الموضوع: شوية شغل في العفشة

الأخوة الأحباب
نزلت النهاردة الجمعة وقولت فرصة أعمل شوية الشغل اللي في عفشة العربية اللي كانت عاملة زي فرقة حسب الله السادس عشر، وكنت عامل حسابي على تغيير طقم المساعدين وما يترتب عليه من تغيير بعض الأشياء.
المهم عشان مطولش عليكم رحت لصنايعي يبعد عني حوالي 200 ك، والراجل بحد يستاهل المشوار، بعد ما طلع الراجل جرب العربية بنفسه قرر بدء العمل في العربية، وفي مسافة ربع ساعة لقيت العربية مفروشة في الورشة وكان الناتج كالتالي (وحكتب الحاجة وتمنها):
2 بيضة طرف 80 جنيه
2 كوبايات 70 جنيه
2 بطاحات 120 جنيه
2 مسمار ميزان 30 جنيه
2 كوتشة بيضة طرف 2 جنيه
ضبط زوايا 15 جنيه
مصنعية 100 جنيه
الإجمالي
420 جنيه
والحمد لله رب العالمين بسم الله ما شاء الله الفرق واضح جداً وكأني راكب عربية لسة من التوكيل بتلين مفيش دبة النملة حتى.
العفشجي بعد ما فك العربية قالي المساعدين كويسيين مش محتاجين تغيير لكن لقي كوباية المساعد الشمال مكسورة، ولقي البطاحات منتهية تماماً، وبيض الطرف كذلك الأمر اضطرينا نفور بيض الطرف الأصلي لأنه متبرشم ونركب بيض طرف Ctr تقريبا والله أعلم
هذا للعلم والفايدة وآسف للإطالة
أحب أضيف إن الأعراض كانت عبارة عن:
1- تزييق الدريسكون عند لفه إلى اليمين.
2- صوت خبط ورزع خصوصاً لما يكون الشارع مكسر.
3- تعويم العربية بعد 120 ك.
4- حدفة يمين خفيفة جداً.
وكل ده الحمد لله اختفى تماماً.http://www.s77.com/3DSmile/52/W_030.gif

المشاركة الأصلية كتبت بواسطة battikh

الأخوة الأحباب
نزلت النهاردة الجمعة وقولت فرصة أعمل شوية الشغل اللي في عفشة العربية اللي كانت عاملة زي فرقة حسب الله السادس عشر، وكنت عامل حسابي على تغيير طقم المساعدين وما يترتب عليه من تغيير بعض الأشياء.
المهم عشان مطولش عليكم رحت لصنايعي يبعد عني حوالي 200 ك، والراجل بحد يستاهل المشوار، بعد ما طلع الراجل جرب العربية بنفسه قرر بدء العمل في العربية، وفي مسافة ربع ساعة لقيت العربية مفروشة في الورشة وكان الناتج كالتالي (وحكتب الحاجة وتمنها):
2 بيضة طرف 80 جنيه
2 كوبايات 70 جنيه
2 بطاحات 120 جنيه
2 مسمار ميزان 30 جنيه
2 كوتشة بيضة طرف 2 جنيه
ضبط زوايا 15 جنيه
مصنعية 100 جنيه
الإجمالي
420 جنيه
والحمد لله رب العالمين بسم الله ما شاء الله الفرق واضح جداً وكأني راكب عربية لسة من التوكيل بتلين مفيش دبة النملة حتى.
العفشجي بعد ما فك العربية قالي المساعدين كويسيين مش محتاجين تغيير لكن لقي كوباية المساعد الشمال مكسورة، ولقي البطاحات منتهية تماماً، وبيض الطرف كذلك الأمر اضطرينا نفور بيض الطرف الأصلي لأنه متبرشم ونركب بيض طرف Ctr تقريبا والله أعلم
هذا للعلم والفايدة وآسف للإطالة
أحب أضيف إن الأعراض كانت عبارة عن:
1- تزييق الدريسكون عند لفه إلى اليمين.
2- صوت خبط ورزع خصوصاً لما يكون الشارع مكسر.
3- تعويم العربية بعد 120 ك.
4- حدفة يمين خفيفة جداً.
وكل ده الحمد لله اختفى تماماً.http://www.s77.com/3DSmile/52/W_030.gif

مبروك
بس انت قصدك على بيض المقصات ولا بارات الطرف الى كانت متبرشمة

الاسعار معقولة جدا
بس المصناعية غالية شوية يعنى هنا ممكن حوالى 50 جم بس مش مهم الفرق طالما انت ارتحت للشغل