ياجماعة سلام عليكم انا لى استفسار وياريت ترد على بسرعة جدا لانى رايح افحص كمان يومين مكان رقم الشاسية بتاع العربية الفيات السينا موديل 2004 1400 وشكرا
عرض للطباعة
ياجماعة سلام عليكم انا لى استفسار وياريت ترد على بسرعة جدا لانى رايح افحص كمان يومين مكان رقم الشاسية بتاع العربية الفيات السينا موديل 2004 1400 وشكرا
ياجماعة سلام عليكم انا لى استفسار وياريت ترد على بسرعة جدا لانى رايح افحص كمان يومين مكان رقم الشاسية بتاع العربية الفيات السينا موديل 2004 1400 وشكرا
على البلاكه اللى فى صدر العربيه و تحت كرسى بجوار السائق - هتلاقى علبه سودا بغطاء - تشيل الغطا تلاقى نفس الرقم بتاع الشاسىه
تحياتى
على البلاكه اللى فى صدر العربيه و تحت كرسى بجوار السائق - هتلاقى علبه سودا بغطاء - تشيل الغطا تلاقى نفس الرقم بتاع الشاسىه
تحياتى
يعنى ايه البلاكة دى؟
انا فى صدر العربية عندى عزل مربوط بمسامير , حاولت اشيله عشان اشوف رقم عالصاج و راه ملقتش
بس لقيت العلبة تحت الكرسى اليمين وفيها رقم الشاسيه ورقم كمان
كنت عايز اعرف الرقم التانى ده ايه؟
استاذنا العزيز جلال بك :
اولا ارجو ان تقبل امتنانى الشديد لكل ما تضيفه من مشاركات ومعلومات .
ثانيا قرأت مشاركه لسيادتك تفيد تركيبكم لعازل حرارى لزجاج سيارة سيادتكم ارجو من سيادتكم ان تفيدنا بمكان وسعرالتركيب
ثالثا انا نويت ان اتكل عل الله والغى التعامل مع التوكيل ومطلوب عمل صيانه الخمسين الف من حيث تغيرالزيت والفلاتر وكمان طقم السيور والبوجيهات وكده يعنى وامامى ثلاثه بدائل محتاج مشورتك فى اختيار احدها :
- شوقى اللى جنب الكيلانى
- مركز كوول ايرحسر السويس
- فى مركز صيانه متخصص فيات فى الحى السادس مدينه نصر سمعت من بعض الاخوة فى المنتدى انه بتاع صابر اللى كان فى القوميه العربيه
تقبل تحياتى وتقديرى
السلام عليكم ورحمه الله وبركاته
اشكرك على ذوقك و مافيش داعى للشكر - لاننا هنا فى المنتدى اخوه و بنساعد بعض و يشرفنى خدمة جميع الاعضاء.
1/ العازل الحرارى اللى انا مركبه ممتاز جدا و ماركة امريكى تسمى لومار و منه درجات كثيره - فى اللون و انا مركب الشفاف و اتكلف من 2 سنة 750 جم تقريبا للزجاج الامامى و الخلفى فقط على قسطين
2/ الوكيل شركة معتمده فى جسر السويس امام موقف الالف مسكن - الفيلا اللى فيها معرض فريش - بشارع جسر السويس - و بلغنى و انت رايح علشان الواجب - بس طبعا الاسعار مع رفعه الدولار زادت شويه
3/ شوقى كويس جدا و ايده فى السيينا باستمرار بس يستحسن تروحله بدرى اوى علشان تلاقى مكان
كوول اير الميكانيكى اللى عندهم فتح للاسف فى الحرفيين لوحده و هو ممتاز جدا وممكن اديلك تليفونه لو حبيت .
صابر كويس بس مبيشتغلش السيرفيس الصغير بايده و ده موش مضمون الصنايعيه الصغيره - من وجهه نظرى - فالاحسن الاختيار الاول و الثانى و خلى صابر لو فيه حاجه عويصه.
بالمناسبه صيانة الخمسين زيوت و فلاتر و لو البوجيهات شغاله - تخرج تتنظف و رجعها تانى لو الاصليه - علشان بتقعد لحد اكثر من 60 الف كيلو و الكاتينه عند نفس المسافه مع البلى الاصلى طبعا
و متنساش تغيير دوره التبريد بتركيز 50 % عند 60 الف كيلو ان شاء الله...
تحياتى و تحت امرك لو حبيت تعمل العازل او الصيانة - نرتب - و نروح سوا....
الاخ العزيز جلال بك /
ليس غريبا على سيادتكم بالمرة سرعه الاستجابه وصدق النصيحه
- ان شاء الله انا هاستخير ربنا سبحانه وتعالى فى البديل بتاع شوقى عشان وجودة جنب الكيلانى
- بالنسبه لدورة التبريد انا لسه عاملها عند الاخ اللى فى اول جسر السويس اللى حضرتك وصفته اعملها تانى عند الستين ولا اخليها لدخله الصيف
- طقم السيور والبوجيهات اغيرة لان مر عليه سنتين زى ما بيقولوا فى التوكيل ولا اخلينى على الكيلومتر وبس واكتفى بغيار الزيت والفلاتر وكدة
- حضرتك انا كنت بستعمل موبيل وان اثناء ما كنت بتعامل مع التوكيل ومعايا حوالى اربعه كيلو متجمعين على مدى الاربعه سنين استعملهم ولا صلاحيتهم راحت وهل فيه زيت تانى احسن حضرتك بتنصح بيه للاستخدام
- بالنسبه للعازل انا كنت محتاج اعرف التكلفه للعربيه بالكامل كام عشان اعمل حسابى مع العلم ان السعر اللى ذكرته ممتازوان زاد شويه لله الامر من قبل ومن بعد
- انا بشترك مع حضرتك فى الاعجاب بالمجموعه 73 ومن زمان جدا وكمان فى موقع تانى اسمه المؤرخ ممتاز واكتر حاجه عجبانى الصورة البروفايل بتاع حضرتك لانى من اشد المعجبين بالشهيد بأذن الله الرفاعى بطل المجموعه 39 قتال تقبل تحياتى وامتنانى
العربيه 1600 موديل 2001
غيرت السربنتينه الصيف الماضى
والعربيه ماشيه كويسه
وغيرت المروحه من حوالى 3 شهور
لكن
من حوالى اسبوعين العربيه اكون ماشى بيها تمام والتبريد تمام حتى فى الايام الحر
لكن من اسبوع فجأه لقيت مؤشر الحراره عدى الاحمر وقفت بسرعه
لقيت كوعه المياه الخلفيه اللى تحت الفرن كلها الصدا وبقت تسرب المياه
المهم ربنا ستر وماحصلش حاجه للموتور
اشتريت الكوعه ب 135 جنيه من الكيلانى وغيرتها
تانى يوم ماشى بالعربيه فى السرعه العاديه مؤشر الحراره تمام
لكن لما اجرى الاقى مؤشر الحراره فى طريقه للاحمر
اقف بسرعه الاقى المياه بتغلى
استنى شويه حوالى 5 دقائق وامشى الاقى العربيه تبقى تمام
يعنى باختصار
ساعات العربيه تمشى كويسه وساعات المؤشر يوصل للاحمر
انا محتار ايه السبب
هل اغير خراطيم المياه
ولا اعمل ايه
على فكره المروحه شغاله تمام والسرعتين تمام