لا تعليق ............علشان البوكس
عرض للطباعة
لا تعليق ............علشان البوكس
جامدة برباط الرسالة ده
تحيا الحكومه بنت.................. الحلال
تعيش الحكومه واللى جابوا الحكومه
ويعيش احمد عرابى ومحمد الكحلاوى
وتحيا الامه العربيه
انا مغمض اهه
بس والله نفسى افتح
نفسي اقوم و اسقفلك
تحياتي
للأسف انا مصري
جامدة جدا شكرا وفعال شر البلية ما يضحك
من صاحب الكلمات؟ وما المصدر سؤال يطرح نفسه.
http://dorob-life.blogspot.com/2007/...g-post_20.html
http://www.ebnmasr.net/forum/t36750.html
http://www.alexagri.com/forum/archiv...hp?t-3186.html
http://forums.myegy.com/thread1400.html
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف