yes ui believe that proton is a good car, but it is not better than cars like elantra, cerato, and is not more durable and reliable than lanos or optra, we have to accept facts
عرض للطباعة
yes ui believe that proton is a good car, but it is not better than cars like elantra, cerato, and is not more durable and reliable than lanos or optra, we have to accept facts
انا بحب البروتون جدا و مشاكل التقفيل قلت جدا فى موديل 2009
وانا رأيى ان البروتون نسبة الى سعرها احسن من العربيات الكورى نسبة الى سعرها لان بثمن الكورى اركب يابانى احسن لكن بثمن الماليزى هاركب صينى
وده طبعا رأيى اللى خلانى اجيب بروتون و طبعا عمرى ماركب اوتوماتيك كورى ابدا اما بروتون الاوتوماتيك بتاعه متسوبيشى
انا بحب البروتون جدا و مشاكل التقفيل قلت جدا فى موديل 2009
وانا رأيى ان البروتون نسبة الى سعرها احسن من العربيات الكورى نسبة الى سعرها لان بثمن الكورى اركب يابانى احسن لكن بثمن الماليزى هاركب صينى
وده طبعا رأيى اللى خلانى اجيب بروتون و طبعا عمرى ماركب اوتوماتيك كورى ابدا اما بروتون الاوتوماتيك بتاعه متسوبيشى
طب أنا عاوز أسأل سؤال تانى يمكن بعيد عن الموضوع تجيب هارد ديسك للكمبيوتر بتاعك ماليزى و لا كورى طبعا مش هاعلق على السؤال بس كلنا عارفين ماليزيا سابقة فى الموضوع ده أد إيه و بالنسبة للسيارات ماليزيا بتعمل ماركة تانية و بتصدر منها للخارج زى البرودوا و دى بتتمتع بخامات أعلى فى الجودة من بروتون بس وكيلها فى مصر سىء للغاية و غير مهتم بيها و بالنسبة لكوريا فهيا متقدمة نسبيا عن ماليزيا فى صناعة السيارات للبداية المبكرة و الدعم من العمالقة مثل الولايات المتحدة للإستمرار فى الأسواق بقوة بس سيبكم بقى من ده كله إحنا بتوع كلام و خلاص إمتى بقى هانبقى زى كوريا أو ماليزيا علشان فعلا ننتقد عن دراية ده عامل النظافة فى ماليزيا كان أنظف بمراحل من موظفين كبار عندنا سواء فى لبسه و هندامه أو إعتزازه بنفسه و بلده و طبعا نفس الكلام أكيد فى كوريا بس أنا باتكلم على اللى شوفته بعنيا كفايا إن الأوربيين لما كانوا بيروحوا معانا ماليزيا كانوا بفضلوها فى الجمال و النظافة و النظام و الهندام و الأخلاق عن بلادهم يارب نبقى زى ماليزيا و لا كوريا فى يوم من الأيام و بما إنى جربت الهيونداى الكورى متمثلة فى الفرنا الكورى أتوماتيك و كانت ب 90 الف جنيه 2004 قبل بداية التجميع المصرى و حاليا معايا الواجا هانم الماليزى بردوا ب 90 الف جنيه و أتوماتيك 2006 أحب أعبر عن رأى فى الإثنين الفرنا خامات داخلية معقولة أداء متوسط محرك جبار 1600 و ناقل حركة متوسط الأداء و عفشة سيئة و الواجا خامات داخلية جيدة أداء المحرك الميتسوبيشى ال 1600 متوسط ناقل الحركة ميتسوبيشى أداؤه جيد العفشة جيدة الصاج ممتاز.
طبعا دى مقارنة سيارة بسيارة و عن تجربة شخصية لكن مقارنة صناعة السيارات الكورية بصناعة السيارات الماليزية مش عملية سهلة و تحتاج لخبرة كبيرة فى مجال السيارات و ليس مجرد آراء لهواة أمثالى رغم عملى فى مجال الهندسة و بالتحديد فى النقل البحرى لكنى أجد نفسى أقل من أن أقيم تجربتين عظيمتين للصناعة مثل التجربتين الكورية و الماليزية
الصناعة الكورية بصفة عامة و منها صناعة السيارات كلها مبنية على المواصفات القياسية اليابانية و هى أرقى و أكثر مواصفات قياسية موجودة فى العالم كله تراعى معايير الجودة و عليه فالصناعة الكورية صناعة محترمة و واعدة جداً فى المستقبل و الدليل ما وصلت إليه اليوم الدايو و الهيونداى و الكيا حيث أصبحوا من مصاف كبريات الشركات العاملة فى مجال صناعة السيارات فى العالم اليوم
اثق فى الكورى
في ماليزيا خطة اسمها 2020 والغرض منها ان ماليزيا تصل إلى مرتبة اليابان و الصين اقتصاديا و تقدما
وطبعا حيحلوا محل كوريا الجنوبية في كل شيئ
والبداية مبشرة في موضوع السيارات , فالماليزيون يعتقدون انهم صنعوا اول سيارة تتستطيع ان تقف على نفس مستوى السيارة اليابانية وبذلك يكونوا سبقوا كل الاسيوي
وهي بروتون ساتريا نيو
PROTON Holdings Berhad - Highlights & Features
وانا اعتقد ان بردوا صنعت سيارة جميلة و مبشرة ومحترمة جدا في السوق الماليزيا وهي ألزا
Perodua : Perodua Alza - Versatile As You
بالإضافة لسيارة بروتون اللي معجب بيها برضه و هي اكسورا
PROTON Holdings Berhad - Highlights & Features
وان شاء الله نشوف بروتون وبردوا في مستوى مرسيدس وبي ام عن قريب بإن الله
والنبي الناس اللي بتتكلم علي بروتون قبل ما تفتي و تقارن و تقولك بروتون عربيات مش حلوه تركب العربيه الاول و بعدين تتكلم انما تتكلم كدا و خلاص يبقي سيادتك بتفتي و احنا اكتر شعب بيحب يفتي اساسا و عاملين نفسنا فاهمين و خلاص
الكوري يكسب لانة عمل طفرة في عربياته ابتداء من 2010 و هيونداي بقي ليها مكانة عالمية
المقارنه لا تصلح اصلا--كوريا فى المقدمه بفرق شاسع--عاوزين تقارنوا شركات ومصانع عملاقه بعربيه واحدة او اتنين ماليزى
الماليزى
الكروي هيكسب
بس مجرد ان الماليزي فالوقت القصير ليه ده ويتقارن بسهولة مع الكوري
ده لوحده انجاز يحترم عليه المالزين ...
مجرد راي
كوري طبعا,,,ياراجل دي شركه هيونداي مسحت التويوتا في دول الخليج والعالم,,,الماليزي في الطريق ان شاٱ الله ويارب يقفلوا عربيات عدددل
الجنازة حارة و الميت كلب
ليه هيونداى متقدمة عشان عمل جاد بدون نوم او انهزام ولا معرفة شى الا العمل طبعا اكثر بكتير من الماليزين ماليزيا بتحاول تسرع من خطواته ولكن كوريا سريعة جدا بدون راحة وهذا هو الاختلاف ولكن السيارة الكورية مهما كان ضعفية جدا فى الاداء وشوف اداء الوجان فى السوق المصرى سريعة جدا فى البيع وهزمت سيارات كتيرة كورية بقالهم سنين كتير هزمت لانوس وفيرنا سيارات لا تنفع مع كامل تقديرى لسيارات الماليزية اجمل بكتير من الكورى ده مجرد راى
اليابانى طبعا من حيث الاعتمادية
الكوري اكيد ، و ده من وزن الماركات الكوري عالميا و كحصص بالسوق
واحد بيقول عربية واحدة او اثنين ماليزي ، يبقي ميعرفش بروتون اصلا دة بيتكلم عن ماركة تانية :)
هو أصلا اللي مقتنع بشئ ... مش بيغيره .
و اللي مش بيجرب حاجة عمره ما هايعرف حاجة جديدة .
من 20 سنة مكنش حد يعرف حاجة عن هيونداي غير أنها تقليد لهوندا (كلام غلط طبعا)
المهم دلوقتي الكوري ما شاء الله وصل لدرجة عالمية من المبيعات جعلته خامس أكبر مُنتج في العالم .
بس الثقة مش بتتقاس بالمبيعات .
الثقة بتتقاس بالمنتج نفسه و ليس عدد مبيعاته .
عندك مثلا الهيونداي في مثال سابق أنا قلته في نفس الموضوع
بتبيع مبيعات مهولة مقارنة بفولفو أو حتى لوتس .
هل ده معنى أني معنديش ثقة في فولفو أو لوتس .
لا طبعا .
و اللي بيثق في الماليزي أشتراه و اللي بيثق في الكوري أشتراه .(أنا بثق في الأثنين و لكن أحب بروتون أكتر لجودة المنتج مقابل المال المدفوع و لميزة الثبات في القيادة و أني متميز و أنا سايق حاجة بروتون بالاضافة طبعا أني بعشق ماليزيا و بأتمنى لهم و لينا كل الخير و التعاون )
كبر دماغك .
معاية برودوا ماليزى ..بصراحة جنب البيكانتو و ال اى تن ملكة + ان سعلرها أقل 15% و ماتور يابانى سهل جداً .. بصراحة انتم ظالمين الماليزيين جداً
الكوري طبعا
الموضوع مرتبط اكتر بموديل العربيه نفسها هل هو يعتمد عليه و لا لأ و ملوش معنى التعميم بقول الكورى كله او الماليزى كله و لا حتى الاوروبى كله لان تحت. الكورى مثلا ماركات و موديلات مختلفه و كل شركه ليها معاييرها فى الجوده و أهدافها و مش شرط ان كلها تبقى كويسه و خاصه ان مفيش حاجه تجمعها غير انها تبع دوله معينه و لذلك اعتقد ان التعميم مضلل و بعدين وارد جدا ان ماركه تعبانه تعمل موديل كويس تكون هى بدايه انتشارها و ماركه مشهورة تعمل موديل تعبان يوقع مبيعاتها و يخللى الناس تبعد عنها و فى الحالات اللى زى دى الكلام على موديل فى ماركه يبقى كلام دقيق . صحيح فى ماركات اغلب موديلاتها كويسه لكن برضه هناك فرصه انها تعمل حاجه تعبانه يعنى و لذلك لابد من التقييم المنفصل لموديل كل عربيه من الموديلات اللى تبع كل ماركه علشان اللى بيشترى ما :b4_556:
الكورى طبعا
كوريا تكسب
البروتون واحد وميلى جابها زيرو من شهر تقريبا بعد اول اسبوع الموتور كسر صبابات
غيروا ليه العربية على بعضها
العربية ال بدلوها ليه مفتاح التعشيق بتاع الفتيس الاوتو باظ
يعنى حاجة تقلق
أنا أثق فى الكورى أكثر للخبرة فقط لكن برضه الماليزى جودته عالية
متابع
الكورى
كل كل الماليزى عموما والبروتون خصوصا سيارات مطمئنة جدا وثباتها مفترى
لكن مش كل الكورى كده
المقارنه كده ظالمه قارن بين عربيه وعربيه مش كوري وماليزي