بما ان محدش رد عليا هكرر الموضوع
لو عايز أحول العربية إلي كابورلية
أولا إية المشاكل الي ممكن تقابلني في المرور و إية حلولها
وثانيا أعملاه عند أي حد و لا الحرفيين مع العلم إن الي أعرفة مش في الحرفيين و تتكلف في حدود كام
عرض للطباعة
بما ان محدش رد عليا هكرر الموضوع
لو عايز أحول العربية إلي كابورلية
أولا إية المشاكل الي ممكن تقابلني في المرور و إية حلولها
وثانيا أعملاه عند أي حد و لا الحرفيين مع العلم إن الي أعرفة مش في الحرفيين و تتكلف في حدود كام
ببساطة مينفعش....
لا ينفع و سألت ناس عملوها من سنتين تقريبا
فولكس بيتل
عايز تضحى بسلامتك و فلوسك اعملها....
اولا روح اسال فى المرور و تسال هناك مدير التراخيص مش اى موظف
ثانيا لازم تقول لنا نوع العربية ايه
ثالثا ممكن تدور على النت و تشوف اى حد عمل الموضوع دا قبل كده و تعرف ايه اللازم .
و ربنا يوفقك
طب ليه عايز تعملها مكشوفة....ملهاش لزمة وفلوس على الفاضى
يجماعة واحد عايز يعمل عربيته كابورليه
اي عربية ممكن تتعمل كابورليه
لاكن السؤال هنا هل دا هيبقا خطر وهيأثر على الخطوط الديناميكيه للعربية ولا لأ
يعني بالبلدي هتأثر فتوازن العربية ؟
او ممكن مفيش حد بيعرف يعملها فمصر ؟
او محدش بيعملها كويس؟
اتمنى اي حد عنده خبره يرد
طب ماتبيعها وتجيب حاجة كابورلية احسن 100 مرة وهتكون شغل فابريكة مش عك صنايعية
أولا شكرا جزيلا علي الردود
ثانيا انا عربيتي فولكس بيتل 71 و العربية دي نازل منها اساسا موديلات كابورلية يعني ان شاء الله مفيش مشكلة في الخطوط الديناميكية
و بصراحة شكلها أحلي و هي كابورلية
اما لو بعتها متجبش حاجة كابورلية و إيدي علي كتفك و كمان بحبها اوي
فسؤالي كان المكان فين في الحرفيين و في المرور إية النظام و التكلفة كام بالتقريب
و ألف شكر ليكو
هو ينفع بس مش هتبقى زى الفابريكه ابدا
فعلا مش هتكون زي الفابريكا بس هتبقي شغالة بس هتبقي عند مين بالظبط
و التكلفة بالتقريب و نظام المرور
حتتعمل
بس حتفتقد لقواعد السلامة تماما
حتتعمل عند مين وبكام و المرور نظامة إية
في من العربية نازل كابورلية
طيب ما تعمل فتحة سقف بس كبيرة حبتين أحسن لأنك كدا حتقص فى القوايم بتاعت العربية و تطضر تعمل قضيب عشان يوزن العربية من اليمين للشمال و كمان عشان يمسكها
انا شوفت سكودا فليشا عامل كدا بس حاطت نسورة فى النص بتاع 3-4 بوصة كبيرة مكان القايم و ماسكة من فوق زى الجيب رانجيلر كدا أعتقد مع المرور ممكن يعمل مشاكل فى الأمن و المتانة و كمان حتغير نوع العربية تقريبا من ليموزين
أه نسيت أقولك كل الى حصل دا حيأثر على ثبات العربية جامد جدا
بس أنا مش هقص في القوايم لأني هعملها زي الريتمو الكابورلية لو فاكرها
حيبقى شكلها مش لطيف خالص
فكر فى فتحة السقف
على فكرة بيبقى شكلها وحش جدا
ماشي أكيد رأيكم أصح
طب رأيكم أعمل إية يكون أفضل و فتحت السقف الي حضرتك بتقول عليها مش فاهمها أوي