آسف لكل فتاة ..لن اتزوج فتاة تدخل الى الانترنت, راي بصراحة

**eslam_wega** · 21-03-2009 02:08 AM

المشاركة الأصلية كتبت بواسطة SuccessCre8or

صعب انط ترتبط بواحدة عرفتها من النت ... دا شئ عادي

لكن مترتبطش بواحدة عشان بتستخدم الإنترنت ؟؟ ... لأ لأ .. كلام مش منطقي .بالعكس دا ممكن تكون اللي بتستخدم الإنترنت افضل من التانية .... التربية هي الفيصل و ليس النت او الموبايل او الفيس بوك...!!

+99999999999999999999

**shafey** · 21-03-2009 02:11 AM

طيب انت لو دخلت البيت لقيت حد من اخواتك مثلا بتكلم واحد على النت مش بتتسال مين دة وبتكلمهوة لية ؟
و بعدين احنا فى بلد شرقى ولينا عادات وتقاليد مفهاش نقاش انا عارف ممكن تقول ان انا مش متفتح وقديم والكلام دة بس والله كل واحد لية راية ووجهة نظر وهو حر فيها

**max_ziro** · 21-03-2009 02:12 AM

المشاركة الأصلية كتبت بواسطة ahraah

طب لو بتدخل و الراجل ميعرفشى؟
موضوع الأرتباط دة لازم ثقة و احترام بين الأثنين لأن الخداع سهل المهم ارتباط مبنى على احترام و ثقة و تربية

النت بالنسبالى زى التلفزيون او الدش و الموبيل و ال فديو او دى فى دى
ممكن تستعمل صح
و ممكن غلط زى Jato.33 ما قال
المهم الشخصيةو التربية و الأهل

فى حاجة كمان معنى كدة البنت الكويسة المحترمة ترفض اى راجل بيستعمل الأنترنت :)

نفس الكلام الى كنت هقولة
...

**MomoMedo** · 21-03-2009 02:21 AM

انا ارتبطت ببنت من 3 سنين عن طريق الانترنت
ووالدي والدها عارفين والعلاقة ماشية تمام .. و ان شا الله هنتخطب قريب

مش عايز اقول ان كل علاقات الانترنت صح
بس برضو مش كلها غلط ..
الانترنت عامل زي الشارع بتاقبل فيه ناس
فيه منها كويس و في منها وحش
و مش معنى ان بنت عندها اكونت عالفايس مثلا تبأى مش تمام

الكوباية لو حطيت فيها مية تبأى حلال .. لكن لو حطيت فيها خمرة تبأى حرام

**Mostafa.Mahran** · 21-03-2009 02:31 AM

بصراحة لو انت انسان محترم و بتراعى ربنا قبل الزواج اكيد زوجتك هتكون زيك و لو كنت مستهتر و ليك علاقات غير شرعية مراتك هتكون كده برضه مهما عملت ناصح و مفتح لان ربنا خلق الرجل و زوجته من نفس الضلع

**sa3dawy** · 21-03-2009 02:37 AM

لا تعليق ..... البدو بدو والجهل جهل مهما حصل

**Terrible_DaRsH** · 21-03-2009 02:57 AM

بعيد عن الموضوع ..

اكره ما فى حياتى انى اشوف واحد عامل مقارنة بين الرجل والمراة !!

الرجل رجل والست ست ..

اهم ما يميز المراة الشرف والسُمعة اكتر من الرجل

واكثر ما بينرفزنى انك تلاقى واحدة طالعة فى التليفزيون وتقولك اشمعنا الرجل لما بيتجوز عرفى او بيمارس علاقة مع اى فتاة مش بتحصله فضيحة ولكن البنت بتحصل لها فضيحة وممكن متتجوزش بعد كده ..

بقول حسبي الله ونعم والوكيل فيهم .

بيخلوا البنات تفكر فى حاجات توديها فى 60 داهية وبتديهم ثقة فى نفسهم انهم يعملوا اللى عايزينه ( ال ايه مساواة بالرجل ) ..

ما هى البنات لو كانت متربية مش هتدى فرصة لواحد يكلمها فى التليفون اساسا مش يعمل معاها علاقة جنسية ويسموها جواز عرفى :(

خلاصة كلامى ده ان مينفعش نعمل مقارنة بالولد والبنت ونقول اشمعنا الرجل بيدخل الفيس بوك والبنت لا .. تمااامااا ..

**badry** · 21-03-2009 03:14 AM

يا جماعة اتطوروا شوية....

النت مش زى التليفون او الموبايل....

النت مش كل هدفه ان الناس تكلم بعض او تشوف بعض....

فى ناس بتخش على النت عشان مذاكرة او شغل و اطلاع.....عشان تنزل دروس دين و تتعلم دروس طهى و تتدرب على حاجات مفيدة.....و تتقرأ عن العربيات مثلا!!!!!

انا عارف ان اكيد كتير عارفين اللى انا قلته....بس حاسيت انى لازم اقوله لا يكون فى حد فاهم ان النت ده للصرمحة بس!!!!!

**نور القمر** · 21-03-2009 10:21 AM

ياما في بنات ميعرفوش يعني ايه نت اساسا وبالتالي مش بيكلموا شباب على النت
لكن تلاقيهم مصاحبين شباب كتير على الحقيقه وبيخرجوا معاهم وهزار ووقاحة
اذن دخول النت والكلام مش مقياس للاخلاق
وصوابعك مش زي بعضها ومش كل بنت بتدخل نت تبقه غير محترمه
والاغرب كمان تحديد موقع زي الفيس بوك كمقياس لقلة الاخلاق
كأن الفيس البوك ده موقع اباحي مثلا
و

-

الموضوع: آسف لكل فتاة ..لن اتزوج فتاة تدخل الى الانترنت, راي بصراحة

LinkBack

أدوات الموضوع

عرض

-

-

-

-

-

المواضيع المتشابهه

7 نصائح لكل فتاة تكرة الرجال ج 1

قصة فتاة جامعية .............

نشيد الأنشاد سبب في اسلام فتاة

الكلمات الدلالية لهذا الموضوع

المفضلات

المفضلات

ضوابط المشاركة