خناقات بسبب البنات

**eslam_wega** · 20-03-2009 02:32 PM

معك حق
بس لو انا مش عايش حالة حب وعندى اصحاب بنات مش بايدى لازم هحب واحدة منهم حب بجد مش صدقة
وفى بردوا شباب بتبقى بتحب وبيقولك انا احب ددى ودى ودى كمان انا قلبى كبير ويشيل كتير (تحس انه بيلعب حديد وواقف فى جيم )
واهم من كل ده وانت وانا عارفين كويس ان اصلا علاقة الصداقة دى بتكون محرمة
ده يعنى لو احنا ماشين على الدين لكان الصراحة احنا وانا اولهم بنخط سطر ونسيب عشرة على فكرة انا مبسوط بالكلام معك جدا

**Sameh** · 20-03-2009 02:46 PM

عارفين الحيوانات بتعمل إيه ؟؟ الذكور بتتخانق برضوا بس علشان التناسل والتكاثر ، لأن الذكر الأقوى هيجيب نسل أقوى وكدة يحفظ النوع ويحصل إنتقاء طبيعى للسلالة الأقوى

أما البنى آدميين بيتخانقوا عشان منظرة وعشان بصة وعشان واحدة مافيش بينه وبينها أى حاجة أصلاً ، والبيه اللى بيتخانق عشان الهانم هو نفسه مايقدرش يظهر معاها قدام أهلها ! أما البنات بقا (المستوى الواقع أوى) بيسخنوا الشباب (الهايف أوى) عشان يتخانق عشانهم عشان يحسوا بأنوثة مفتقدة !! ونادراً ماتشوف حد محترم بيتخانق عشان واحدة محترمة لأن غالباً المحترمين دول مابيحطوش نفسهم فى مواقف غير محترمة ولا بيروحوا أماكن غير محترمة

**eslam_wega** · 20-03-2009 02:49 PM

المشاركة الأصلية كتبت بواسطة Sameh

عارفين الحيوانات بتعمل إيه ؟؟ الذكور بتتخانق برضوا بس علشان التناسل والتكاثر ، لأن الذكر الأقوى هيجيب نسل أقوى وكدة يحفظ النوع ويحصل إنتقاء طبيعى للسلالة الأقوى

أما البنى آدميين بيتخانقوا عشان منظرة وعشان بصة وعشان واحدة مافيش بينه وبينها أى حاجة أصلاً ، والبيه اللى بيتخانق عشان الهانم هو نفسه مايقدرش يظهر معاها قدام أهلها ! أما البنات بقا (المستوى الواقع أوى) بيسخنوا الشباب (الهايف أوى) عشان يتخانق عشانهم عشان يحسوا بأنوثة مفتقدة !! ونادراً ماتشوف حد محترم بيتخانق عشان واحدة محترمة لأن غالباً المحترمين دول مابيحطوش نفسهم فى مواقف غير محترمة ولا بيروحوا أماكن غير محترمة

100 100 يا سامح

**lancerevolution** · 20-03-2009 02:56 PM

شباب هايف و بنات أهيف أنا بستحقر هذا النوع من الخناقات و حتى ما بحبش أتفرج عليه "من هوايتى الفرجة على الخناقات" و بيكون السبب إيه كلم البت بتاعتى "على أساس إنك جايبها منين" عاكس البت بتاعتى " إشتريتها بكام عشان أشترى واحدة" و تلاقيه هو نفسه واقف يعاكس ما الى ماترضاهوش لنفسك ماترضاهوش لغيرك أنا عن نفسى بقول ممكن يبقى فى صداقة بين و لد و بنت إنما حب معتقدش بيبقى حقيقى "دا فى فترة الجامعة" الإتنين الحبيبة دول "الولد و البنت " دايما تلاقيهم فشلا فى الدراسة أو مقضينها معارف أو غش لأنهم مضيعين وقتهم فى التليفون

**Abdo_Eldesokey** · 20-03-2009 03:09 PM

كفاية عليه إنه هيقابل ربنا يقله أنا مت علشان بنت كنت ماشي معاها ومليش أي علاقة شرعية بيها ... تخيلوا الوضع هيكون ازاي ؟

ربنا يغفرلهم ويرحمهم

**eslam_wega** · 20-03-2009 03:22 PM

الوضع فى الضياع يا معلم
ربنا يحسن ختامنا امين يا رب

**fady.bekatcho** · 20-03-2009 04:19 PM

وانا بجد اتشرفت بالكلام معاك يا اسلام

وغير كدة ذنب اية ابو الطالب الى توفى يفقد ابنة فى ثانية علشان بنت طايشة

والواد الى ضاع مستقبلة علشان يعجب بنت تافة

ربنا يرحمنا جميعا من الى عايشين فية

**AhMeD EzZ** · 20-03-2009 04:23 PM

فعلا بقي الموضوع دة زيادة عن اللزوم لسة ناس اعرفهم كانو بيتخنقو مع شباب بسبب بنات زمايلهم و في الخر طلعب البنات هي الي غلطانة و كانو شكلهم زفت الصراحة