مشكلة باور ب 650 جنيه اتحلت ب 40
بسم الله الرحمن الرحيم
من فترة وقعت في حوار مع مستر شوقي اللي جنب الكيلاني وكان الحوار كالتالي
ياسطي شوقي العربية مش متزنة علي السريع وكمان في الشوارع اللي فيها نوقر ومطبات صغيرة بتأثر اوي في الطارة وبكون حاسس اني راكب عربية كارو من غير اي عفشة وكمان كنت كشفت عند بتاع العفشة وقالي ان البارات بايظة ولازم تغير بارات وكمان احتمال يكون في تسريب من الاسكاترا(تسريب زيت الباور)
قالي ثواني
جاب بتاع الباور اللي جانبه وقاله اكشف
المعلم نزل تحت العربية
وطلع قال ده طقم باور بكام 1200
بكااااام !!! ب 1200 جنيه
ده غير البارات كمان
قتله تماااااام
طبعا قلتله قفل وشكرا وسلام علي كده
بعد كام يوم سمعت ونة في العجل اللي قدام
وكل يوم الونة بتزيد
بعد البحث في المنتدي هنا تأكدت انه ( بلي )
رحت اشتريت بليتين من عند الكيلاني ودخلت علي ابو الشوق
غير يا باشا غير
طب ايه اخبار الباور قلتله ولا اي جديد قالي طب هخليه يكشف تاني ساعتها انا استغربت
المهم الراجل كشف تاني وقالي احنا ممكن نعمل طقم اصلاح بس ب 650 وبعد الفصال 600
طبعا مش مرتاح بعد اكشف تاني هنا .. قلت مابدهاش بقي لازم اروح للبروفسر محمد جلال (gelgel(
قالي اروح لهاني اللي جنب الشيخ علي في شارع دمشق
ولثقتي فيه رحتله وانا اصلا مش معايا 200 جنيه علي بعض بس كنت عايز حتي اطمن منه
قالي بارات واسكاترا البارات لوحدها ب 270 والاسكاترا طبعا غاليا جدا
المهم قتله خلاص هاتصرف في مبلغ محترم واجيلك وطبعا لأني بقبض راتبي في نص الشهر فانتظرت للقبض
و أول ما قبضت طرت عليه
اتصلت بيه وحددت ميعاد والميعاد كان الساعة 11 بس انا رحت بدري 10:30 عشان ماتأخرش عليه بس هوا جه الساعة 12:30 :M_yes[1]: صباح الفل
طبعا من المعروف ان السيينا 1600 عربية مقرفة في شغلها
فما بالكم ان الاسكاترا في مكان رخم جدا صعب الوصول ليه
الاسطي هاني فكها بالبلدي كده "بصباع رجله القصير" :018A1D~146:
واشتريت من الشيخ علي اللي جنبه التالي
بارات داخلية ب 180 ج
بارات خارجية ب 90 ج
بدأ يفك البارات
وهوا بيفك البارات لقي حد كان بيحاول يفك البارات دي قبل كده وهي راكبة مكانها
وقالي ان ده غلط جدا والفروض محدش يحاول يفكها وهي راكبة مكانها ابدا لازم علبة الدركسيون كلها تتفك وتخرج بره وكمان ليها طريقة معينة مش اي حد يفكها كده ( خلي بالكوا من الحوار ده)
ال "الباشمهندس" هاني وانا اقصد تعبير بشمهندس بكل ما تحمله الكلمة من معني
فكك الاسكاترا حتت وده المفروض شغلة بتوع الباور بس هوا كان بيحاول يساعد عشان عارف الظروف
المهم طلع ان فيه اولسيل صغير كان ناشف وهوا اللي بيهرب الزيت
فكه وقالي هات زيه .. رحت بعده بحوالي 500 متر عند مكتب البريد محل اسمه مكاوي بتاع جلب
بكام ب 15 ج
والغطاء بتاعه اللي بيحافظ عليه الزيت من التراب كان مكسور عشان كده الاولسيل كان بينشف ويسرب زيت الباور
طب بيتباع فين ؟؟ طلع مش موجود منه خاااااالص ان ان اننننن
خدت الغطا ورحت عند بتاع اكصدامات فيبر وخليته لحم الاجزاء المكسرة
بكام ب 25 ج
وبكده حوار الاسكاترا اللي كان ب 650 خلص ب 40 ج
وطبعا لما البارات ركبت بقي فرق شاسع
المهم
انا عندي مساعد امامي يمين جايب زيت بقالو سنتين وماشي بيه
وطبعا ده غلط واكيد ده من اسباب تلف البارات والاسكاترا قلت اغيره بالمره طلع ان لازم طقم مع بعضه امامي بس
قلت وماله اهو يبقوا زي بعض
بكام ب 1000 وكاوتشات وصدادات عشان التراب ب 170
عايز اقولكوا ان العربية في الثبات والشوارع المكسرة والله كأنها موديل 2015
وكان ميعاد الزيت جه فا قلت بالمره
هاني قالي افضل نوع للسينا ال لكوي مولي
جبت لكوي مولي 50|20 ب 140
والفلتر ب 25
.................................................. .......
خلاصة الرغي ده كله ان لو الصنايعي مكانش ابن حلال وبيشتغل بما يرضي الله هايظبطك
ولو كان ابن حلال ومحترم هايظبطك ( الفرق في التشكيل )
الراجل ده كان ممكن يعمل عليا مصالح زي غيره بس تمام
حاجة كمان لاحظتها ( انه بيدي لكل حاجة حقها " بمعني" ان اول مره اشوف واحد بيقرط علي ربط حاجة لدرجة انه من كتر ما قارص علي المفتاح وشه كان محمر ( كنت حاسس انه هايطقله عرق
:36_1_1[1]:
( الضميييييير )
ربنا يباركله ف صحته
انصح كل من يواجه مشاكل ليس لها حل في السيينا الذهاب الي هذا الساحر
خصوصا انه أمين وبيراعي ربنا وكاااان مش غالي
اسمه هاني في شارع دمشق بجوار الشيخ علي لقطع غيار الفيات
صحيح
حاولت ارفع صور لأني مصور كل حاجة و "مصور هاني" :POINTIy2[2]:
بس معرفتش للأسف
شكر خاااااااااااااااااااااااا ااااااااااااااااااااااااا ااااااااااااااااص ل gelgel2004
اتمني اكون افدت حد في الموضوع ده وربنا يسترها علينا كلنا
تصبحوا علي خير بقي :36_1_50[1]::36_1_50[1]: