عرض للطباعة
معروض عليا لانسر 2007 كلاسيك مصري اون فيراني (فرش جلد - جنوط سبورت من التوكيل - اوكر نيكل - رخصة سنة - تامين شامل لحد شهر اكتوبر اللي جاي - 60000 كم معظم الكيلومترات سفر - طالعة من التوكيل شهر اكتوبر 2007) بس مغيره اكصدام امامي بالتوكيل بيقول مش مشيسه وكل صيانتها توكيل - لسه مغير الجنوط من 3000 او 4000 كم
هو طالب فيها 80000 الف فا ايه رايكم فيها ,, كمان ازاي اعرف مشيسة او لا وحالة الموتور
على العلم ان صاحبها معرفة
شكرا واسف للاطاله
1600 ولا 1300 ؟
اوتــوماتيك ولا عــــاده ؟
Automatic 1600 cc
60000 كيلو كتير على موديل 2007
هوا سعرها كويس
بس عدد الكيلومترات عالى بالنسبة لموديل السنة
بالنسبة لحالة العربية كمجمل مش موتور بس
هتروح التوكيل وهيكشفو عليها بحوالى 200 جنيه
وهيقولك الحالة العاملة للعربية من حالة موتور وفتيس وعفشة وحوادث وكمان رشة ولا لأ
والف مبروك مقدما وربنا يسهلك العملية ان شاء الله
شكرا للرد انا عارف انها كتيرة شوية بس منهم تقريبا 40000 سفر واكيد السفر مش زي مايتعملو جوة البلد مثلن من ناحية الرش انا عارف اللي فيها كان اكصدام والمفروض اتغير وعلى العموم وقت ماشوفها التوكيل فعلن وهما يكشفو عليها وان شاء الله اشاركم الرأي مرة تانية فيها لو فيه نصيب وشكرا للرد
نرجو الدقة عند كتابة (ان شاء الله)
مشرف القسم
اعتقد سعرها معقول ولو عرفت تخلص على 75 يبقى احسن لان
مفهاش ولا عتب ولا اسبويلر ولا فتحة سقف
وطبعا اكشف عليها فى التوكيل الاول
أكصدام الانسر حمال قسية أوى أوى ومعنى انه اتغير انه مكنش قابل للتصليح .. فا كدا فى احتمالين :اقتباس:
بس مغيره اكصدام امامي بالتوكيل بيقول مش مشيسه
1- التوكيل مالوش فى تصليحه واستسهل يغيره ( زى ما عملوا معايا وصلحته بره ب 20 جنيه )
2- يا أما العربية كانت متبهدلة من قدام لدرجة ان الأكصدام اتقطع ومبقاش ينفع يتصلح .
بالنسبة للشاسية بيبان من شكل العربية , وممكن تسأل سمكرى هو أحسن واحد يفيدك
- فرش الجلد أكيد هو اللى مركبه وثمنة بيكون فى حدود 450 يعنى مش الأصلى بتاع العربية .اقتباس:
كلاسيك مصري اون فيراني (فرش جلد - جنوط سبورت من التوكيل - اوكر نيكل
- أوكر النيكل .. الكلاسيك بتنزل من غيرها بردوا .
ميزة السفر انه بيخلى الموتور بيشد بسرعة ومتعود على السرعات العالية والتسارع بسرعة أكبر غير لما تكون العربية ماشية على طول فى زاحمة تحس ان موتورها برووطه كدا .اقتباس:
معظم الكيلومترات سفر
طالما غير الأكصدام يبقى اكيد الكابوت نابه من الحب جانب , تبقى خلى بوياجى يقولك هو مرشوش ولا لأاقتباس:
من ناحية الرش انا عارف اللي فيها كان اكصدام
انت قولت كلمة مش مشيسة ودى بصراحة مقلقانى شوية .. عارف تحس انها كانت مشيسة واتصلحت مثلا .
وكنت عايز أقولك ان تغيير الأكصدام أكيد مكنش لسبب هين , فا ممكن فى اعتقادى انها خابطة جامدة من قدام وكان نتيجتها : تغيير الأكصدام والفوانيس و رش الكابوت .
- الفوانيس اتغيرت .. فا شاف انه ملوش لازمه يقولك
- الكبوت اترش : فا حس انك حتقلق لو قالك
- اكصدام اتغير : كنت كدا كدا حتعرف عشان مع الوقت والركن الكتيير واكصدامات العربيات لما تخبط فى بعض على الخفيف حيبدأ المعجون يشقق والبوية تفرقع