السرفو والماستر العمومى عندى كانو عايزين يتغيروا
أحكيلكم الاول عن الماستر العمومى
طبعا مافيش جديد لل 305 لكن بتاع ال 504 بيركب على ال 305 وجبت الاصلى ب 210 ويوجد الان صينى ب 90
دورت على سرفو جديد مالقيتشى خالص وقالولى ان سعره هيكون حوالى 700 جنيه
دورت على استيراد لقيت واحد نظيف ب 200 جنيه لكنه ماركبش على عربيتى لان أبعاد مساميره مختلفه وحاولت الاقى واحد مقاسها ملاقتشى
فى النهايه الميكانيكى قاللى ان فيه ناس متخصصين فى تصليح السرفو ودلنى على واحد بلاظوغلى بمجلس الامه وفك السرفو قدامى وركبله ( طاقيه واويلسيل ) جداد فى 5 دقائق وخد 60 جنيه
والحمد لله الفرامل دلوقتى بقت كويسه
الخلاصه اللى عايز انقلهالكم تصليح السيرفو سهل ومايحتجشى تكلف نفسك تجيب جديد او استيراد
وبرضه فى انتظار مشاركات زمايلى أصحاب ال 305 عشان يحكوا عن تجاربهم فى الصيانه عشان الكل يستفيد