الموضوع: آسف لكل فتاة ..لن اتزوج فتاة تدخل الى الانترنت, راي بصراحة

ممكن سؤال؟!! ... هو قبل النت مكنش فية بنات منحرفة واللا النت هو مكان الانحراف الوحيد !!!
طيب مافى بنات ميعرفوش يشغلوا الكمبيوتر اصلا واخلاقهم زى الزفت
زمان كانوا يقعدوا يقولو التليفزيون ومش التليفزيون وبلاوى التليفزيون ودلوقتى بقى النت وبلاوى النت ونسينا حاجة مهمة هى ان الانسان هو اللى بيشغل الحاجات دى يعنى النت مبيفتحش لوحدة ولا التليفزيون لأ انت اللى بتقعد وتفتحة ونفس النت اللى ممكن تنزل من علية افلام اباحية هو نفسة ممكن تنزل من علية كتاب محتاجة او تعمل بحث عن موضوع محتاج تعرفة اكتر وتستخدمة فى حاجات مفيدة ونفس الكلام على التليفزيون
يبقى العيب فينا احنا مش فى النت ولا فى الاجهزة اللى الانسان اخترعها , احنا اللى بنستخدمها غلط واحنا اللى بنستخدمها صح النت مش بار مثلا ولا ديسكو علشان احكم على كل الناس اللى فية انهم مش كويسين

حاجة تانية وبعيدة عن اى مقارنات بين الولد والبنت لأن كل انسان فى الحياة لية دور بيعملة وفى الاخر سواء الراجل او الست فاهما مكملين لبعض مش عدوين قدام بعض بس مبقاش انا اخلاقى زفت واعمل اللى انا عايزة وفى الاخر ابقى عايز الملاك البرئ اللى مبيغلطش حتى مينفعش نعيش مع بعض كل واحد لية شخصيتة واخلاقة وطباعة , لما ابقى انا كامل ابقى اطلب الانسانة الكاملة
ولو هنتكلم عن عاداتنا واخلاقنا وديننا , فالدين مقلش للراجل اعمل اللى انت عايزة وعربد براحتك ومش هتتحاسب !!!

هو فى حد معندوش نت دلوقتى اصلا موضوع غريب جدا جداا
اى واحد او واحد فى الكلية بيبقى عندة نت علشان الابحاث الى الكلية بتطلبها يبقى نمنع تعليم البنات علشان ميستخدموش النت طبعا كلام غير معقول
واشمعنى النت بس الى مشكلة طاب والى عندها دش طاب مهى ممكن تستخدمة فى اغراض اخرى وتتفرج على القنوات الاوربية مثلا وممكن تتفرج على القنوات الدينية او الافلام العادية زى النت ممكن تستفيد منة وممكن يضرها

Rofl :d :d .

حاسس اني بقرأ مقال كاتبه من افغانستان :d

بالعكس تماماً...أنا احترامي بيزيد لأي بنت بتدخل نت! لان ببساطة الانترنت بوابة معرفية كبيرة جداً و يمكن اكتر حاجة اتعلمت منها في حياتي بعد القرآن الكريم كانت الانترنت!!

اسف لكل فتاة...لن اتزوج فتاة مبتدخلش نت :d :d

اسف لكل فتاة...لن اتزوج فتاة مبتدخلش نت :d :d

بالظبط كدا...

يا جماعة مش لازم علشان بتدخل النت تبقى معلش مش متربية

لا ابدا

فى بنات كتير بتدخل النت علشان تتواصل مع اصحابها الحقيقن وممكن ما تكونش بتتعرف على حد جديد منة

ولو بتدخل منتدى مثلا ما بتتكلمش مع حد منة الا بعد فترة يكونوا عرفوا بعض كويس

وفى بنات بتدخل النت علشان تعمل ابحاث للدراسة او للشغل او تحمل منة الافلام والاغانى وكل ما يخص الكمبيوتر بقى من برامج والاشياء التى تخص الدين

ومش معنى انها عاملة اكونت على الفيس بوك تبقى مش ولا بت

انت اية الى عرفك

البنات دلوقتى بيعملوا الاكونت وما يخلوش صورهم حتى يشفوها غير صحابهم الحقيقين او البنات بس كمان مش الولاد

وناس بتستخدم الفيس بوك فى حاجات كتير مهمة

الفيس بوك مش موقع تعارف بس على فكرة

الفيس بوك اكبر من كدة بكتير

انت لو قعدت علية طول اليوم مش هتخلص من الحاجات الى ممكن تلاقيها علية

بلاش نفكر بالطريقة دى

السلام عليكم ورحمة الله وبركاته
بسم الله والصلاة والسلام على رسول الله

خلاصة القضية:
أن الانترنت باب فيه مصالح ومفاسد وعلى حسب الاستخدام.

والنفس تواقة للمعرفة وحب الستطلاع, وقد يكون المرء تقي وورع ويضع نفسه في مواطن الفتن فتصيبه بشيء منها.
والمسلم الكيس من ابتعد عن الفتن.

فالأفضل للمرء أن يبتعد عن الفتن لكي لا تضعف نفسه.

مثلا لو أخذنا مثلا فتاة معينة متدينة, هذه الفتاة دخلت جامعة فيها بنات فقط وهذه الجامعة اسلامية والبنات فيها ملتزمات. يعني لا ترى معاصي وفتن امامها.

ومثال آخر نفس الفتاة دخلت جامعة مختطلة ورأت طول الوقت الفتيات مع الشباب.
ألن يصيبها شيء في الحالة الثانية ألن تحدث نفسها على الأقل أن تتعرف على شاب حتى لو ملتزم وتحادثه وتملأ عاطفتها.
ألن تكون نفسها في الحالة الأولى أنقى وأطهر وأقرب بسبب صحبة متدينة تذكرها دائما بالله.

أنا أخذت نفس الفتاة في كل من المثالين. لكي يكون معنا متغير واحد فقط وهي الظروف المحيطة.

بالطبع ممكن ان تكون فتاة ما في بيئة ملتزمة أسوء من فتاة أخرى في بيئة سيئة.

فأبو بكر وعمر وعثمان وكل كبار الصحابة كانوا يعيشون في نفس البيئة التي كان يعيش فيها أبوجهل وابو لهب والوليد بن المغيرة.

هكذا الانترنت, إذا كنت ملتزم وحدثتك نفسك أن تتعرف على شيء ما كأن ترى امرأة عارية فبسهولة ممكن أن ترى هذا الشيء من على النترنت لو كان متوفر لك. أما ان لم يكن متوفر لك فربما استغفرت الله في وقتها ولم تهيء لك هذه المعصية.

الخلاصة: أن الفتاة الملتزمة ستكون أنقى وأطهر نفسا كلما لم تتوافر لها سبل المعصية او أجواء الفتن.

أسأل الله أن يجنبنا القتن ما ظهر منها وما بطن