| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: لمن تعطى صوتك الكورى ولا الماليزى؟

المصوتون
349. أنت لم تصوت في هذا الإستطلاع
  • اثق اكثر فى الماليزى

    152 43.55%
  • اثق اكثر فى الكورى

    197 56.45%
صفحة 2 من 8 الأولىالأولى 1 2 3 4 5 6 7 ... الأخيرةالأخيرة
النتائج 11 إلى 20 من 74

  1. #11

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    hasad">

    السلام عليكم
    كوريا الجنوبية تُعتبر بدايته الحقيقية زي بروتون بالظبط في موضوع التصنيع
    أول سيارة من هيونداي بالموتور كانت عام 1989 تقريبا أو 1990 .... حاجة زي كدا و كانت هيونداي بوني موديل من موديلاته . و بعدين أكسل . .... و كوريا الجنوبية بتتطور بطريقة رهيبة خصوصا أنا أمريكا فاتحلها السوق الأمريكي على البحري لتطوير كوريا الجنوبية نكاية في كوريا الشمالية . و ده سبب من أسباب التطور الرهيب اللي حاصل في كوريا الجنوبية في كل شئ مش السيارات فقط .

    لما نيجي نتكلم عن ماليزيا .
    يا جماعة ماليزيا جديدة في السوق المصري إنما مثلا بتبيع عربيات في أنجلترا من 20 سنة
    يعني مش شركة جديدة .... الشركة عمرها 28 سنة تقريبا و بدأت مع ميتسوبيشي
    و بعدين أشترت لوتس .... يعني مش ناقصهم خبرة و لا حاجة للناس اللي بتقول أن الشركة لسة قدامها شوية و الكلام ده .


    لو حضراتكم بتتكلموا على تاريخ التأسيس
    طيب سؤال

    هل صناعة ميتسوبيشي اليابانية أفضل أم هيونداي الكورية الجنوبية ؟؟؟
    ( أنا شايف أن السؤال ده غلط .... بالظبط زي سؤال رأس الموضوع !! )
    طيب ليه غلط ؟
    علشان ممكن ميتسوبيشي تطلع موديل زبالة ............. و تيجي شركة لسة فاتحة أمبارح تطلع موديل حكاية .
    و الشركة اللي لسة فاتحة أمبارح دي ممكن تكون واخدة خبرة بتعاونها و شراكتها مع شركة تانية أكثر خبرة في السوق .

    ميتسوبيشي اليابانية تأسست سنة 1973 .... هيونداي سنة 1967 .... النصر سنة 1960 ..... بروتون سنة 1981

    يعني الموضوع مش موضوع سنة تأسيس
    أهي النصر أقدم منهم كلهم .....
    هل تثق في منتجات شركة النصر أكثر من منتجات كوريا الجنوبية ؟؟؟؟


    عربيات بروتون ( جين 2 هاتش باك و سيدان ) مشكلتها الوحيدة و الأساسية هي بعض عيوب التقفيل اللي بتظهر مع ناس و ناس لاءة .... و الواحد مش بيحاول يقلل من حاجة زي دي و لكن برضه لازم كل حاجة تأخد وضعها الطبيعي بدون تضخيم و الناس بتفتكر أن أحنا متحمسين و خلاص و بندافع و خلاص .

    طيب ليه الواحد شايف أن لف بكرة شيكارتون على قفل الكنبة الخلفية لمنع التزييق مش مشكلة .
    علشان أنا ركبت مثلا الأكسنت الجديدة ( فئة حجمية أقل من الجين 2 )
    و شوفت المميزات الآتية فيها :
    تقفيل جيد جدا
    سحب موتور غير معقول بالاضافة لنعومة الموتور في دورانة

    و لكن لم أجد الآتي
    كماليات مناسبة ووسائل أمان
    اتزان على الطريق و تماسك العربية في الأرض .....
    و صاج ضعيف بيتأثر بأي لمسة و مع مرور الزمن بتلاقيه حصل في تموجات .

    يبقى أجيب لفة شيكارتون بخمسين قرش و ألفها على قفل الحديد الصغير علشان أمنع التزييق ( اللي مظهرش عندي الحمد لله ) ولا أشتري عربية تانية خالص أقل في الركوبة من ناحية الأداء و الاتزان ؟؟؟؟؟
    طبعا كل واحد له وجهة نظر ..... بس ياريت الناس تحترم وجهات النظر المقابلة و بلاش كلمة الناس بتدافع بحماس و تقلل من العيوب و كلام زي ده علشان بيزعل و الله .
    لأن اللي أنا شايفه صح .......... أنت ممكن تشوفه غلط .

    بروتون بتحاول تعمل معادلة
    بتديك عربية ثابتة زي الألماني .... صاجها قوي زي الألماني ..... و موتور كويس من تصميم لوتس ( يعني خبرة في مجال سيارات السباق ) ....و كماليات كاملة من مجامعية ..... ووسائل أمان ..... و سعر مناسب لكل ده .... و ده بييجي على حساب جودة التقفيل أحيانا و أحيان أخرى بيجي على حساب أسترخاص بعض خامات الصالون الداخلية .

    إنما من ناحية الخبرة ..... الخبرة موجودة عند ماليزيا و لكن هما بيحاولوا ينافسوا في السعر و عمل اسم مناسب في السوق و تحقيق المعادلة بتاعتهم ( توفير سيارة رياضية لكل الناس بسعر مناسب )

    صناعة كوريا من الصناعات المحترمة جدا و اللي أنا شايف أنها تقف رأس برأس لمنتجات اليابان .... في كل حاجة مش العربيات بس .

    على فكرة أحنا فيه حاجات كتيرة ما نعرفهاش عن ماليزيا و ازاي ان ماليزيا دولة متطورة و متقدمة و لها مجالات تفوق مثل الألكترونيات مثلا .

    سؤال بقى مهم
    اشمعنى ماليزيا اللي بنقارنها بكوريا ؟؟؟
    يعني أشمعنى بجد ..... ده سؤال مهم و مش عارف مش لاقي أي مغزى من مقارنة الدولتين ؟؟؟

    فيه حاجة تانية عايز أضيفها
    أن ماليزيا دولة إسلامية ..... و كوريا غير إسلامية
    و كوريا حليف قوي جدا للولايات المتحدة الصهيونية .... و أحنا عارفين أن الصهاينة اليهود كل همهم محاربة المسلمين في كل مكان في العالم و العمل على عدم تطوير اي دولة اسلامية في أي شئ
    مثل ما حدث بين باكستان و الهند عند التجارب النووية
    امريكا واقفة مع الهند ضد باكستان ؟؟؟؟ محدش سأل نفسه السؤال ده ؟؟؟ و إسرائيل عايزة تضرب مفاعل باكستان و مفاعل ايران زي ما ضربوا مفاعل سوريا و مفاعل العراق .

    ده مخطط .
    و ينطبق الكلام هنا على ماليزيا
    لن يفتحوا لها السوق الكبير مثلا مثلما فعلوا مع كوريا في بدايتها ( تركوا كوريا تقدم موديلات متأخرة جدا بالنسبة للسوق الأمريكي في ابلداية علشان تقدر كوريا تبيع و تنافس و تعمل أسم و كل ده نكاية في كوريا الشمالية )

    أنا قلت الكلام السياسي ده علشان بس الناس تقدر تفهم الدنيا ماشية ازاي ...لأن الموضوع مش صناعة بس !!! الموضوع فيه عوامل تانية كتيرة زي السياسة اللي تقدر تخلي بلد زراعي كامل زي كوريا الجنوبية يبقى وحش صناعي له صناعات متطورة و تتفوق على بعض صناعات الدول العتيقة .

    يبقى الموضوع مش بالخبرة بس .... و مش بسنة التأسيس بس .... و مش بموقع الشركة المُنتجة بس

    الموضوع سياسي + عمل جاد و أبحاث علمية .

    -----------------------------------

    الأفضل مقارنة سيارتين .... مش بلدين .
    و تحياتي لكم جميعا .... وتقبلوا وافر التحية
    أخوكم توت

    على فكرة
    أنا بأثق في الأثنين .... و أنا شايف أن الأثنين حلوين جدا فيما يقدموه من مميزات تختلف من سيارة لأخرى .



    [img2]http://i59.tinypic.com/2vxpukz.jpg[/img2]


  2. #12

    الصورة الرمزية ezzatfox

    رقم العضوية : 12057

    تاريخ التسجيل : 02Jun2008

    المشاركات : 1,310

    النوع : ذكر

    الاقامة : cairo

    السيارة: new accent

    السيارة[2]: 128

    الحالة : ezzatfox غير متواجد حالياً

    افتراضي -

    استاذ توت

    السلام عليكم

    اولا اسمحلى اشكرك على اسلوبك الجميل ( السهل الممتنع)
    و لكن اسمحلى ايضا ان اتناول بعض الامور و الحقائق التى وردت بمشاركتك بالتعديل و التوضيح

    اولا

    اقتباس المشاركة الأصلية كتبت بواسطة tutankhamoun مشاهدة المشاركة

    كوريا الجنوبية تُعتبر بدايته الحقيقية زي بروتون بالظبط في موضوع التصنيع
    أول سيارة من هيونداي بالموتور كانت عام 1989 تقريبا أو 1990 .... حاجة زي كدا و كانت هيونداي بوني موديل من موديلاته . و بعدين أكسل . .... و كوريا الجنوبية بتتطور بطريقة رهيبة خصوصا أنا أمريكا فاتحلها السوق الأمريكي على البحري لتطوير كوريا الجنوبية نكاية في كوريا الشمالية . و ده سبب من أسباب التطور الرهيب اللي حاصل في كوريا الجنوبية في كل شئ مش السيارات فقط .



    يعود تأسيس شركة هيونداى الى عام 1947 و تم تأسيس الشركة بشكلها الحالى عام 1967 و انتجت اول سيارة عام 1968 و كان اسمها كورتينا ثم انتجت الشركة السيارة بونى عام 1975 و هى اول سيارة كورية الصنع .

    ثانيا:
    اقتباس المشاركة الأصلية كتبت بواسطة tutankhamoun مشاهدة المشاركة

    لما نيجي نتكلم عن ماليزيا .
    يا جماعة ماليزيا جديدة في السوق المصري إنما مثلا بتبيع عربيات في أنجلترا من 20 سنة
    يعني مش شركة جديدة .... الشركة عمرها 28 سنة تقريبا و بدأت مع ميتسوبيشي
    و بعدين أشترت لوتس .... يعني مش ناقصهم خبرة و لا حاجة للناس اللي بتقول أن الشركة لسة قدامها شوية و الكلام ده .


    كلام مظبوط و لكن هل تعلم ما هو حجم مبيعات بروتون فى انجلترا
    Proton sales seem to be slowly declining in the United Kingdom with 2008 sales at 1518 (0.07% share of the market), compared to 2752 in 2002. These figures are insignificant compared to 2008 UK sales of 28,036 for Korea's Hyundai and 29,397 for Spain's SEAT.

    مبيعاتها اقل من 1% بينما مبيعات هيونداى فى انجلترا اكثر منها ب 18 ضعف ، ما تفسير ذلك فى رأيك


    ثالثا :
    اقتباس المشاركة الأصلية كتبت بواسطة tutankhamoun مشاهدة المشاركة

    لو حضراتكم بتتكلموا على تاريخ التأسيس
    طيب سؤال
    هل صناعة ميتسوبيشي اليابانية أفضل أم هيونداي الكورية الجنوبية ؟؟؟
    ( أنا شايف أن السؤال ده غلط .... بالظبط زي سؤال رأس الموضوع !! )
    طيب ليه غلط ؟
    علشان ممكن ميتسوبيشي تطلع موديل زبالة ............. و تيجي شركة لسة فاتحة أمبارح تطلع موديل حكاية .
    و الشركة اللي لسة فاتحة أمبارح دي ممكن تكون واخدة خبرة بتعاونها و شراكتها مع شركة تانية أكثر خبرة في السوق .

    ميتسوبيشي اليابانية تأسست سنة 1973 .... هيونداي سنة 1967 .... النصر سنة 1960 ..... بروتون سنة 1981

    يعني الموضوع مش موضوع سنة تأسيس
    أهي النصر أقدم منهم كلهم .....
    هل تثق في منتجات شركة النصر أكثر من منتجات كوريا الجنوبية ؟؟؟؟




    اولا ميتسوبيشى انتجت اول سيارة ركاب (موتور) عام 1950 Henry j و يعود تأسيس الشركة لعام 1870 يعنى هى اقدم شركة مش شركة النصر

    ثانيا شركة النصر اكتفت بالتجميع و الصناعات المغذية فقط يعنى لم تتطور لتقوم بمرحلة التصميم و الانتاج زى باقى هذة الشركات عشان كدة المفروض متدخلش فى مقارنة معاهم
    ثالثا : شركة بروتون تأسست عام 1983 و ليس 1981 و انتجت اول سيارة عام 1985 proton saga .


    اقتباس المشاركة الأصلية كتبت بواسطة tutankhamoun مشاهدة المشاركة

    عربيات بروتون ( جين 2 هاتش باك و سيدان ) مشكلتها الوحيدة و الأساسية هي بعض عيوب التقفيل اللي بتظهر مع ناس و ناس لاءة .... و الواحد مش بيحاول يقلل من حاجة زي دي و لكن برضه لازم كل حاجة تأخد وضعها الطبيعي بدون تضخيم و الناس بتفتكر أن أحنا متحمسين و خلاص و بندافع و خلاص .

    طيب ليه الواحد شايف أن لف بكرة شيكارتون على قفل الكنبة الخلفية لمنع التزييق مش مشكلة .
    علشان أنا ركبت مثلا الأكسنت الجديدة ( فئة حجمية أقل من الجين 2 )
    و شوفت المميزات الآتية فيها :
    تقفيل جيد جدا
    سحب موتور غير معقول بالاضافة لنعومة الموتور في دورانة

    و لكن لم أجد الآتي
    كماليات مناسبة ووسائل أمان
    اتزان على الطريق و تماسك العربية في الأرض .....
    و صاج ضعيف بيتأثر بأي لمسة و مع مرور الزمن بتلاقيه حصل في تموجات .

    يبقى أجيب لفة شيكارتون بخمسين قرش و ألفها على قفل الحديد الصغير علشان أمنع التزييق ( اللي مظهرش عندي الحمد لله ) ولا أشتري عربية تانية خالص أقل في الركوبة من ناحية الأداء و الاتزان ؟؟؟؟؟
    طبعا كل واحد له وجهة نظر ..... بس ياريت الناس تحترم وجهات النظر المقابلة و بلاش كلمة الناس بتدافع بحماس و تقلل من العيوب و كلام زي ده علشان بيزعل و الله .
    لأن اللي أنا شايفه صح .......... أنت ممكن تشوفه غلط .



    اكتر ميزة انا شايفها فى البروتون انها تجمع بين الشكل الجميل و القوة و الثبات و عوامل الامان و السعر الجيد .. انا متفق معاك على ذلك و لكن ما نتحدث عنة هو جودة هذة الصناعة

    المشكلة مش فى ثمن بكرة الشيكارتون بس لا يعقل ان شركة كبيرة يطلع منها عربية زيرو بمشكلة صغيرة حلها بكرة شيكارتون امال هما بيعملوا اية و بعدين مشاكل كتير وردت فى مشاركات العديد من ملاك البروتون تتعدى جودة التقفيل الاصوات اللى فى التابلوة و خبط الدركسيون و تيل الفرامل اللى بيتغير فى التوكيل و بيصفر انا مش فاهم التيل دة اية بروتون و لا مضروب ، فى حد بردة اشتكى من الماتور ، و واحد تانى ماكينة الزجاج باظت بعد 6 اشهر و ناس تانية ندمت انها اشترت العربية اصلا و شكاوى كتير لا مجال لسردها لان احنا مش بصدد تقييم لعربية او بنهاجمها و لكن هذا الكلام صدر عن ملاك السيارة و مستخدميها .
    ما هو الانطباع او المؤشر عندما ترى مثل هذة المشاكل فى عربيات زيرووو .

    عشان كدة انا قلت ان الصناعة الماليزية ما زالت فى مرحلة التطور و لم تصل الى مرحلة النضج الكامل و اتمنى ان يحدث ذلك سريعا .

    و بخصوص كلام حضرتك عن النيو اكسنت فانا اتفق معاك فى الاتى تقفيل جيد جدا ، سحب موتور غير معقول بالاضافة لنعومة الموتور في دورانة كما اتفق معك فى قلة وسائل الامان
    و لكنى اختلف معك فى الاتى
    الكماليات الموجودة بالسيارة لا تختلف كثيرا عن الكماليات الموجودة فى بروتون باستثتاء المالتى فنكشن ( و دة قريت فى مشاركة احد ملاك بروتون انة باظ بعد ما استلمها علطول )
    اتزان السيارة و ثباتها جيد و ان كان اقل من الجين يعنى ثبات لغاية 140 كم اعتقد انة كافى جدا (على الاقل بالنسبة لى و لكثيرين غيرى )
    الصاج ضعيف و مع مرور الزمن بتلاقى فية تموجات الكلام دة مش سليم و ملهوش اى اساس الكلام دة ممكن ينطبق على الاكسنت القديمة او الاكسيل و لكن الاكسنت الجديدة صاجها احسن بكتير .

    و اخيرا استاذ توت مش عايزك تزعل لانى عارف انت بتحب البروتون اد اية بس احنا بنتكلم بموضوعية بعيد عن المجاملات و عامة احنا اتفقنا فى حاجات و اختلفنا فى حاجات اخرى و لكن الخلاف فى الرأى لا يفسد للود قضية و شكرا

    الثورة شىء جميل يفكر لها الاحرار ويقوم بها الشجعان ويفوز بثمارها الانتهازيون


  3. #13

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    اقتباس المشاركة الأصلية كتبت بواسطة ezzatfox مشاهدة المشاركة
    استاذ توت

    السلام عليكم

    اولا اسمحلى اشكرك على اسلوبك الجميل ( السهل الممتنع)
    و لكن اسمحلى ايضا ان اتناول بعض الامور و الحقائق التى وردت بمشاركتك بالتعديل و التوضيح

    اولا



    يعود تأسيس شركة هيونداى الى عام 1947 و تم تأسيس الشركة بشكلها الحالى عام 1967 و انتجت اول سيارة عام 1968 و كان اسمها كورتينا ثم انتجت الشركة السيارة بونى عام 1975 و هى اول سيارة كورية الصنع .

    شركة هيونداي لإنتاج السيارات بدأت سنة 1967 و دي معلومة أنا متأكد منها و إن كان تأسيس المجموعة عام 1947 قبل هوندا بسنة .

    ثانيا:


    كلام مظبوط و لكن هل تعلم ما هو حجم مبيعات بروتون فى انجلترا
    Proton sales seem to be slowly declining in the United Kingdom with 2008 sales at 1518 (0.07% share of the market), compared to 2752 in 2002. These figures are insignificant compared to 2008 UK sales of 28,036 for Korea's Hyundai and 29,397 for Spain's SEAT.

    مبيعاتها اقل من 1% بينما مبيعات هيونداى فى انجلترا اكثر منها ب 18 ضعف ، ما تفسير ذلك فى رأيك

    هيونداي أنا قلت أنها شركة كبيرة و لم أقلل منها في شئ لو حضرتك قرأت مداخلتي كلها و تمعنت فيها .
    هيونداي بتنتج موديلات كتيرة جدا و ده طبيعي أنها تكون لها نسبة أستحواذ أعلى في المبيعات .
    كمان فيه حاجة ....... مش نسبة المبيعات بس اللي بتدل على الجودة ... و إن كان جودة سيارات هيونداي لا غبار عليه أطلاقا و أنا قلت في المداخلة فوق أن منتجات كوريا الجنوبية تقف رأس برأس لمنتجات أي دولة في العالم من الدول المتقدمة
    و الأهم ...... فيراري بتبيع أقل من هيونداي .... يبقى هيونداي أحسن ؟؟؟ و كمان فولفو بتبيع أقل من هيونداي ..... يبقى هيونداي أحسن ؟؟؟؟
    و متنساش أن هيونداي من أكبر 5 منتجين سيارات في العالم و ده لازم يكون بسبب الجودة و تعدد المنتجات و فتح السوق الأمريكي على البحري لهم لأسباب سياسية .


    ثالثا :


    اولا ميتسوبيشى انتجت اول سيارة ركاب (موتور) عام 1950 Henry j و يعود تأسيس الشركة لعام 1870 يعنى هى اقدم شركة مش شركة النصر

    لاءة شركة النصر لإنتاج السيارات تم تأسيسها قبل ميتسوبيشي موتورز .
    إنما مجموعة ميتسوبيشي الصناعية تم تأسيسها في التاريخ اللي حضرتك أرفقته .
    تم تأسيس ميتسوبيشي موتورز عام 1972 ( 'سف أنا قلت 73 )
    و لم تبدأ بصناعة سيارات ذات إنتاج تجاري إلا في هذا العام بالتعاون مع الشركة الأمريكية كريزلر و شركة بوش الألمانية لأكتساب خبرة صناعة السيارات منهم .

    ثانيا شركة النصر اكتفت بالتجميع و الصناعات المغذية فقط يعنى لم تتطور لتقوم بمرحلة التصميم و الانتاج زى باقى هذة الشركات عشان كدة المفروض متدخلش فى مقارنة معاهم

    ماشي .... بس أنتوا بتتكلموا بمدأ تقدام التأسيس .

    ثالثا : شركة بروتون تأسست عام 1983 و ليس 1981 و انتجت اول سيارة عام 1985 proton saga .

    تمام المعلومة دي .... و لو أن فرقها مش كبير .



    اكتر ميزة انا شايفها فى البروتون انها تجمع بين الشكل الجميل و القوة و الثبات و عوامل الامان و السعر الجيد .. انا متفق معاك على ذلك و لكن ما نتحدث عنة هو جودة هذة الصناعة

    جودة الصناعة و لا جودة التقفيل ؟؟؟؟

    المشكلة مش فى ثمن بكرة الشيكارتون بس لا يعقل ان شركة كبيرة يطلع منها عربية زيرو بمشكلة صغيرة حلها بكرة شيكارتون امال هما بيعملوا اية و بعدين مشاكل كتير وردت فى مشاركات العديد من ملاك البروتون تتعدى جودة التقفيل الاصوات اللى فى التابلوة و خبط الدركسيون و تيل الفرامل اللى بيتغير فى التوكيل و بيصفر انا مش فاهم التيل دة اية بروتون و لا مضروب ، فى حد بردة اشتكى من الماتور ، و واحد تانى ماكينة الزجاج باظت بعد 6 اشهر و ناس تانية ندمت انها اشترت العربية اصلا و شكاوى كتير لا مجال لسردها لان احنا مش بصدد تقييم لعربية او بنهاجمها و لكن هذا الكلام صدر عن ملاك السيارة و مستخدميها .
    ما هو الانطباع او المؤشر عندما ترى مثل هذة المشاكل فى عربيات زيرووو .

    طبيعي أن أصحاب المشاكل يكونوا على السطح و هي دي الناس اللي بتشتكي ..... و طبيعي يكونوا أكتر ناس ظاهرين في الصورة
    و لو عايزني أجيبلك مشاكل من عربيات من أي ماركة و مشاكل عربيات جديدة أنا تحت أمرك
    أنا فاكر أن في المنتدى ملاك الياريس 2007 كانوا بيشتكوا أن فيه مشكلة صناعية في دبرياج العربية و كان بيتغير في التوكيل
    محدش قال كلمة على تويوتا ليه ؟؟
    مش ده عيب صناعة ؟؟؟؟ و لا عيب تقفيل ..؟؟؟؟
    و أيهما أهون
    عيب الصناعة ......... أو عيب التقفيل ؟؟
    مع أحتفاظي بالشكر الخالص طبعا لتويوتا لأنهم كانوا بيغيروا طقم الدبرياج مجانا للعملاء
    و الأمثلة كثيرة كثيرة كثيرة من عيبوب في مواتير لشركات كبيرة زي بي إم دبليو و هوندا و تويوتا و غيرهم و الدلائل موجودة لو حضرتك عايزة تسمعها

    بس سؤال
    هو مش مواتير فيرنا 1500 المتجمعة هندي كانت بتيجي بايظة و فيها مشكلة في الموتور نفسه ؟؟؟؟؟؟؟
    مش ده عيب صناعة و موتور مصنوع في كوريا من عند هيونداي ؟؟؟؟
    ليه مقلتش حضرتك ان هيونداي لسة محتاجة فترة للنضوج ؟؟؟ أو ناقصهم خبرة ؟؟؟؟؟
    عيبوب الصناعة ملهاش دعوة بموضوع النضوج أو غيره
    أعتقد أن من سنة 1983 لغاية 2009 و خبرة ميتسوبيشي المنقولة لبروتون و خبرة لوتس .... أعتقد أن بروتون مش ناقصة خبرة و إن كان ناقصهم انضباط في قسم الجودة لخروج السيارات بدون عيوب تقفيل حتى لو كانت عيوب تقفيل بسيطة


    عشان كدة انا قلت ان الصناعة الماليزية ما زالت فى مرحلة التطور و لم تصل الى مرحلة النضج الكامل و اتمنى ان يحدث ذلك سريعا .

    و بخصوص كلام حضرتك عن النيو اكسنت فانا اتفق معاك فى الاتى تقفيل جيد جدا ، سحب موتور غير معقول بالاضافة لنعومة الموتور في دورانة كما اتفق معك فى قلة وسائل الامان
    و لكنى اختلف معك فى الاتى
    الكماليات الموجودة بالسيارة لا تختلف كثيرا عن الكماليات الموجودة فى بروتون باستثتاء المالتى فنكشن ( و دة قريت فى مشاركة احد ملاك بروتون انة باظ بعد ما استلمها علطول )
    اتزان السيارة و ثباتها جيد و ان كان اقل من الجين يعنى ثبات لغاية 140 كم اعتقد انة كافى جدا (على الاقل بالنسبة لى و لكثيرين غيرى )
    الصاج ضعيف و مع مرور الزمن بتلاقى فية تموجات الكلام دة مش سليم و ملهوش اى اساس الكلام دة ممكن ينطبق على الاكسنت القديمة او الاكسيل و لكن الاكسنت الجديدة صاجها احسن بكتير .

    ماشي


    و اخيرا استاذ توت مش عايزك تزعل لانى عارف انت بتحب البروتون اد اية بس احنا بنتكلم بموضوعية بعيد عن المجاملات و عامة احنا اتفقنا فى حاجات و اختلفنا فى حاجات اخرى و لكن الخلاف فى الرأى لا يفسد للود قضية و شكرا

    يا حبيبي أنا مش زعلان أنا بنتكلم في كلام علمي ملوش دعوة بموضوع الحماسة و الدفاع المستميت عن شئ .
    أنا بحب بروتون علشان من ماليزيا و بحب بروتون علشان عملولي عربية حلوة و تستاهل ثمنها و دي وجهة نظري اللي أنا قلت قبل كدا كتير .
    و برضه قلت وجهة نظري على كوريا الجنوبية اللي أنا بحترم صناعتهم جدا في كل شئ .
    و بحترم فيهم ذكائهم في استغلال فرصة أنهم يكونوا حليف للولايات المتحدة الصهيونية و يستغلوا كل كارت و يلعبوا به لغاية ما وصلوا الآن أنهم يكونوا دولة صناعية متقدمة لها أبحاثها الخاصة و لا يعتمدون على أحد في شحاتة العلم و المعرفة .

    و أتمنى في الأخر مجئ رجال مصريين على قدر المسئولية ليفعلوا المثل لبلدنا .... للوصول إلى ما وصلت إليه دول شرق آسيا في فترة زمنية قصيرة
    و طبعا ربنا ما يجيب خلاف أبدا ... و كل سنة وأنت طيب

    [img2]http://i59.tinypic.com/2vxpukz.jpg[/img2]


  4. #14

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    استاذ توت ... بجد انا بكون مبسوط فعلاً و انا بقرأ مشاركات حضرتك ... ربنا يكتر من امثالك .

    فيه حاجة تانية عايز أضيفها
    أن ماليزيا دولة إسلامية ..... و كوريا غير إسلامية
    و كوريا حليف قوي جدا للولايات المتحدة الصهيونية .... و أحنا عارفين أن الصهاينة اليهود كل همهم محاربة المسلمين في كل مكان في العالم و العمل على عدم تطوير اي دولة اسلامية في أي شئ
    مثل ما حدث بين باكستان و الهند عند التجارب النووية
    امريكا واقفة مع الهند ضد باكستان ؟؟؟؟ محدش سأل نفسه السؤال ده ؟؟؟ و إسرائيل عايزة تضرب مفاعل باكستان و مفاعل ايران زي ما ضربوا مفاعل سوريا و مفاعل العراق .
    النقطة دي بجد مهمة جداً .. ولازم الناس تاخد بالها منها...
    و أنا عن نفسي لما اتمكن مادياً في المستقبل انشاءالله اني اجيب عربية في فئة اعلى .. هتكون إن شاء الله بروتون .. لتشجيع المنتج المحترم الماليزي ... و بعدين ياريتنا نكون زييهم.

    ميتسوبيشي اليابانية تأسست سنة 1973 .... هيونداي سنة 1967 .... النصر سنة 1960 ..... بروتون سنة 1981

    يعني الموضوع مش موضوع سنة تأسيس
    أهي النصر أقدم منهم كلهم .....
    هل تثق في منتجات شركة النصر أكثر من منتجات كوريا الجنوبية ؟؟؟
    ؟

    انا عمري ما هنسى كلمة احد اقاربي الذي يمتلك كورولا 99 .. لما قال "انا جربت ال128 موديل سبعينات (تقريباً) و جربت كورلا نفس السنة ولقيت ال128 مريحة اكتر"
    !!!!!!!!!!!!!!!!!
    طب اية اللي حصل يا جماعة ؟؟


  5. #15

    الصورة الرمزية MMamdouh

    رقم العضوية : 102

    تاريخ التسجيل : 23Apr2007

    المشاركات : 34,229

    النوع : ذكر

    الاقامة : Downtown - Cairo, Egypt

    السيارة: Daewoo Lanos I 1999

    السيارة[2]: Daewoo Lanos II 2001

    دراجة بخارية: N/A

    الحالة : MMamdouh غير متواجد حالياً

    افتراضي -

    اقتباس المشاركة الأصلية كتبت بواسطة SuccessCre8or مشاهدة المشاركة
    انا عمري ما هنسى كلمة احد اقاربي الذي يمتلك كورولا 99 .. لما قال "انا جربت ال128 موديل سبعينات (تقريباً) و جربت كورلا نفس السنة ولقيت ال128 مريحة اكتر"
    !!!!!!!!!!!!!!!!!
    طب اية اللي حصل يا جماعة ؟؟
    two words:

    research and development

    MMamdouh

    What is the difference between ignorance and apathy?...I don't know & I don't care



    [marq="3;right;3;scroll"]اللى ميعرفش... يقول هجس[/marq]

    [marq="Error"]what goes around... comes around[/marq]





  6. #16

    الصورة الرمزية ghazy12

    رقم العضوية : 17999

    تاريخ التسجيل : 05Sep2008

    المشاركات : 4,235

    النوع : ذكر

    الاقامة : El-Haram, Giza

    السيارة: Mercedes C200 K 09

    السيارة[2]: Kia Cerato High Line 09

    الحالة : ghazy12 غير متواجد حالياً

    افتراضي -

    الكوري طبعاااااااااااااااااااااا ........

    Eng. Mohammed Ghazy

    The New Mercedes-Benz C 300


  7. #17

    الصورة الرمزية hisham343

    رقم العضوية : 26860

    تاريخ التسجيل : 04Dec2008

    المشاركات : 166

    النوع : ذكر

    الاقامة : Zagazig - Riyadh

    السيارة: Chevi-Lomina

    السيارة[2]: Nubera 2009

    دراجة بخارية: not there ,...yet

    الحالة : hisham343 غير متواجد حالياً

    افتراضي -

    انا عمري ما هنسى كلمة احد اقاربي الذي يمتلك كورولا 99 .. لما قال "انا جربت ال128 موديل سبعينات (تقريباً) و جربت كورلا نفس السنة ولقيت ال128 مريحة اكتر"
    !!!!!!!!!!!!!!!!!
    طب اية اللي حصل يا جماعة ؟؟
    اللي حصل ان 128 موديل السبعينات كانت ايطالي والياباني ايامها كان زي الصيني دلوقتي . واكيد لو قارنت صناعة السيارات الياباني والايطالي هتلاقي الاخيره صناعه مبدعه اكتر (حتي في الوقت الحالي) والياباني منضبط اكتر.


  8. #18

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    انا ما بحبش المقفارنة بالطريقة دي

    انا اقارن عربية بعربية (راس براس)

    انما مقارنة مدرسة صناعية بمدرسة اخرى ده لسه بدري على الاتنين (كوريا و ماليزيا) على ما يوصلوا انه يكون ليهم اسلوب و لمسه مميزة ...

    يعنى مقارنة المدرسة الألمانية بالياانية أو الأمريكية هي مقارنة بسيطة ...الثبات و الأمان و الألماني و النعومة و الابتكار الياباني و تجد الأحجام الكبيرة و القوة المفرطة الأمريكية

    ده غير الفروقات في التنفيذ التقنى للفكرة الواحدة و الل برضه بيبان فيه بصمة الصانع


    كوريا و ماليزيا مازالوا بيتحسسوا بصمات الثلاثة الكبار ولو من باب محاولة التصاف معهم وليس فقط التعلم

    لذلك لن تجد الشخصية الخالصة التي تصلح للمقارنة

    فقط ستجد امثلة ناجحة و فاشلة هنا و هناك


  9. #19

    الصورة الرمزية akram2010

    رقم العضوية : 37984

    تاريخ التسجيل : 13Apr2009

    المشاركات : 330

    الحالة : akram2010 غير متواجد حالياً

    افتراضي -

    الكورى اصبح زى اليابانى وافضل الان .......... الكوووووووووووووووووووووو ووووووووووووووورى وايش جاب الماليزى فى الموضوع


  10. #20

    الصورة الرمزية MEMES

    رقم العضوية : 9508

    تاريخ التسجيل : 24Apr2008

    المشاركات : 760

    النوع : ذكر

    الاقامة : Suez & Cairo

    السيارة: briliance frv2009

    السيارة[2]: Getz 2009

    الحالة : MEMES غير متواجد حالياً

    افتراضي -

    hasad">

    الكورى ممتاز جدا ( هيونداى وكيا عمااااااااااالقه )
    بروتون ابداع لكن لا اثق فيه (يمكن لسه شويتين تلاته)
    كمان ماينفعش اقارن صناعه لها مئات الموديلات بماليزيا اللى كلهم كام موديل
    وعلى فكره لوتس انجليزى وبروتون اشترتها
    زى تاتا الهندى ما اشترت جاجوار(يعنى الجاجوار مش هندىزى ما اللوتس عمره ما كان ماليزى)

    I am sure that my ideas are right but maybe I am mistaken
    And your ideas is absolutely wrong but maybe you are right



 
صفحة 2 من 8 الأولىالأولى 1 2 3 4 5 6 7 ... الأخيرةالأخيرة

المواضيع المتشابهه

  1. تحذير بسيط من قطع الغيار الماليزى اللى فى السوق
    بواسطة ahmed_h_g في المنتدى بــروتـــون
    مشاركات: 19
    آخر مشاركة: 07-05-2012, 11:44 PM
  2. ريموت الانزار الكورى الاصلى اكثر
    بواسطة waelali123 في المنتدى دايــو+شيفرولية لانوس
    مشاركات: 1
    آخر مشاركة: 23-07-2011, 12:07 AM
  3. سعر الجنوط ال 15 اندونيسى او الماليزى
    بواسطة MohaMed_Refaat في المنتدى كــماليــات السيـــارات و الإكسسوارات
    مشاركات: 3
    آخر مشاركة: 26-03-2009, 07:56 PM
  4. مقارنة بين الماليزى والألمانى
    بواسطة emadosman63 في المنتدى قســـــــــم المقارنــــات
    مشاركات: 31
    آخر مشاركة: 18-08-2008, 06:25 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2