طلب مساعدة ضرورى من اهل الاسكندرية

**moataz200730** · 21-03-2009 01:05 AM

لو سمحتم يا جماعة انا طالب مساعدة منكم انا اشتريت عربية فيليشيا موديل 99 و كنت عايز اروشها شوية و حوديها التوكيل العربية موتورها بيجعر جامد و انا حقولهم ف التوكيل و كنت عايز اغير الاربع فوانيس و عارف انهم حيبقوا غاليين اوى ف التوكيل فيا ريت لو حد يعرف حد اجيب من عنده الفوانيس بسعر كويس يا ريت يفيدنى و يا ريت يقولى بكام و كمان عايز اعرف ايه الحاجات اللى اشيك عليها ف التوكيل عشان انا بصراحة بدرس ف الكلية و معنديش استعداد كل شوية اضيع وقت ف التوكيل او غيره

**hanyalashkr** · 23-03-2009 01:42 AM

عندك اتنين لقطع غيار الفيليشيا فى اسكندرية
أولهم فلفل عند كلية الهندسه على ايدك الشمال و انت رايح على الكليه
و عندك مزروعه على ترام فلمنج بعد النيابه العسكرية و انت رايح على الوزارة و جنب مزروعة فى حوالى اتنين كمان
اما بالنسبة للكماليات و الإكسسوار عندك شارع صلاح الدين بحاله و فيه كمان واحد فى سموحه فى عزبة سعد بس مش فاكر اسمه لكن مشهور لو روحت لحد سموحه و سألت هاتوصل

**moataz200730** · 23-03-2009 04:18 AM

الف شكر الله يكرمك

**original** · 24-03-2009 01:36 AM

المشاركة الأصلية كتبت بواسطة hanyalashkr

اما بالنسبة للكماليات و الإكسسوار عندك شارع صلاح الدين بحاله و فيه كمان واحد فى سموحه فى عزبة سعد بس مش فاكر اسمه لكن مشهور لو روحت لحد سموحه و سألت هاتوصل

قصدك بان ألكس!! عندك سعيد نصار وناس كتير جنبه..
صلاح الدين فيه جديد واستعمال لكل قطع غيارها..

**tamersalah** · 24-03-2009 02:13 AM

عندك كمان في شارع صلاح الدين قبل و بعد إشارة شارع عبد المنعم. بعد الإشارة هتلاقي محل في زقاق علي الشمال إسمه طارق لكن اللي قبل الإشارة مش فاكر إسمه إيه بس هو قبل محل عدد. أسعارهم أرخص من التوكيل و أصلي.