت لو فيحد معاه نيفا كويسه يتصل بيا monzer_500@yahoo.com
طب ياريت لو في حد عنده العربية دي وبيبيعها لانى دورت ومش لاقي حاجه كويسه monzer_500@yahoo.com
ياريت معلومات عن الاستبلتي بتاعها لاني بسمع انها مش ثابتة خالص
النيفا عربيه وحش انا برده معايا موديل93 عربيه حكايه من الاخر حمارة شغل وعمرها ما قلت بيه