-
بداية حملة قومية
اولا انا يشرفنى الانتساب لهذا المنتدى الرائع وكل العاملين عليه وكل الاعضاء المخلصين. بجد منتدى جميل وناس راقيه وذوق وهدفنا كلنا هو فائدة الجميع علشان كدة انا فكرت ليه مش يبقى لينا وجود حقيقى فى الشارع المصرى ويكون لينا نشاط ملموس يفيد الناس ويرتقى بالقيادة فى شوارع القاهرة ( عودة إلى مقولة القيادة فن وأخلاق ) كتير مننا بيلاحظ ان فى ازمات فى الشارع مفتعلة بمعنى ان ملهاش سبب غير غياب الذوق العام فى القيادة وانا من هنا بطرح الموضوع دة للنقاش وابداء الاراء للارتقاء بمستوى الذوق فى القيادة اللى هينعكس اكيد على حالة المرور فى الشارع ويعطى انطباع جميل عن شعب فعلا يستحق انه يكون اجمل من كدة وجرب بنفسك انك تبدا فى انتظار سيارة اخرة انها تعدى هتلاقى رد فعل السائق جميل ومقدر انك انسان محترم وعندك ذوق ودة معناه ان كلنا عاوزين وبنحب الاحترام والذوق بس كله بيقول هو جت عليا انا او كدة هبقى انا الوحيد اللى بسوق بذوق ودة مينفعش وسط كل الفوضى دى وبقترح اخيرا لو كان فى نصيب للتطبيق ان كل سائق مستعد لتطبيق قواعد المرور بذوق وفن انه يحط استيكر نايل موتورز على سيارتة كدليل جودة ومن هنا نقدر نعمم الفائدة للجميع ونعمل شىء لوجه حضارى لبلدنا. وشكرا لكم جميعا
-
طبعا كلام جميل جدا و أنا شخصيا كل يوم بحاول أنفذه و أبدأ بنفسي و لكن ماذا تفعل مع كل من :
- سواقين الميكروباص
- سواقين النقل (مش كلهم بصراحة فيهم ناس كويسة و بتفهم)
- المشاة (اللي ماشيين في منتصف الطريق و بيعدوا و لا في دماغهم)
- بعض سائقي الملاكي و التاكسي (اللذين لايتأثرون بذوق و أخلاق الطرف الأخر)
بصراحة الصبح بأنزل من البيت و أنا بأطبق قاعدة أبدأ بنفسك , و لكن في أخر اليوم بأرجع البيت و أنا مطبق قاعد "هي جت علي أنا" و بصراحة بأجد فرق في تطبيق القاعدتين , للاسف القاعدة الثانية تجعل القيادة أكثر أمانا و الوصول للبيت في وقت أقل
و عجبي
-
أعتقد الموضوع ده يجب أن يتحط في مكانه بجانب موضوع "رخصة القيادة من نايل موتورز" علشان الاثنين بيناقشوا نفس الموضوع و لهم نفس الهدف
http://www.nilemotors.net/Nile/showthread.php?t=83114
Content Relevant URLs by
vBSEO 3.6.0 PL2