الموضوع: نيو اكسنت

على مسئوليتى .. العربية ممتازة اتوكل على الله و مش هتندم .

المشاركة الأصلية كتبت بواسطة amek

وهل هى فعلا متنفعش للسفر ولا لا

يعنى اية متنفعش تسافر .. انت لو حبيت تروح بيها اسوان رايح جاى مفيش اى مشكلة .. موتورها اقوى موتور فى فئتها و ثباتها جيد و فرامل قوية جدا ، قعدتها مريحة و تكييفها تلاجة و العربية كاملة تقفيل كورى مفيهوش غلطة ، انا شايف انة احسن اختيار خاصة ان سعرها اقل من حاجات كتير مع انها تتفوق عليهم .
كان ناقصها بس عوامل الامان زى ال abs, ebd, airbags لكن سعرها و باقى مميزاتها يغطوا على الجزئية دى و كفاية انى راكب عربية واثق فى كل حتة فيها ، مش راكب عربية فيها كل حاجة و كل عوامل الامان و مع ذلك مشكوك فيها و جودتها تعبانة

المشاركة الأصلية كتبت بواسطة amek

طب وقطع الغيار هل فعلا غاليه..يعنى مثلا اغلى من الافيو والاوبترا؟

دى اسعار الاوبترا منقولة من مشاركة للاخ حسن خليل

المشاركة الأصلية كتبت بواسطة Hassan Khalil

المساعدين الاماميين ( اوبترا ) .. الواحد 550جنيه
المقصات ( اوبترا ).. الواحد 525جنيه

المشاركة الأصلية كتبت بواسطة Hassan Khalil

* مساعدين خلفي اوبترا ( الواحد ) 480 جنيه
* اكصدام خلفي ( اوبترا ) فيبر فقط 1500
*-- -- --- -- كامل بالشاسيه 2800 ( تقريبا زي الامامي )
*
رفرف خلفي 1500(اوبترا )

*
(اسعــــــــــــــــــــــ ـــــــــار التوكيل )

المشاركة الأصلية كتبت بواسطة Hassan Khalil

ابدأ بنفسي

* فانوس أوبترا امامي يمين 800 جنيه
* فانوس اوبترا خلفي يمين 500 جنيه
( معرفش فيه فرق بين اليمين و الشمال و اللا لأ .. بس الموظف بتاع قطع الغيار قاللي كده بالنص )
* مراية جانبية يمين كاملة 580 جنيه ( اعتقد الشمال اغلي لان فيها ازرار تحكم المرايات الكهرباء )
* اكصدام امامي ( فيبر فقط ) 1500 جنيه
* اكصدام امامي كامل ( شامل الحشو + المصد الحديد اللي جوه الاكصدام و بيركب لحماية صدر العربية ) 2900 جنيه
**********
( الاسعار خالصة و شاملة ضريبة المبيعات )

و دى قطع غيار الاكسنت من مشاركة الاستاذ حمادة المصرى بس الاسعار قديمة شوية و اكيد رخصت عن كدة دلوقتى

المشاركة الأصلية كتبت بواسطة حماده المصري

يا جماعه في مواضيع كتير في المنتدى فيها معلومات عن النيو اكسنت

وعامه انا هقول الي فاكره


تيل فرامل 350 تقريبا وفي نوع اسمه ريمسا اسباني ب 250

فلتر هوا 90

لتر زيت 25

بوجيهات من التوكيل 60 تقريبا ومن برا 40 ان جي كي ياباني

الاكصدام الامامي كان في حدود 1600 بس زمان دلوقتي اكييد ارخص بس برضو اعلى ب 1000

وعموما الاكصدامات موجودين تجاري ب بارخص من 500 جنيه

تيش علبه دركسيون ب 200 الواحد وفي نوع تجاري الاتنين ب 150

بار علبه دركسيون الواحد ب 300 تقريبا او 350

الرفرف زمان كان بس 600 والفانوس الامامي ب 950

البليه بالسره الي ورا سعرها ب 1400 وبصراااحه حرام عشان جبتها من الامارات اوريجينال ب ما يوازي 250 جنيه

المقص واحد ب 700 وواحد ب 800 بالجلبه بتاعته

بيض المقص ب 300 تقريبا الواحده

فلتر بنزين ب 300 تقريبا او ارخص سنه

المساعدين الامامي كان ب 500 تقريبا والخلفي قريب منه في السعر

بطاحه مساعد امامي ب 250 وبطاحه خلفيه ارخص من كده

العربيه قطع غيارها هي هي الكيا ريو وقطع غيار الريو بتتباع ارخص يعني سمعت ان تيل الريو ب 280 دلوقتي انا كنت جبته ب 320 والنيو اكسنت ساعتها كان ب 350
برضو معظم قطع غيار الريو هتلاقيها ارخص سنه ويفضل انك تجيبها عشان الاتنين واحد ونفس الخامه

طبعا الاسعار الي فوق دي مش فاكرها بالضبط وممكن نكون رخصت وممكن تكون غليت ف اي حد عنده تعديل يقوله هنا

واي حاجه يا جماعه انا تحت امركم

و ممكن تتصل بالتوكيل و تتأكد من نظام الاسعار دلوقتى اخبارة اية