مشكلة بنزين حتجننى

**bakroov** · 21-03-2009 01:38 AM

احبائى فى الله انا عندى لانوس 99 اتوماتيك عاملة 96 الف كم مشكلتى فى البنزين بتعمل 120 ك فى الصفيحة ورحت لمفتيين كتير وغيرت كل حاجة حتى الرشاشات دون جدوى ثم رحت اخيرا للتوكيل وقاللى انت اكيد بتحسب غلط ولانى متاكد رحت تانى فغيرلى دفيرة الكهرباء زعما انها بتدى قراءة غلط للكمبيوتر وما زالت المشكلة اسف للاطالة بس انا حتجنن

**samirayad** · 21-03-2009 07:10 AM

طيب قبل الخوض فى مشاكل فنيه........ماتسيب موضوع حساب الأستهلاك عن طريق العداد وأعتمد على التفويل على مرتين من البنزينه مع أخذ الرقم الكيلومترى فى المرتين .....ومعرفة اللى تم تموينه فى المره التانيه (عدد الليترات )........وجرب الأول_ وياريت يكون فى خلال مشوار واحد على طريق سريع...............

**bakroov** · 21-03-2009 11:03 AM

انا جربت بكل الطرق ياباشمهندس على الطريق السريع تقريبا 7ك فى اللتر وجوه البلد 6 ك فى اللتر وانا مستغرب ان محدش عارف يوصل لحاجة رغم انتشار اللانوس وضميرى مايسمحش ببيعها كده علما بان قراءات الكمبيوتر سليمة والبوجيهات ناصعة البياض والسيور والرشاشات والكولن والشكمان بما فيه علبة البيئة بحالة ممتازة مهندس صديق قاللى اكيد ده سنسور الشكمان بس الجهاز مابيقولش حاجة قاللى ياعم غيره وبجملت بالله عليكم ماتبخلوا بالنصائح لانى زهقت واسف انى طولت

**engoss1990** · 21-03-2009 12:18 PM

بص يا معلم انا مع الرأى بتاع حساس الشكمان بس ما تعملوش غير لو متأكد من ظبطة الكاتينة وعدم وجود تسريب او انسداد فى الشكمان وعدم وجود خشونة فى البلى وان الفرامل مظبوطة يبقى مفيش اى احتمالات تانية ............والله اعلم

**Drift_Lover** · 21-03-2009 01:59 PM

بص يا معلم انا مع الرأى بتاع حساس الشكمان
1- بس ما تعملوش غير لو متأكد من ظبطة الكاتينة ( 10/10 )
2- وعدم وجود تسريب او انسداد فى الشكمان (عدم سلاسة خروج العادم)
3- وعدم وجود خشونة فى البلى وان الفرامل مظبوطة ( العربيه متكتفة)
يبقى مفيش اى احتمالات تانية ............والله اعلم

+111111111111

**samirayad** · 21-03-2009 02:53 PM

انا جربت بكل الطرق ياباشمهندس على الطريق السريع تقريبا 7ك فى اللتر وجوه البلد 6 ك فى اللتر وانا مستغرب ان محدش عارف يوصل لحاجة رغم انتشار اللانوس

طيب أنت عملت أسكانر على الفتيس........................وأتأكدت أن الـــــــ rpm بتنزل بعد الـتورك كونفرتر...........

**engoss1990** · 21-03-2009 11:59 PM

المشاركة الأصلية كتبت بواسطة samirayad

أتأكدت أن الـــــــ rpm بتنزل بعد الـتورك كونفرتر...........

بعد اذنك يا بشمهندس هو ايه التورك كنفرتر ده....؟

**goodpersonal** · 22-03-2009 12:08 AM

السلام عليكم
إليك الحل بإذن الله:
1- عشان تقيس صح قم بتقويل السيارة ثم امشى 100 ك ثم يفويل تانى وشوف استهلكت أد إيه ، واعمل ده عدة مرات وخذ المتوسط
2- حل مشكلة البنزين .. غالباً هى علبة البيئة .. لأن المشكلة دى منتشرة حتى فى الدايو الزيرو وهى عندى
ومع الشكر

**samirayad** · 22-03-2009 12:20 AM

بعد اذنك يا بشمهندس هو ايه التورك كنفرتر ده....

الــــــــــ Torque convertor ده نوع من أنواع الكبالن المرنه وبتعمل على نظريه هيدروليكيه بحته (وده بيعادل الدبرياش فى نظام نقل الحركه بالفتيس العادى ).........وبيسمى هندسيا hydraulic coupling (قارنه هيدروليكيه ).......وبيتكون من عجله أو طاره بريش توربينيه لتحويل طاقه هيدروليكيه بتوجه داخل القارنه (الكبلن )......لتدوير طاره أخرى بريش (أسمها ال compressor wheel )....والطاقه الهيدروليكيه دى عباره عن زيت فتيس أوتوماتيك جايله من طلمبة زيت الفتيس.........والهدف منه هو الفصل والوصل (زى الدبرياش )...فى حالة وضع السيلكتور سويتش بتاع النقل على الوضع D والعكس فى حالة وضعها على الوضع P&N لفصل الفتيس عن المكنه ( ده تصور سريع )