رابطة عشاق و مالكى فيات سيينا بجميع موديلاتها

اقتباس:

---

المشاركة الأصلية كتبت بواسطة littlepharohe

بالمناسبه انا عندى سؤال هيه عزبة شلبى دى فين و اروحلها ازاى ؟؟؟؟

---

اسأل فى رابطه التمبرا اول رابطه وانت طالع على اليمين :) :hihihi:

هما عارفينها بالظبط وعارفين مين بتاع فيات هناك وممكن يدلوك على حد تجيب منه اللى انت عاوزه
انت عاوز تجيب حاجه للسيينا من هناك ؟؟

اقتباس:

---

المشاركة الأصلية كتبت بواسطة fefo0o0oz

و انا براجع الصفحات اللي فاتت لقيت ردود غريبه عن السيينا من بعض الأعضاء لمشاكل موجوده في كل العربيات و بيسبوا و يلعنوا اليوم اللي اشتروها فيه
انا العربيه الحمد لله مريحاني جداً و المشاكل اللي فيها طبيعيه جداً لأي حد بيجيب عربيه مستعمله ماشيه علي الاقل 75000 كيلو و بقالها ماشيه علي الاقل 8 سنين !!
الصيانه الدوريه و عدم اهمال الاعطال هي طريقك للحفاظ علي سيارتك مهما كان نوعها !!
عندي واحد صحبي اشتري bmw مستعمله و مطلعه عينه عشان مش بيعمل صيانه دوريه و بيسيب المشاكل لحد ما تكبر
دلوقتي انت واحد دراعك واجعك .. عند حل من 3 يا تروح لدكتور .. يا ترتاح في البيت و تستني تخف .. يا تشيل عليه حاجات و ساعتها متلومش علي دراعك لما الاصابه فيه تكبر !! و بدل ما يبقي كل اللي محتاجه راحه يومين تلاقي نفسك عايز تجبسه !!

السيينا عربيه و انت جواها حاسس بأمان و سحب اللي 1400 بتاعتها احسن من اللانوس و كل العربيات اللي في نفس الرينج و الثبات كذلك
شنطه وسعه جدا و الكنبه اللي ورا مش سيئه للدرجه اللي بيوصفها البعض .. العربيه كان راكب معايا 3 ورا و واحد جنبي قدام و السحب كويس و العربيه لا بتحك في مطبات ولا بتعمل اي مشكله
كل يوم بسوق العربيه تقريبا من 65 : 70 كيلو عمرها ما قلت معايا ولا وقفت بيا !!


انا لو رجع بيا الزمن تاني و نزلت اشتري هشتري السيينا تاني و تالت لانها عربيه محترمه

---

المشكله كمان ان اغلب اللى بيجيبو سيينا وبيشتكو منها بتكون اول عربيه ليهم ومش فاهمين فيها واما بيتضحك عليهم او مش بيهتمو بالعربيه يعنى مجرد انهم بيحطو بنزين عشان تمشى وخلاص

وطبعا دى مش اى فيات دى عربيه حديثه فيها كنترول وحساسات وتكنولوجيا محتاجه حد يعرف يتعامل معاها مش مكانيكى واقف فى الشارع يفتح الكبوت ويمد ايده ويشتغل وهو مش عارف بيعمل ايه
ده غير موضوع الميه الخضراء وغسيل دوره التبريت ودوره التبريد المغلقه اللى محدش بياخد باله من الكلام ده

كان فيه مشاركه هنا فى اول صفحات الرابطه واحد بيشتكى من صوت عنده طقه كده مع الفرامل وكان قال انه راح لكذا واحد ومعرفش يصلحها تقريبا المهم فى مشاركه من المشاركات كتب ان المقصات وجلب المقصات عنده بايظه وواحد عفشجى من فتره قاله انهم عاوزين يتغيرو فبيسأل تفتكرو العيب منهم بصراحه انا شفت المشاركه دى وفقدت اعصابى يعنى العفشه بايظه وهو بيدور على العيب فين !!!!!
وبعد كل ده الناس ترجع تشتكى ويقولك السيينا وحشه طب اهتم بيها ولو قلت معاك يبقى هى عربيه زباله وقليله الاصل مش وحشه بس

اقتباس:

---

المشاركة الأصلية كتبت بواسطة misoalex

مهو كده الشويه اللى انت بتشتكى منهم دول هما الشويه اللى حيفرقو معاك بعد ما ظبطت السلانسيه وبعد متغير الديسك والاسطوانه والاسعار بتاعه التغير لسه كاتبها littlepharohe اهو وهى فى حدود 500 او 600 بالمصنعيه

وخلى بالك من موضوع البنزينه لان فيه بنزينات ومنها موبيل بتغش البنزين وتلاقيه بيطير بسرعه
جرب وطنيه وامارات مصر

---

بخصوص الاستهلاك
انا مبحطش غير اويل ليبيا و وطنيه
اويل ليبيا هي اكتر بنزينه بنزينها بيعمر معايا و مشكلتها انها مش منتشره

حد جرب يجيب جنوط قبل كده ؟؟

اقتباس:

---

المشاركة الأصلية كتبت بواسطة fefo0o0oz

حد جرب يجيب جنوط قبل كده ؟؟

---

انا مركب جنوط سبور و فلتر اسبور جنوط 13 عاديه لانى محبتش العب فى العفشه بس كنت عايز اظبط الهاندلنج و اتظبط تمام:S_thum1[1]:

اقتباس:

---

المشاركة الأصلية كتبت بواسطة misoalex

اسأل فى رابطه التمبرا اول رابطه وانت طالع على اليمين :) :hihihi:

هما عارفينها بالظبط وعارفين مين بتاع فيات هناك وممكن يدلوك على حد تجيب منه اللى انت عاوزه
انت عاوز تجيب حاجه للسيينا من هناك ؟؟

---

عايز اروح ادلع العربيه شويه حاجات اصليه بتاعتها

اقتباس:

---

المشاركة الأصلية كتبت بواسطة misoalex

المشكله كمان ان اغلب اللى بيجيبو سيينا وبيشتكو منها بتكون اول عربيه ليهم ومش فاهمين فيها واما بيتضحك عليهم او مش بيهتمو بالعربيه يعنى مجرد انهم بيحطو بنزين عشان تمشى وخلاص

وطبعا دى مش اى فيات دى عربيه حديثه فيها كنترول وحساسات وتكنولوجيا محتاجه حد يعرف يتعامل معاها مش مكانيكى واقف فى الشارع يفتح الكبوت ويمد ايده ويشتغل وهو مش عارف بيعمل ايه
ده غير موضوع الميه الخضراء وغسيل دوره التبريت ودوره التبريد المغلقه اللى محدش بياخد باله من الكلام ده

كان فيه مشاركه هنا فى اول صفحات الرابطه واحد بيشتكى من صوت عنده طقه كده مع الفرامل وكان قال انه راح لكذا واحد ومعرفش يصلحها تقريبا المهم فى مشاركه من المشاركات كتب ان المقصات وجلب المقصات عنده بايظه وواحد عفشجى من فتره قاله انهم عاوزين يتغيرو فبيسأل تفتكرو العيب منهم بصراحه انا شفت المشاركه دى وفقدت اعصابى يعنى العفشه بايظه وهو بيدور على العيب فين !!!!!
وبعد كل ده الناس ترجع تشتكى ويقولك السيينا وحشه طب اهتم بيها ولو قلت معاك يبقى هى عربيه زباله وقليله الاصل مش وحشه بس

---

على فكره و هيه كمان بتستحمل يمكن اكتر يعنى انا سايبها بقاللى فترة سنه و شهرين من غير اى حاجه و شغاله زى الفل والحمد لله بس قلت كفايه كده ادلعها شويه طول السنه دى مفيش يوم ما درتش و بطحنها فى مطبات عنيفه جداً و شغاله عادى و مرحتش لبتاع العفشه غير مرتين بس

تنصحوني بمين يعملي صيانه دوره التبريد و يركبلي طقم الدبرياج الجديد و يكونه سعره حنين

اقتباس:

---

المشاركة الأصلية كتبت بواسطة littlepharohe

انا مركب جنوط سبور و فلتر اسبور جنوط 13 عاديه لانى محبتش العب فى العفشه بس كنت عايز اظبط الهاندلنج و اتظبط تمام:s_thum1[1]:

---

طب ايه الفرق بدام الجنوط نفس المقاس

انا كنت عايز اعرض عشان انا طريقي كله جري تقريبا و انا من النوع المجنون شويه في السرعه

اقتباس:

---

المشاركة الأصلية كتبت بواسطة fefo0o0oz

تنصحوني بمين يعملي صيانه دوره التبريد و يركبلي طقم الدبرياج الجديد و يكونه سعره حنين

---

علشان العربيه دقيقه و حساسه شويه
انصحك تغير طقم الدبرياج فى التوكيل بتاع - جسر السويس او العباسيه - علشان نظافه المكان و التشطيب
اما دوره التبريد فممكن عند اى حد كويس
ارجو انك تتطلع على المشاركات السابقه بخصوص دوره التبريد
تحياتى