خبر فى مجتمع السيارات ص 15 من ملحق السيارات بالاهرام 20-3

يشهد سوق السيارات فى مصر حالة من الركود الكبير لم يشهده من فترات طويلة او يكون قد شهده من قبل و ذلك بسبب احجام المستهلكين عن الشراء .. الاحجام عن الشراء جاء رغم العروض و المزايا الكبيرة التى تقدمها بعض الشركات من تخفيض كبير فى اسعار السيارات لدرجة جعلت البعض منهم يتنازلون عن الهامش الاكبر من ارباحهم لتسويق بضاعته.
العروض و المزايا التى اعلنت عنها الشركات خلال الفترة الماضية لم تؤت ثمارها بالشكل المطلوب كما لم يتمكن احد من الخبراء و المختصين من تحديد سبب واضح للازمة الحالية و التباطؤ فى حركة مبيعات السيارات.

انتهى الخبر

عايزين نسمع احلى تعليق على الخبر لان واضح ان الخبراء بكل خبرتهم مش قادرين يحددوا سبب واضح للازمه

الشئ الجميل انة بيقول ان العروض ماعملتش المتوقع منها

لا تعليق.....

كل اللى معاه قرشين خايف يصرفهم وده نتيجه خوف من الوقت اللى جاى
مع ان كله بايد ربنا

كل حاجة فيها ركود عقارات , سيارات , أجهزة كهربائية, سياحة ......... الخ

لكنها واضحة جداً فى العقارات والسيارات لاعتبرهم رفاهية
يعنى العقارات ممكن تسكن فى اى مكان او تاخد ايجار جديد
السيارات فية مواصلات وتاكسيات ليس اكثر

دية حاجة طبيعية فى ظل ازمة اقتصادية طاحنة لم يشهد العالم مثيل لها منذ اكثر من 70 سنة وطبقاً للتوقعات ستتزدد الازمة اكثر الايام القادمة

ربنا يسترها علينا الايام اللى جاية

الزبانية يرفضون تقديم تنازلات تتناسب مع ما أمتصوه من دمائنا على مدى سنوات و اليوم جاء الوقت الذي نراهم فيه يموتون موتا بطيئا و مع ذلك يرفضون أن ينقذوا أنفسهم بعروض حقيقية مكابرين و على طريقة نجوم السينما الأشرار مثل توفيق الدقن يفضلون الموت هكذا..
و احنا حنفضل مخليينها لغاية ما تصدي و يموتوا:44:

شكرا علي الخبر

الاسباب كتير

اولا محدش بقي معو فلوس يدفع المبالغ الفظيعة اللي بقوا بينصبوا علينا بيها دي

ثانيا يالي معو فلوس صار يخاف من الزمن زي ما قال الاستاذ فاروق و بقي في كتير اشيا اهم من العربيه

فبقي في ناس كتير مبدأهم الموجود يسد و خلص

ثالثا بعتقد انو حملة خلوها تصدي كمان ليها دور كبير في الموضوع خصوصا انو هلا صار الاف الناس بيدعموها.

رابعا بمنتهي البساطة عشان الدنيا هيك

يوم ليك و يوم عليك

مكانش هينفع يفضلوا يمصوا دم الناس كده للأبد و مفيش حاجة تحصل و ما يكون فيه رد فعل (طبعا بالاضافه للازمة الاقتصادية اللي اثرها باين بمختلف المجالات).

اللهم لا شماته بس اعتقد الموضوع ده خسرهم كتير اوي و لسه هيخسرهم.

ربنا يصلح حال الجميع.

و الف شكر لحضرتك علي الموضوع

الى عايز يشترى مستنى الاسعار لما تنزل زى العالم كله
وهتنزل ان شاء الله يما خليها تصدى

الناس خايفه تتطلع الفلوس لحسن مايعرفوش يجيبوا عيرها تاني...

قيمة الحاجة دلوقتى بتقل مع الوقت
بس العربية مختلفة عن العقار دى سلعة استهلاكية و مفروض متوقعش ان فلوسى تفضل زى ماهى مع الوقت

اعتقد الناس خايفه تصرف لان بكره الله اعلم بيه

اعتقادى ان الوضع ليه اسباب كتيره .. زي محضرتكم قلتوا ولو ان انا اتوقع ان من اكبر الاسباب حملة خلوها تصدى.. لان كل الناس مستخسرة تدفع فلوسها في عربية دلوقتي .. وتيجي بعد كدة تلاقي ان العربية رخصت بنسبة من 10:30 % سعتها هيندم علي الفلوس اللي دفعها.
فالناس عيزة تستفيد اكبر استفادة من الفلوس اللي معاها .. يعني انا معايا مثلا 250 الف عايز اجيب بيهم باسات ليه مستناش يمكن يجبولي c180 .. حاجة زي كدا
دا طبعا غير انت الناس خايفة ان الفلوس تضيع منها دلوقتي في حاجات مش مهمة اوي .. ويجي عليها فترة تبقي محتاجة فلوس في حاجات اهم .. النهاردة اللي معاه فلوس يجيب عربية وشغال في شركة ومرتبة كويس ومعاه فلوس يجيب عربية وعندوا اولاد .. وجت عليه الازمة . خايف يجيب عربية يجي بعدين ميلقيش فلوس يجوز عيالو مثلا .. يا عالم البطالة زادت في العالم والشركات بتفلس..
انا بقول امثلة بسيطة بس من الواقع . ويارب اكون قدرت اعبر عن رأي..

ده انعكاس طبيعى للازمه الماليه العالميه اللى بيعيشها العالم اليومين دول وبتاثر دلوقتى فى مصر حاله ركود شديده مع انخفاض معدلات التوظف والاستثمار وحتى اللى معاه دلوقتى مبلغ ما مش هيخاطر بيه زى الاول لانه عارف ان بكره مش احسن من النهارده طبعا + ان الوكلاء بيستعبطوا فى اسعار العربيات
وخلوها تصدى

- شركات السيارات بتمشى موظفين بعشرات الالاف
- عدد المصريين اللى استغنوا عنهم فى الامارت وصل 150 الف و كان فية اقتراح ان عربياتهم ما تتجمركش
- بنوك و شركات تأمين كبرى بتفلس
- البنوك فى مصر قللت القروض و خصوصا على العربيات
- انتظار مطارات الامارات مكدسة بالعربيات اللى عليها اقساط و اصاحبها سابوها بعد ما مشوهم من اشغالهم و البلد

كل ده و بيقولك الخبراء مش شايفين سبب واضح للركود

يبقى اللى عنده وظيفة يحافظ عليها
و اللى مضطر يشترى عربية يبقى يشترى ب 60 او 70% بالكثير من المبلغ اللى كان محدده لشراء العربية ويخلى الباقى - محدش عارف بكره هيحصل ايه