خناقات بسبب البنات

**NaviGator_13** · 20-03-2009 06:49 PM

طالما كل الموضوع غلط فى غلط
يبقى كل واحد يستاهل اللى يجرى له !!!!

**ابو فرح** · 20-03-2009 07:49 PM

دى تفاهه وقله تربيه

**max_ziro** · 21-03-2009 02:18 AM

المشاركة الأصلية كتبت بواسطة Ayman_52

+1000000

تافهه...وفهم خاطىء لمعنى الرجوله

بجد فى عقول بنات كتيره بتكون فى منتهى الهيافه والتافهه...وهى عشان بتبقى عاوزه اهتمام ممكن تعمل اى حاجه ...ومش عامله فى حسابها ايه اللى ممكن يترتب عليه؟؟؟

+111111111111

**youssefmustang** · 21-03-2009 10:56 AM

المشاركة الأصلية كتبت بواسطة Sherif Khalifa

والله لو البنت بتحب الولد فعلا مش هتدخلة فى مشاكل بسبب بصة ولا كلمة مش عاجباها

دا شغل بنات هايفة

الله ينور عليك

فعلا البنت لو محترمة وعاقلة مش هتتسبب فى مشاكل
لكن اولا و اخيرا عامة هى الحريم ما بيجيش من وراهم غير الهم والقرف والنكد
ده غير ان معروف من زمان ان اشد فتنة فتنة النساء
وغير ان اولادكم ونسائكم وامالكم عدوا لكم فاحذروهم
اخوكم يوسف

**Terrible_DaRsH** · 21-03-2009 11:22 AM

بنات مش متربية وشباب معندوش هدف فى الحياة .
وهى دى فترة الجامعة ( فترة الحب والارتباط ) كما يسمونها الجهلة ..

مرة كنت قاعد فى العربية مع صحابي وبنسمع اغانى و ملناش علاقة بالعالم اساسا ..
وواحد صاحبنا معدى فبنديله كلاكس خفيف كدا بس ماخدش باله ..
ببص الاقى واحدة واقفة قدام العربية وبتبص جامد

وبتقول للى معاها يلا يا بنتى شكلهم مجانين !!
طبعا ماعتقتدتش ان الكلام يكون علينا خاااالص
فصاحبي اتجنن وطلع لها من الشباك وقالها انتى بتقولى لمين كدا يا انسة !!

قالت له انتم اكيد !
فكان نازل يضربها بجد ..
فقلت له استنه اما اشوف ايه الحكاية دى .
نزلت بقولها انتى بتقولى مجانين على اساس ايه يعنى ..

بتقولى من الصبح عمالين تتكلموا وتبصوا وكلاكسات وقلة ادب واحنا عاملين نفسنا مش واخدين بالنا وانتم مش مبطلين قلة ادب ..!!

صحابي ماتوا على روحهم من الضحك فى العربية وانا بقيت واقف مش عارف اقول للكائن ده ايه !
بصيت لها باشمئزاز ورحت راكب العربية وقلت لها ربنا يهدى ..

حسيت انها فرحت مش عارف ليه وراحت مكلمة كام شمحطجى ييجوا .

استنيتهم اما جم ... الاقى البنت رايحة تقول للواد اللى اتصلت بيه ايه !

بتقوله عمالين يعاكسونا و يرخموا علينا من الصبح ..
طـبـعـا الموضوع كله مش داخل دماغى اساسا .. مش عارف ليه التماحيك دى على ايه يعنى .!

خلاص الناس اتجننت يعنى ووصلوا لدرجة انهم يدوروا على مشاكل لنفسهم !

بعد ما الموضوع خلص عرفت ان البنات دى تخصص مشاكل وكل يوم يعملوا الحركة دى فى كذا واحد والبلطجية جااااااااهزين ...

فطبعا طبقت عليهم مثل .

( ايش ياخد الريح من البلاط ) .

المحترم هو الخسران فى الاخر ..

**M.Osman** · 21-03-2009 01:31 PM

لنهايه :
يا ام الولد بينضرب و يبقى شكله مسخره و ميتوصفش ...
يا ام الولد التانى هو الى هينضرب ....
و بكده البنت هتعجب بالولد بتاعها اكتر ...(لانه بلطجى)
او الولدين يعورور بعض و يتحبسو و نستريح ...

او يموتوا بعض و يموتوها معاهم عشان نستريح اكتر !!

**aboelnagah** · 21-03-2009 01:39 PM

انا عمرى ما اتخانق علشان بنت ماشى معاها ولا بتاع
وبعدين انا لو معايا بنت فى ديسكو ولا حاجة اكيد يعنى مش مؤدبة ولا بتاع علشان اتخانق علشانها واللى يبص يبص ياعم

انما لو زوجتى مثلا ولقيت فى موقف حصل وضايقها وضرها اكيد طبعا هولع فى اللى عمل كده

انما عمرى ما اتخانق علشان بنت صاحبتى ولا حاجة الا لو حسيت ان هى بجد انضرت وحصل ليها ضرر جامد

**eng.octooo** · 21-03-2009 03:19 PM

الموضع مش مستاهل خالص ولو هيا بتحبك وخايفة عليك مش هاتقولك كدة

**KHALED AYMAN** · 21-03-2009 03:34 PM

المشاركة الأصلية كتبت بواسطة SuccessCre8or

او يموتوا بعض و يموتوها معاهم عشان نستريح اكتر !!

بس كده المحترميبن هيكترو ...
و الناس الى مش متربيه هتقل ...
و مصر مينفعش تعيش من غيرهم ....

-

الموضوع: خناقات بسبب البنات

LinkBack

أدوات الموضوع

عرض

-

-

-

-

-

المواضيع المتشابهه

..............غزْل البنات ................

ختان البنات

خناقات مع الجيران

أبو البنات

الكلمات الدلالية لهذا الموضوع

المفضلات

المفضلات

ضوابط المشاركة