السلام عليكم ..
أنا يا جماعة الخير معروض عليا أكسيل موديل 1994 هاتشباك .. فابريكا دواخل .. تحتاج دوكو نضافة من الخارج .. مفيهاش غير كاسيت .. موتور 1500 بحالة جيدة
موتور جيد .. صالون جيد .. الحالة العامة للعربية جيدة .. تحتاج سوست فقط فى الخلف ..
يا ريت تقولوى تمنها المناسب .. ورأيكم فى الموديل ده عامة (هيا كورى)
بس بسرعة عشان هاروح للراجل بالليل ..
شكراً يا أخوة:8_8_13:
29000-35000 حسب الحالة
بص هى الحاله الكويسه فيها بتوصل ل32 الف
شوف انت هى محتاجه ايه واخصم من المبلغ يعنى عايز سوست بكام ونزل من ال32 كده
ودلوقتى مفيش حد خالص بيبع الاكسيل ب 35 الف
فى واحده اتباعت قدامى ب 27000 وهى موديل 94 وهاتشباك لكن 1300 وفيها تكييف وحالتها كويسه جدا من جوه ومن بره
وربنا يوفقك
متدفعش اكتر من 30 الف
من 27 ل30 حسب الحاله ومتنساش انها هاتش باك
انا لسه واحد زميلى مشتنرى منها 95 وحالتها كويسه دفع30 الف الى بتتكلم عليها لو فيها شغل تخلص 27 او 26
والله يا جماعة مش عارف أشكركم إزاى .. ربنا يكرمكم .. إن شاء الله هاروح النهاردة .. عشان المعاد إتأجل .. ولو حصل نصيب هاقولكم خلصت على كام ..
متشكر يا أحلى منتدى ..
بس 1500 من غير باور وتكييف !!!
يبقى السعر فيه كلام كتير
يا جماعه الخير مبدئيا 1500 من غير بور ولا تكييف دي غريبه شويه
اعتقد انها ممكن تكون 1300 وهاتشباك ما تزعلوش مني الاسعار متهيا ليه عاليه شويه يعني ما تخرجش من ال30 ابدا
وعلي العموم الهاتش باك مش مطلوبه اوي يعني اتقل في الطلب بتاعك علشان ما يضحكش عليك في السعر
أنا رحت رفعتها فى البنزينة .. وطلعت واخدة خابطة فى الشاسيه .. الفردة الشمال معوجة لبره .. ف لغيت الموضوع .. وبتاع البنزينة قالى الموتور متسقط .. !
الراجل كان طالب 25 ألف