عرض للطباعة
السلام عليكم يا أهل المنتدى الكرام...
فى مشكلة فى عربية بيجو 405 برستيج مانيوال
و هى ان الديبرياج تقيل جدا مع صوت تزييق كل ما تدوس على الدواسة
و لا يوجد اى مشاكل او اصوات فى الفتيس و هو ناعم جدا
و استجابته ممتازة
يبقى ايه الحل......لأن الموضوع ده مزعج فى الزحمة
و ياريت لو حد يعرف تمن طقم الديبرياج (405 برستيج - مانيوال ) لو كان لازم يتغير...
و شكرا جزيلا..
ممكن يكون الدواسة نفسها فيها مشكلة
روح لميكانيكي وخليه يبص على الدواسة يشوفها عايزة جلبة ولا حاجة ويراجع على وصلاتها
405 لها كابل دبرياج سعره حوالى 100 جنيه الأصلى إكشف غيره وحتحس بفرق جامد
بس جرب زيته الأول
وطقم الدبرياج الأصلى مكون من اسطوانه ودسك وبليه سعره 450 لكن العيب اللى انت ذكرته ده عيب الكابل
405 لها كابل دبرياج سعره حوالى 100 جنيه الأصلى إكشف غيره وحتحس بفرق جامد
بس جرب زيته الأول
وطقم الدبرياج الأصلى مكون من اسطوانه ودسك وبليه سعره 450 لكن العيب اللى انت ذكرته ده عيب الكابل
لكن لازم تلاحظ حاجه إن دواسه الدبرياج بطبيعها تقيله فى ال 405 لكن مش زى الشاهين ولا فى خفيه اليابانى
شكرا يا جماعة على اهتمامكم....
بس يا أ.dido
سألنا على طقم الديبرياج فى التوكيل بالتليفون قال لى بتاع البرستيج أغلى من العادى و تمنة 2000 جنيه
( رقم مرعب)
فهل ممكن يبقى فى فرق كبير أوى كده بين التوكيل و بره التوكيل...؟؟
هسأل لك عليه وأرد عليك بكره إن شاء الله
غالبا يا باشا سلك الدبرياج . غيره وان شاء الله المشكله هتروح .
حصل معايا الموضوع ده والميكانيكي فك سلك الدبرياج وزيته والمشكلة اتحلت
نصيحة غير السلك احسن
ان شاء الله بسيطة