ممكن تعديل شكل الاوبل فيكترا 99

**tamerelbadwy** · 21-03-2009 01:59 PM

هو ممكن يا جماعه تعديل ظهر الاوبل الي تحت سنه الالفين انا اقصد الفوانيس الخلفيه والاكصدام الخلفي والعتب علشان تبقي زي الشكل الي بعديه ولو ينفع تتكلف حوالي كام . اصلي انا قدامي فيكترا cdx موديل 99 وصحبها بيقولي ينفع انا بس عايز اتأكد .
وكمان عايز اقولكم عليها هي :
1: اوبل فبكترا موديل 1999
2: فيها 4 ايرباج
3: فيها سخانات في الكراسي
4: مرايات ضم
5: العربيه فبريكه بره وجوه
6: عامله 74000 كم
7: فيها كمبيوتر رحلات
8: تكييف تتش
المشاكل الي فيها محتاجه قاعده فيتس و سره العجله الخلفيه عايزه تتغير وفي حاجه انا لحظتها في الفيتس انه النقلات بتعته مش مظبوطه شويه بس هو قلي عايز يترجلش عليها علشان القاعده والعربيه مطلوب فيها 67000 الف
ايه رايكم ومعلش طولت عليكم

**tamerelbadwy** · 21-03-2009 02:07 PM

هو الفتيس علي فكره يا جماعه اوتوماتيك وانا جربت العربيه سحبها تحفه

**Ahmad Allawy** · 21-03-2009 02:35 PM

هو مبدئيا العربية دي لو كده تبقي نازلة من برة مصر..
و غالبا غالبا يعني.. هتكون متعدلة هنا..
عشان انا لسة كنت باشوف واحدة كده امبارح بالظبط.. و كانتموديل 96 و صاحبها بيقولي نازلة من المانيا..
روحت و شوفت.. و طلع الموضوع مختلف تماما..

العربية كان فيها كل حاجة فعلا..
- موتور ايكوتك
- تكيف تاتش
- مثبت سرعه
- اير باجز
- مالتي فانكشن
- سي دي تشينجر
- كراسي كهربا
- مرايات ضم
- جنوط سبور 5 مسمار
- فوج لايتس
- تراكشن كونترول
- كومبيوتر رحلات

مش فاكر ايه تاني..
بس مكانش فيها فتحة سقف..

العربية دي غالبا هتكون متعدلة هنا..
الكراسي بتتغير بالسخانات و بتكون كهربا كمان..
المرايات الضم سهلة و بتتركب..
كومبيوتر الرحلة برضه مش قصة..
التكييف التاتش بتركب الوحدة بتاعته هنا ب 700 جنيه تقريبا..

لو العداد بتاعها اخر سرعته 260 و ماشية 74 الف يبقي وش العداد ده متغير و العربية ملعوب فيها زي ما قولتلك..

المهم تشوف الموتور ايكوتك ولا لأ..
و الفتيس تكشف عليه ف التوكيل.. او عند حد متخصص و فاهم اوبل كويس قوي.. عشان لو فيه حاجة تخصم تمنه من صاحبها..

العربية دي لو مصري و متعدلة هنا هتلاقي
زجاج ال4 ابواب و الامامي نوعه دكتور جريش ودي واضحة وضوح الشمس..

شوف كده ايه الكلام.و تابعنا بالتفاصيل.. قبل ما تشتري..
و ربنا ييسر لك الحال..

**sabri989** · 21-03-2009 02:46 PM

استاذ يا بشمهندس احمد و ربنا يوفقك انت والاستاذ تامر

**Ahmad Allawy** · 21-03-2009 02:50 PM

المشاركة الأصلية كتبت بواسطة sabri989

استاذ يا بشمهندس احمد و ربنا يوفقك انت والاستاذ تامر

ربنا يخليك يا هندسة..

**lancerevolution** · 21-03-2009 04:00 PM

أعمل زي ما أحمد قالك كدا السعر كتير 74 ألف كيلو من سنة 99 دا قليل جداجدا العربية يا كانت مرفوعة يا ملعوب فى العداد و لو مرفوعة شوفها كانت مرفوعة فين لو فى حتة فيها رطوبة إكشف على الشاسية كويس جدا

**tamerelbadwy** · 21-03-2009 06:33 PM

مرسي يا جماعه علي الرد وكويس يا احمد انك قلتلي علي موضوع الازاز ده لان فعلا هو بيقولي انها من المانيا انا هشوفها النهارده وهقولك علي اخر التطورات .
بس محدش قلي هو ينفع اعدل الشكل ولا لا

**ENG\AHMED** · 21-03-2009 07:11 PM

المشاركة الأصلية كتبت بواسطة tamerelbadwy

مرسي يا جماعه علي الرد وكويس يا احمد انك قلتلي علي موضوع الازاز ده لان فعلا هو بيقولي انها من المانيا انا هشوفها النهارده وهقولك علي اخر التطورات .
بس محدش قلي هو ينفع اعدل الشكل ولا لا

بالنسبة للتعديل العربيتين واحد الفوانيس والاكصدامات والشنطة بتركب عادى مفيش مشكلة
بالنسبة للعربية ممكن تعرف اذا كانت تجميع مصرى من الزجاج زى ما علاوى قال او من الفرش الاصلى بتاع الكنبة او ممكن تسأل فى التوكيل برقم الشاسية

**tamertamer** · 21-03-2009 08:57 PM

التعديل مفهوش مشاكل خالص بس الشكل القديم احلاء بكتير بس هتكيش جامد فى التغير وسهلة اوى تعرف العربية دية نزلة من برة او من جوة من مثبت السرعة لو شغال نزلة من برة لو مش شغال يبقا من هنا وتاخد رقم الشسية واسال فى التوكيل سهلة جدا

**Ahmad Allawy** · 21-03-2009 10:59 PM

هو ممكن يتعرف بسهولة من رقم الشاسيه و رقم الموتور كمان..
بس اللي يفيدنا بالتفاصيل ف الموضوع ده الباشمهندس فادي صبحي..
بس لما يشوف الموضوع..
(هيشتمني.. عشان دبسته ف المشوار.. و طلعت العربية شوربة علي الاخر..)

الموضوع: ممكن تعديل شكل الاوبل فيكترا 99

LinkBack

أدوات الموضوع

عرض

-

-

-

-

-

المواضيع المتشابهه

اسوأ ما فى الاوبل فيكترا

اسعار الاوبل فيكترا

اريال الاوبل فيكترا 95

الي خبراء الاوبل فيكترا الجديدة

ممكن يا اوبلاوية تقولولى بالظبط اظبط الاوبل فيكترا بتاعتى ازاى ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة