عاوز حد يديلى نصيحه أجيب فرنا ولا لانوس ولا لوجان بس إلى يختار منهم عربيه يقولى ليه:U_thin1[1]:
عرض للطباعة
عاوز حد يديلى نصيحه أجيب فرنا ولا لانوس ولا لوجان بس إلى يختار منهم عربيه يقولى ليه:U_thin1[1]:
لوجان للأسباب الآتية:
الأمان: رينو ليها سمعة ممتازة في الأمان. كل سيارات رينو حاصلة على 5 نجوم في اختبارات الأمان الأوروبية باستثناء اللوجان الحاصلة على ثلاثة نجوم وهو تقييم أقل من ممتاز ولكنه جيد جداً.
أما بالنسبة للانوس والفيرنا فلم يراعى الأمان في تصميمهما على الاطلاق. اللانوس حاصلة على نجمة ونص في احتبارات الأمان الأوروبية!
صاج اللانوس ورق. الفيرنا احس شوية. بس اللوجان احسن منهم. يا ريت تجيب الفئة اللي فيها آير باج كمان.
الاعتمادية: جودة أعلى في المكونات = اعتمادية. عربية اوروبي مهما كان. حتى لو كانت رومانية الأصل مغربية الصنع. العربية مصممة بحيث تكون "حمالة قسية" وسهلة الاصلاح.
الاتساع: عربية واسعة جداَ جداً من جوه. مش حتصدق غير لما تجربها وتقعد في الكنبة الخلفية.
غير كده ضرورة التغيير. كفاية كده على اللانوس والفيرنا. وكمان الشكل الجديد للوجان أحلى من اللانوس بدون شك وفي رأيي أحلى من الفيرنا.
لانوس
عربيه منتشره فى العاله كله قطع غيار فى كل حته، ثبات على الطريق، استهلاك بنزين مرتفع شويه بس سحب استاذ
الباقى مش عارف بقه
نصيحه أخويه ابعد عن الفرنا
بتعامل مع ميكانيكى بشوف عنده دايما فرنات جديدة وفيها مشاكل تفضح
اشى الموتور بيخر زيت على الموتور شرخ وأشى العربيه عملت منه حادثه لأن الفرامل ما مسكتش معاه
معايا لانوس 2007 30 الف ك ببساطه
مميزات الانوس
قطع غيار رخيصه
انتشار
سعر اعاده البيع محترم
شكل متميز
ثبات معقول لحد 140
مصاريف تشغيل بسيطه و التوكيل رخيص
نادر لو ضهر فيها عيوب تصنيع
ميكانيكيه و صنايعيه كتير شغالين فيها
استهلاك بنزين معقول 240 ك جوه البلد سواقه هاديه - 200 سواقه شد و حرق و 280 سفر على 140-150 ك
عربيه عائليه و معقوله فى السفر
عيوب
منتشره فى كل حته و شارع و حاره
شكل قديم شويتين بس مقبول
تكنولوجيا قديمه
ارتفعها عن الارض قليل فلازم تاجد بالك من المطبات
الثبات بعد ال 140 مش امان اوى بس بيتعالج بجنوط و كاوتش 14
الفرامل مش كويسه اوى و حلها انك تاخد بالك و فى تعديل عمله استاذ ممدوح و بقت تمام
و ربنا يوفقق فى حسن الاختيار
الموضوع برده فيه حسبه قطع الغيار وسعرها والصيانه عامله ايه.
بس اللوجان طبعا عربيه محترمه محدش قال غير كده.
يليها اللانوس في الانتشار واسعار قطع الغيار و البيع وسهوله الصيانه...الخ من الحاجات المعروفه دي
الخلاصه لو اسعار قطع الغيار والصيانه مش فارقه يبقى لوجان
نصيحة ابعد عن الكورى خالص لو جنبيه فى المقارنة عربيات اخرى
اللوجان اشيك واحسن بس مصاريف تشغيل اعلى واعادة بيع ضعيفه
الفيرنا واللانوس تتفوق فى رخص مصاريف التشغيل واعادة البيع
مبدأيا الفيرنا خارج المقارنة
و اللوجان اكيد عربية محترمة وقيمة اكتر من الانوس
لكن يكفى ان سعر اعادة بيعها فى الأرض + سمعت ان قطع الغيار مش متوفرة لسة + ان يقال برضو فى قسم الرينو قوائم الأنتظار وصلت لشهر 9
مفاضلش غير الانوس ، والأفضل تزود شويها وتخليها نوبيرا وتشترى دماغك
أو ممكن أفيو لو بتعجبك
السلام عليكم
معرفش حضرتك تقدر تزود شوية ولا لاء
لكن لو اه يبقى نيو اكسنت
لكن الفيرنا دي خرجها من الموضوع
بص يا جميل انا مشهفتيلك بس انا هؤلك عن خبرة انا اشتريت الاتنين وجربتهم اللى هما الانوس والفيرنا لاكن الوجان ولا حتا ريكبتها الانوس ثبات اعلى شكلها بصراحه بحس انها جربانة بس هيا ثابتة في الطرق المستقيمة طبعا فراملها ضعيفة جدا ويسلام لو دوست فرامل وانت كنت بتحول تهرب من حاجة يعنى بتاخد غرزة يبئه الله يرحم وش العربيا الفيرنا بصراحة ال1600 الكاملة الى انا جربتها مؤخرا بصراحة تشد مع الفيل ابو زالومة و ومن غير زلومة كمان لو عايز بس موضوع وزنها فانت هتحس انك راكب صاروخ ورقي عرفة الى كنا بنعملوه واحنا صغيرين في المدرسة وبنحدف الاساتذة بيه يارب تستفيد حاجة من اللى انا التها ليك
حاول تزود شوايه وهات نيو اكسنت
اللانوس طبعا,,,,,,,,,,,,