| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 5 الأولىالأولى 1 2 3 4 5 الأخيرةالأخيرة
النتائج 11 إلى 20 من 50

الموضوع: زيت الفيتيس

  1. #11

    hic

    الصورة الرمزية hic

    رقم العضوية : 1606

    تاريخ التسجيل : 28Jul2007

    المشاركات : 589

    النوع : ذكر

    الاقامة : ALEXANDRIA

    السيارة: بيجو 405 سابقا

    السيارة[2]: Renault Fluence 2011

    دراجة بخارية: لا يوجد

    الحالة : hic غير متواجد حالياً

    افتراضي -

    hasad">

    يا استاذ ادهم انا فى كتالوج عربيتى البيجو بالنسبة لزيت الفتيس يتم تزويده فقط فى حالة النقصان و لم يذكر اى شىء عن تغيره بعد فترة معينة
    و انا ركبت اكتر من 10 موديلات عمرى ما غيرت الزيت الا لما يكون فى اصلاح فى الفتيس فاغير الزيت بالمرة هو اللى كان بيحصل انك تزودالزيت و ده برضه نادر جدا
    وياريت برضه نسمع راى اخوانا الخبراء فى هذا الموضوع


  2. #12

    الصورة الرمزية Adham

    رقم العضوية : 2087

    تاريخ التسجيل : 08Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    باشا أحنا بنتكلم عن زيوت الفتيس الأوتوماتيك مش المانيوال

    صح وللا انا فاهم غلط


  3. #13

    الصورة الرمزية PAYOO

    رقم العضوية : 50

    تاريخ التسجيل : 18Apr2007

    المشاركات : 1,532

    الاقامة : CAIRO

    الحالة : PAYOO غير متواجد حالياً

    افتراضي -

    عندي تجربة مع زيت الفتيس أحب أشارككم فيها

    في كتالوج السياره يوصى بتغيير زيت الفتيس كل 30ألف كيلو وبعد أن تخطيت الـ30ألف كيلو غيرت زيت الفتيس وحطيت زيت درجته 90 ونوعه التعاون (ده النوع إللي كان موجود في ورشة تغيير الزيوت) ولما أعترضت على نوع الزيت رد عليه الصنايعي وقاللي يا بيه كل الزيوت إللي في مصر مصدرها واحد والموضع مجرد ماركات بتتكتب على الجراكن عشان يضحكوا على الناس

    المهم بعد ما غيرت الزيت بحوالي 5ألف كيلو وبعد سفرية طويله إلى شرم الشيخ والجري على سرعات عالية وصلت إلى 180كم/ساعة ولفترات طويلة لا حظت بعد رجوعي من هذه السفريه أن الفتيس أصبح فيه عضة عند أغلب النقلات
    يعني كل ما أنقل ألقي في عضة وعصاية الفتيس مابتدخلش في مكانها بسهولة


    أتصلت بالميكانيكي وقلت له على الحكاية بتاعت العضه دي قاللي غير زيت الفتيس
    قلت له أني لسه مغيره ومكملتش به 7ألف كيلو حتى
    قاللي أيه نوع الزيت إللي أنت حطيته
    قلت له زيت التعاون
    قاللي أبو 6 جنيه الكيلو ؟
    قلت أه
    قاللي طب معلش غيره برضه وقوللي على النتيجة بعدها
    رحت محطة شل إللي قبل مدخل العبور عشان أغير زيت الفتيس
    الصنايعي إللي هنا أول ما فتح الطبه ونزل كام نقطة زيت على الأرض قفل الطبة تاني وقاللي الزيت مش محتاج تغيير يا بيه
    قلت له ليه مش محتاج تغيير ؟
    قاللي الزيت لونه أخضر وزي الفل ومافيهوش حاجه والله ده حتى مش محتاج تزويد
    قلت له ما أنا قلت كده برضه دا أنا لسه مغيرهخ قريب جدا بس الميكانيكي هو إللي قاللي أغيره
    المهم
    أتصلت بالميكانيكي وأنا خارج من المحطة عشان أقوله علىإللي قاله الصنايعي إللي في محطة البنزين لقيته بيقوللي لف وأرجع وغير الزيت من فضلك يا مستر هاني عشان خطري
    قلت ليه يا أسطى شنوده أنت مصمم أن العيب مون الزيت ؟
    قاللي الزيت إللي موجود عندك حاليا (محلول)
    قلت له يعين أيه محلول؟
    قاللي يعني الزيت حل
    قلت له هو أنا فهمت الأولانيه لما هافهم التانيه
    قاللي الزيت بتاع التعاون ومصر الشركات التعبانه دي بيحل مع السرعات العاليه والسخونه وبيفقد خواصة نهائيا يعني تلاقي لونه زي ما هوه لكن لزوجته معدومه وده حصل بسبب السرعات العاليه إللي انت بتمشي عليها دايما وخصوصا سفرية شرم دي جابت أجل الزيت

    لفيت وخليت الفني بتاع المحطة يغير الزيت بدون نقاش

    وبعد ما خرجت من المحطة ومشيت شوية كده ماصدقتش أبدا

    العربية رجعت زي ما كانت وأحسن كمان نعومة أيه وسحب أيه ... لا وأيه الصوت أنعدم على الأطلاق يعني مبقاش في صوت للفتيس نهائيا

    والقصة دي بتدل على أن نوعية الزيت مهمه جدا وكمان مواعيد تغيير الزيت مهمه جدا

    ويارب أكون قدرت أفيدكم


  4. #14

    الصورة الرمزية Adham

    رقم العضوية : 2087

    تاريخ التسجيل : 08Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    الله ينور عليك يا أستاذ هاني

    واهو دة مثل تاني على ان الصنايعية اللي في محطات البنزين كفتجية و بيقولو اي كلام و السلام

    و الاستاذ هاني بيتكلم على عربية مانيوال
    يعني وظيفة الزيت فيها و تأثيرة أقل بكثير من زيت الفتيس الهيدروماتيك

    فما بالك بقى بفتيس فية 12 كلاتش و قربة و بودي فالف و بخاخ زيت و بلوف و شغلانة
    يبقى اثر الزيت لو قديم او مغشوش حايكون تأثير قاتل عالفتيس الاوتوماتيك و على مكوناتة


  5. #15

    الصورة الرمزية Adham

    رقم العضوية : 2087

    تاريخ التسجيل : 08Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    و على فكرة يا جماعه الفتايس الاوتوماتيك كمان ليها فلتر لزيت الهيدروليك بيتغير كل 70 او 80 الف كيلو

    و دة برضة من الأشياء الواجب مراعاتها للفتايس الاوتوماتيك
    بس الفلتر دة بيبقى غالي يعني بتاع الفرونتيرا مثلا انا سالت علية لقيتة ب 150 جنية


  6. #16

    الصورة الرمزية PAYOO

    رقم العضوية : 50

    تاريخ التسجيل : 18Apr2007

    المشاركات : 1,532

    الاقامة : CAIRO

    الحالة : PAYOO غير متواجد حالياً

    افتراضي -

    يا جماعه الزيوت والشحوم هي الروح التي تحيي أي آله في الدنيا
    وأهمية تغيير ومتابعة حالة الزيت من أهم الأشياء الواجب الأعتناء بها
    وأنا فعلا كلامي كان على الفتيس العاده (عشان كده أنا قلت 35ألف كيلو) لكن لو الفتيسش أوتوماتيك يبقى لازم تغيير الزيت كل 10ألاف كم وزي ما قال أخونا "أدهم" أن الفتيس الأوتوماتيك معقد جدا في تكوينه لذلك يجب مراعاة الفتيس الأوتوماتيك رعايه فائقة لكلي لا يتلف


  7. #17

    الصورة الرمزية Abdallah

    رقم العضوية : 40

    تاريخ التسجيل : 17Apr2007

    المشاركات : 2,325

    النوع : ذكر

    الاقامة : Qatar

    السيارة: Pajero 011

    السيارة[2]: Octavia 09

    دراجة بخارية: No

    الحالة : Abdallah غير متواجد حالياً

    افتراضي -

    النهاردة غيرت الزيت لتانى مرة فى خلال يومين, وطبعا دة مش كتر فلوس ولكن هقولكوا الموضوع من الاول علشان تفهموا قصدى كويس...

    الاول بما انى جايب العربية مستوردة ومستعملة استعمال خارج فاول ما جبتها كشفت على زيت الفتيس ولقيت الصنايعى بيقولى الزيت مظبوط واوعى تغيره علشان دة زيت الفابريكة وشوية كلام من الاونطة دوول وطبعا مشيت وقعد شهرين كدة ورجعتله تانى وجايب معايا جركن زيت فتيس موبيل 85 , المهم بدون نقاش قلتله نزلى الزيت وحط دة وقد كان وفوجئت ان الكمية الى نزلت حوالى لتر واحد فقط والمفروض العربية بيبقى فيها 2.75 لتر يعنى هتقولى فى 0.5 لتر منزلش يبقى فى لتر وربع ناقص معنى كدة ان الزيت كان ناقص مع انه هو نفسه قالى انه مظبوط, المهم حمدرت ربنا وحطيت الزيت ومشيت وخلصت مشاوير وركنت العربية .
    تانى يوم جيت امشى لقيت الفتيس تقيل وبيعض قمت واخد بعضى ورحتله قالى الزيت تقيل والفتيس عايز زيت خفيف شوية , طيب يا شيخ والحل, قالى هننزله ونحط زيت باور, طيب يا عم ازاى مينفعش, لقيته جايبلى الزيت الى غيرهولى ببص عليه لقيته خفيف فعلا مش لزج زى ال 85 وغير كدة لونه محمر ولو انه فيه سواد طبعا من الاستعمال, طبعا انا كان دمى محروق اساسا من جركن الزيت ابو 75 جنيه الى ملحقتش اتهنى بيه ورحت جبت لترين زيت باور وقلتله لو منفعش هتدفع حقهم ( معلش اصلى حقانى :mrgreen: ) المهم حط الزيت وزودلى شوية كانوا معايا وحطينا حوالى 2.50 لتر وجيت اجرب العربية لقيت الفتيس رجع تانى كويس جدا وانا مبقتش مصدق الى حصل دة وحتى الان مش مصدق
    ازاى زيت فتيس اوتوماتيك يتحط فى فتيس مانوال وزيت المانوال مينفعش ؟؟؟؟
    سؤال يا ريت حد له خبرة فى الموضوع دة يقولى لانها اول مرة تحصل معايا وللعلم العربية لانوس موديل 99 .

    "اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"


  8. #18

    الصورة الرمزية Adham

    رقم العضوية : 2087

    تاريخ التسجيل : 08Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    دة كلام غريب جدا و اعتقد انة خطر عالفيتيس لان زيت الباور خفيف جدا وغير مقاوم للاحتكاك و ممكن يسبب تآكل للتروس في الفتيس المانيوال

    انا رأيي سيبك من الميكانيكي دة و روح لمركز خدمة محترم ان ماكانش توكيل يعني


  9. #19

    الصورة الرمزية MMamdouh

    رقم العضوية : 102

    تاريخ التسجيل : 23Apr2007

    المشاركات : 34,229

    النوع : ذكر

    الاقامة : Downtown - Cairo, Egypt

    السيارة: Daewoo Lanos I 1999

    السيارة[2]: Daewoo Lanos II 2001

    دراجة بخارية: N/A

    الحالة : MMamdouh غير متواجد حالياً

    افتراضي -

    انا عملت القصة دى قبل كدة و فعلا لقيت الفتيس بقى ناعم جدا... لما سالت اصحابى على فورم daewootech قالوا ان دة خطر جدا لان خواص زيت الباور مختلفة تماما عن زيت الفتيس

    http://www.daewootech.com/forum/viewtopic.php?t=4906

    لما ظهر عندى صوت فى الفتيس الميكانيكى قاللى على الفكرة دى فا قلت اجرب و اشوف ايه النظام بس الموضوع مكنش ظريف

    http://www.daewootech.com/forum/viewtopic.php?t=5025

    دا غير انى حرقت مرة على الرابع لحد 150 كيلو و بعديها الفتيس مرضاش ياخد اى نقلة لمدة نص دقيقة و بعدين اشتغل عادى... طبعا بعدها فضيت زيت الباور و حطيت زيت فتيس

    حط زيت فتيس من محطات BP اللتر ب 9.5 و درجة لزوجتة كويسة و اخف من موبيل

    MMamdouh

    What is the difference between ignorance and apathy?...I don't know & I don't care



    [marq="3;right;3;scroll"]اللى ميعرفش... يقول هجس[/marq]

    [marq="Error"]what goes around... comes around[/marq]





  10. #20

    الصورة الرمزية Abdallah

    رقم العضوية : 40

    تاريخ التسجيل : 17Apr2007

    المشاركات : 2,325

    النوع : ذكر

    الاقامة : Qatar

    السيارة: Pajero 011

    السيارة[2]: Octavia 09

    دراجة بخارية: No

    الحالة : Abdallah غير متواجد حالياً

    افتراضي -

    hasad">

    انا الزيت الى حطيته زيت فتيس اوتوماتيك مش زيت باور ولكن الصنايعية بيسموه زيت باور.

    "اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"



 
صفحة 2 من 5 الأولىالأولى 1 2 3 4 5 الأخيرةالأخيرة

المواضيع المتشابهه

  1. زيت الفيتيس المانيوال
    بواسطة salah_86 في المنتدى ميتـسوبيـشى
    مشاركات: 13
    آخر مشاركة: 16-11-2012, 08:48 AM
  2. الفيتيس الاوتماتيك
    بواسطة ramykimo في المنتدى ورشـــة نــايل مــــوتـــورز
    مشاركات: 2
    آخر مشاركة: 09-07-2010, 03:34 PM
  3. مشكلة فى الفيتيس
    بواسطة ehab3ma في المنتدى دايــو+شيفرولية لانوس
    مشاركات: 11
    آخر مشاركة: 21-05-2010, 08:59 PM
  4. حد يعرف ايه الى جنب الفيتيس ده ؟
    بواسطة wael_samir في المنتدى هـــــــوندا
    مشاركات: 14
    آخر مشاركة: 03-10-2009, 05:25 PM
  5. صوت في الفيتيس
    بواسطة greatshoots في المنتدى قسم خاص بسيارات سكودا فيفوريت وسكودا فليشيا
    مشاركات: 2
    آخر مشاركة: 26-07-2008, 02:26 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2