شروط الضمان

**hanifreeman** · 20-03-2009 08:46 PM

اخوانى اعضاء المنتدى الكريم سلام اللة عليكم ورحمة وبركاتة
عندى نوبيرا 2007 عملت فى التوكيل صيانة 1000 وصيانة ال 5000 وصيانة 10000 وبعدين مرحتش تانى من يوميها وعربيتى ماشية حاليا 36000 هل ممكن ابدل القطع اللى المفروض انها بتبدل على الضمان مثل فلتر هواء تيل فرامل بوجيهات افيدونى افادكم اللة

**samirayad** · 20-03-2009 08:57 PM

هل ممكن ابدل القطع اللى المفروض انها بتبدل على الضمان مثل فلتر هواء تيل فرامل بوجيهات افيدونى افادكم الله

الحاجات دى من المستهلكات ولا يغطيها الضمان ..........أذا كانوا بيتملصوا من عيوب الصناعه.
........(دول ولاد................كمل المقصود مع نفسك )

**أبو ياسين** · 20-03-2009 08:57 PM

الحاجات دى مش فى الضمان دى حاجات بتتغير بشكل دورى ممكن اى ميكانيكى يعملهالك

حصل قدامى ان واحد راح التوكيل بنفس الحاله و قلوله اعمل الصيانات الفاتت يعنى 15و20و25و30و35 و حاسب عليهم

بس مدام العربيه الحمد لله تمام و مفيش مشكله خليك بره التوكيل و ريح دماغك

**hanifreeman** · 20-03-2009 09:06 PM

بارك الله فيك يابو ياسين بس ممكن تدينى فكرة عن القطع اللى بيشملها الضمان وجزاك الله خير

**shaky** · 20-03-2009 09:27 PM

انا عربيتى فى الضمان لانها لانوس 2007
الضمان على الموتور بشتملاتة والعفشة طبعا المستهلكات زى (البويجهات والسيور والسوائل والفلاتر )لكن اى حاجة والحق حبيب الله بيعمولوها على حسابهم وانا شاهد على الاقل توكيل عيسى فى المنصورة التكيف لقيتة مرة معتش بيسقع جامد والله روحتلهم شحنوة لية مجانا وزيتوا العربية كمان وغسلو الموتور بس انا اديت 10 جنية للفنى دخان وطلعوا فاتورة انها ضمان والضمان مجانا ..
وعلى فكرة كان واحد واخد نوبيرا 2007 معايا وبعد شهرين كان فية مساعد عندة مش مظبوط را لهم وكنت هناك بالصدفة وشفتهم هناك وهما بغيروة لية مجانا والله وخد عربيتة ومشى

**أبو ياسين** · 21-03-2009 09:56 AM

استاذ هانى ممكن اسال سوال
هو حضرتك طول الفتره الفاتت اكيد غيريت بوجيهات و فلتير زيت و زيت صح؟؟؟؟

الضمان على كل عيوب الصناعه و لا يخضع لعيوب الاستخدام
يعنى ماتور - حساسات - طنابير لو مش سوء استخدام - كهرباء ...
انما مساعدين ممكن يتلككو عليها
مستهلكات زى سيور - فلاتر - كاوتش - بوجيهات .....

**amirhamed** · 21-03-2009 10:29 AM

الضمان لا يسري على المستهلك وهما محددين الشروط في كتاب الضمان وايه اللي تعتبر مسئوليتهم وايه اللي يخرج السياره من الضمان

**Sherif Khalifa** · 21-03-2009 11:47 AM

المشاركة الأصلية كتبت بواسطة hanifreeman

اخوانى اعضاء المنتدى الكريم سلام الله عليكم ورحمة وبركاتة
عندى نوبيرا 2007 عملت فى التوكيل صيانة 1000 وصيانة ال 5000 وصيانة 10000 وبعدين مرحتش تانى من يوميها وعربيتى ماشية حاليا 36000 هل ممكن ابدل القطع اللى المفروض انها بتبدل على الضمان مثل فلتر هواء تيل فرامل بوجيهات افيدونى افادكم الله

انت كمان داخل على 40 الف يعنى محتاج صيانة سيور كمان مع الفلاتر
سير كتينة و دينامو و شداد كتينة