آسف لكل فتاة ..لن اتزوج فتاة تدخل الى الانترنت, راي بصراحة

**amrico** · 22-03-2009 02:27 PM

وياترى لما يتجوز الشخص ده هايكون عنده انترنت ولا كمبيوتر في البيت ولا ايه؟
انا اعرف شخص متدين جدا ماشاء الله
معندوش تليفزيون في بيته وعنده أولاده شباب وبنات في الجامعه وسامحلهم بالإنترنت في البيت عادي
ووجهة نظره ان الإنسان في الإنترنت هو الي بيتحكم في المادة اللي بيتلقاها يعني النت اللي ممكن تفتح منه مواقع إباحية هو نفس النت اللي ممكن تنزل منه القرأن والمواضيع العلمية، ومحدش يختلف على الفوائد العظيمة للإنترنت لو تم اسخدامه بطريقه صحيحة ومحترمة

==
عمرو
==

**powerofhelll** · 22-03-2009 02:33 PM

ممكن كلامي يكون صريح شويه بس في بعض من الناس تستخدم الانترنت في الاشياء الجنسيه و كام شات الناس دي مش بتثق في البنات الي بتدخل علي الانترنت لانه بيعتقد ان كل البنات كده و في كمان زيجات كتير فشله بسبب ان الزوج اغلب الوقت مش في البيت و الزوجه علي الانترنت بتكلم فلان او علان و بتحبه في الاخر و بتطلب الطلاق و حجات من هذا القبيل بس الفكر ده خاطئ

عمر مكان البتر الحل الاول عند الاطباء

**دينا أبوالعلا** · 22-03-2009 03:24 PM

المشاركة الأصلية كتبت بواسطة Tyler_Durden

ياااه زمان البنات اللي بيدخلو ع النت بيقطعو نفسهم دلوقتي عشان الباشمهندز ده طار منهم :K_crying[1]:

لا حضرتك معتقدش ان ممكن واحده ممكن تندم انها مجوزتش الباشمهندس ده

بصراحه انا اتفاجئت ان في حد ليه راي زي اللي في التوبيك
مش عشان المفروض نبقي اتطورنا لا عشان مجرد ان بتدخل علي النت بقي معناه شات وفيس بوك ومواقع اباحيه

طب ما تيجو نلغي اشتراك البنات من علي المنتدي ده هو برده مش في بنات هنا متجوزين والحمد لله رجاله محترمه وبنات علي وش جواز يا سندريلا

(مبروك معلش فوسط الزحمه) واللي لسه مجوزتش يا حرام تعرف تجوز
للي بيكلم علي النت والفيس بوك للعلم لو مش واخد باله او مش عايز ياخد باله ممكن تشوف اكتر علي الموبايل والتلفزيون والفيديو والشارع والمواصلات والجامعات والمدارس وفي اي حته انت عايزه يعني بلاش تتجوز احسن لان الله يكون فعونها ساعتها
اه ويا ريت متتجوزش واحده اتعاكست قبل كده لانها ممكن تكون صاحبته بعد لما عاكسها
واللي قبلت تتجوزك بلاش لانها كانت ممكن تقفبل تجوز اي واحد غيرك يعني مش محترمه من الاخر برده
وبالنسبه للمساواه والكلام الفاضي ده ملوش علاقه بالموضوع لان كل الحدود في الشريعه مفهاش حاجه تقول ان الراجل ليه عقوبه والست ليها عقوبه
كلامي ده ملوش علاقه بالكلام الفاضي كلمتي زي كلمت وشغل منظمات حقوق المراه
تقبلو رايي وتحياتي

**shady_hamdy** · 22-03-2009 03:47 PM

صوابعك مش زى بعضها بس للاسف الاغلبية من النوع البايظ و الكويس المحترم بجد بقى قليل جدا لدرجة انى عمرى ما شفتوا خصوصا لو البنت حلوة و عرفة انها مطلوبة لكن لو وحشة هتكون محترمة علشان دة الحاجة الوحيدة الى هدعمها

**Islam_galal** · 22-03-2009 03:50 PM

القصة منشورة زي الحوادث في الجرايد بتكتتب بطريقة تانية خالص لزوم التشويق و الاثارة

النت مش مقياس للفضيلة و لا للرقي
النت وسيلة تستخدم في الصح و الخطأ

الصلاة نفسها و سيلة للتقرب لله و البعض يستخدمها للتبغض لله بالنفاق

كلها وسائل و الموضوع لا يستحق الجدل ممكن تعتبروها تجربة شخصية و ليست رأي عام أو مقياس لأي شئ

و لكن لو واحد انضرب و اتسرق في شارع ممكن يعتبر كل اللي فيها حرامية و يقلق من أي واحد ساكن فيه . . عادي جدا

أي واحد ليه تجربة مع النت و يتعرف علي بنت سيئة ، عادي جدا ان ده يكون رأيه و لا دخل للجمل ولا للبدو و لا للكلام الشيك المؤدب ده

أعرف من القصص الواقعيه الكثير يستخدم النت فيهل للتعرف بين الشباب و البنات و التواصل بما لا يرضي الله

نحن نميل للتقليد و نميل لتقليد السئ في الغالب و هذا يشمل النت و طرق اللبس و حتي طرق التفكير . . . حتي الألفاظ !!!!!

**ahmad5997** · 22-03-2009 03:54 PM

والله البنت الوحشة مش مستنية الانترنت عشان تبقي وحشة
والبنت الوحشة هتفضل وحشة حتي لو قفلت عليها 1000 باب وقفل
عشان كده الرسول قالنا اظفر بذات الدين
حتي لو بتدخل علي النت هتلاقيها بتدخل للنفع مش للـ..... ولا بلاش

**eng/muhamad** · 22-03-2009 06:07 PM

يعنى اية مرضى نفسيين ؟ انت مش راجل يعنى لو لقيت مراتك او خطيبتك او حتى صحبتك بتكلم واحد غيرك على النت هيكون اية رايك و هتعمل اية ؟

فى فرق بين واحده بتستخدم الانترنت كمجال للمعرفه او للمعلومات او الثقافه او الشغل
و ان واحده تستخدمه للتعارف

**mab** · 23-03-2009 01:39 AM

المشاركة الأصلية كتبت بواسطة ahmad5997

والله البنت الوحشة مش مستنية الانترنت عشان تبقي وحشة
والبنت الوحشة هتفضل وحشة حتي لو قفلت عليها 1000 باب وقفل
عشان كده الرسول قالنا اظفر بذات الدين
حتي لو بتدخل علي النت هتلاقيها بتدخل للنفع مش للـ..... ولا بلاش

+111111111111111111

**AhMeD EzZ** · 23-03-2009 05:56 AM

دي مش اول مرة اقرا الموضوع دة
وكل مرة اشوفه بتنرفز جدااا
معقولة لسة في ناس بالعقلية المتخلفة دي
الانسان دة مقدرش اقول عليه غير معقد نفسيا
فيها ايه لما البنت تخش ع النت مش هقول عشان تنزل اغنية و لا عشان بحث لا عشان تتسلي بدل ما تنزل الشارع و تخرج مع صحباتها في الشارع الي هو مش امان اصلا فيها مثلا لما تخش علي منتدي " محترم " و تتواصل مع الناس زي ما في بنات كتييير جدا بتعمل هنا في المنتدي زي أ/ علا عثمان و نور القمر و دينا ابو العلا و دول من اكتر الناس المحترمة الي شفتها و بعدين زي ما فيه صداقة ممكن تكون بين ولد و بنت في الجامعة في الشغل في اي مكان ممكن تكون ع النت طول ما ليها جدود الادب و الاحترام
و بتمني من كل قلبي العقليات الي زي دي تختفي
و معلش برضة الي بيتجوز واحدة عشان لابسة نقاب و اسدال و الحوارات دي في منهم ناس في منتهي السفالة و بيبقو واخدين الموضوع موضة و ستار
و الله لسة حاصل موقف
واحدة كل يوم تنزل بالنقاب و تقول شيخة و فوجئت بيها في ديسكو في المهندسين
اتاري الهانم بتغير هدومها عند صاحبتها و تطلع تسهر و تسكر
مهو ممكن تكون بنت مش محجبة بس اخلاقها احسن 100 مرة من واحدة محجبة

**Islam_galal** · 23-03-2009 08:03 AM

المشاركة الأصلية كتبت بواسطة Ezzat-fayek

واحدة كل يوم تنزل بالنقاب و تقول شيخة و فوجئت بيها في ديسكو في المهندسين
اتاري الهانم بتغير هدومها عند صاحبتها و تطلع تسهر و تسكر
مهو ممكن تكون بنت مش محجبة بس اخلاقها احسن 100 مرة من واحدة محجبة

فعلا حاجة غريبة يبقي الواحد ميتجوزش واحدة بتدخل النت أو بتلبس نقاب

ماهي دي المشكلة اننا ناخد الحالة الشاذة و نعممها و ننشرها

سبحان الله و لاحول و لا قوة الا بالله
لو واحدة منتقبة بتعمل كده يبقي بتستخدم النقاب كزي تنكري و بالتالي لا تحسب علي المنتقبات و بالتالي لا يجوز نشر الاستثناء كخبر و هي آفه إعلامية للصحفيين عديمي المبادئ الباحثين عن الشهرة علي حساب الشرفاء و من غير المعقول ان ننجرف نحن ايضا ورائها

الموضوع: آسف لكل فتاة ..لن اتزوج فتاة تدخل الى الانترنت, راي بصراحة

LinkBack

أدوات الموضوع

عرض

-

-

-

-

-

-

المواضيع المتشابهه

7 نصائح لكل فتاة تكرة الرجال ج 1

قصة فتاة جامعية .............

نشيد الأنشاد سبب في اسلام فتاة

الكلمات الدلالية لهذا الموضوع

المفضلات

المفضلات

ضوابط المشاركة