إطلاق "كيا سيراتو" الجديدة يوم الخميس القادم 26-3-2009 بخمسة طرازات

عرض للطباعة

21-03-2009, 02:54 PM
د.محمد

إطلاق "كيا سيراتو" الجديدة يوم الخميس القادم 26-3-2009 بخمسة طرازات

أعلنت الشركة المصرية العالمية للسيارات "EIM" الوكيل الوحيد لسيارات "كيا" الكورية الجنوبية في مصر طرح الطراز الجديد من السيارة "سيراتو" يوم الخميس المقبل في مينة شرم الشيخ.
و حفل تدشين "سيراتو" الجديدة سوف يحضره الموزعون المعتمدون لدى "EIM" فقط لاختبار السيارة الجديدة دون حضور وسائل الإعلام والصحفيين المختصين في السيارات.

وتحمل "سيراتو" الجديدة تصميم جديد كلياً يحمل المزيد من الخطوط الرياضية التي ستميزها عن غيرها من الماركات من نفس الفئة.

وقال مصدر قريب من "EIM" لـContactCars.com إن "سيراتو" الجديدة سيتم طرحها بخمسة طرازات يبدأ سعرها من 95.000 جنيهاً ، إلى 130.000 جنيهاً ، وسوف يعلن خالد يوسف رئيس قطاع السيارات في "EIM" خلال الحفل أسعار الطرازات ومواصفاتها الكاملة.

منقول من كونتاكت كارز
http://www.contactcars.com/News_View...sp?NewsID=2730

تم الدمج مع موضوع بعنوان: السيراتوالجديدة وصلت
______________________________

مشرف القسم
21-03-2009, 02:58 PM
kareemhisham

اخبار زاى الفل و الله ماعدا حتت "130" دى ,, انا بصراحة مكنتش متوقع ان سعر الهاى لاين بتاعها يبقى كدة ,, خاصة انها بتنافس الالنترا
21-03-2009, 03:11 PM
د.محمد

فعلا 130000 كثير قوي
21-03-2009, 03:27 PM
ghazy12

شكرا على الخبر الجامد جدا يا باشا....
21-03-2009, 04:06 PM
KoDaK_Gti

بأمانة انا شايف العربيه الجديدة دى قوية جدا جدا

http://www.kia-world.net/wp-content/...ato-2009-1.jpg

http://www.kia-world.net/wp-content/...-australia.jpg

http://www.kia-world.net/wp-content/...kia-cerato.jpg

http://www.kia-world.net/wp-content/...a-interior.jpg
21-03-2009, 04:43 PM
Eng.Sameh

اللون الأبيض في العربية دي ، مع فاميه دارك ، حاجه تخبل:Copy of majd(4):
http://www.icars.sg/wp-content/uploa...-forte-001.jpg
http://www.crankshafted.com/upload/f...white-chop.jpg
21-03-2009, 05:09 PM
Eng.Sameh

بس للأسف لو نزلت بالأسعار دي هتموت وسط المنافسين ، وفعلا كبيرها قوي يبقى الهاي لاين ب 110000
21-03-2009, 05:48 PM
fahd_628

لما نشوف حتنزل بكماليات عاملة ازاى ؟

يارب عربية فى مصر تنزل بنفس الكماليات بتاعت برة
21-03-2009, 06:52 PM
nav man

انا شايف انها شبة السيتي اوي صح.انا معترف ان لازم الحلو ما يكملش 130000:_Alshmokh11:
21-03-2009, 08:20 PM
Nile Heart

130 الف عفريت يركبوهم!!

العالم بيفلش ودول جايين يقولوا 130

دى أخرها 105-110 وتبقى كتير كمان
21-03-2009, 08:30 PM
Rsarabia

شبه الهوندا سيتى الجديدة من قدام خااااااااااالص
22-03-2009, 12:58 AM
conc

اقتباس:

المشاركة الأصلية كتبت بواسطة Nile Heart

130 الف عفريت يركبوهم!!

العالم بيفلش ودول جايين يقولوا 130

دى أخرها 105-110 وتبقى كتير كمان

هو ايه اللي مزعلكوا اوي كده الراجل بيقول حتبدا من 95 والالنترا بتبدا من 92 بتهيالي تستاهل اكتر من الفرق ده بكتير وبعدين اللي ب130 دي بشاشات وفتحه وجنوط و.............................
22-03-2009, 02:43 PM
Ghamrawy

أعتقد انها حاتفضل بالسعر ده فترة معينة)new arrival) و ليكن مثلا لمدة 6 شهور و بعد كدا حاتلاقى السعر ريح شوية
22-03-2009, 03:39 PM
amirhamed

مش كتير السعر ده في الازمه اللي احنا فيها
22-03-2009, 03:50 PM
M.Osman

بصراحة شكلها تحفة تحفة ...
بس لو 130 الف دا السعر الحقيقي يبقى كتير...110 كحد اقصى هي اللى هتكسب السوق
22-03-2009, 06:04 PM
khaled nada

العربية غالية ان ترخص شوية
22-03-2009, 07:06 PM
som3aa

الصراحة انا مش فاهم اساسا الناس اللى بتقول العربية غالية و 130 كتير بيقولوا كدا على اساس ايه؟؟؟؟؟؟؟
هو التوكيل لسه اعلن اساسا كمالياتها؟؟؟
لما نعرف نازل فيها ايه و سعرها بشكل رسمى نبقى نقول كتير انما مش نقول كتير قبل حتى ما نعرف اى حاجة عنها!!!
22-03-2009, 08:06 PM
horas3000

و الله يا جماعة انا مش عارف اقول ايه. انا روحت شفت العربية دي في توكيلها هنا في الكويت و ركبت الهاي لاين و اللي سعرها كان حوالي 4,600 دينار (حوالي 92,000 جنية) وده معناة ان سعرها في مصر منطقي خصوصا مع الجمارك بس المشكلة انها معجبتنيش خالص الابواب كانت خفيفة اوي لدرجة انها اترزعت جامد مع اني زقتها زقا عادية جدا و صاجها طبعا حدث و لا حرج لكن الحق يقال العربية من جوه رهيبة خصوصا الطبلون و الفرش الجلد اللي كان فيها بس برضو مكيفتش بصراحة و نفسي شالت منها
22-03-2009, 08:54 PM
tmedhat

حقيقى شكلها حلو جدا
بس السعر غير منافس بالمرة
23-03-2009, 01:04 PM
adhamsabry51

السيراتو الجديدة وصلت

انهاردة شوفت السيراتو الجديدة بس لسه في المنطقة الحرة و كانت لسه طالعة علي الميناء العربية يا جماعة حقيقي شكلها تحفة فنية و المفتاح بتاعها زي بتاع الباسات بالمللي و ليها دراع من جوة الشنطة علشان تفرد ظهر الكنبة و توسع مساحة التخزين بس طبعا معرفتش اصور حاجة بس بجد مبروك علي اللي حيشتريها و الله يباركله فيها بس مش عارف السعر حيبقي ايه بالضبط الراجل كان بيقول انها اكيد حتبدا من بعد ال 100000
23-03-2009, 01:33 PM
adel1414

والله هى خرافة فعلا..بس السعر واللى هو مش عالى اوى حيحطها فى مقارنات كتير اوى فى حدود السعر دة
23-03-2009, 03:47 PM
kareemhisham

كلنا مستنيين يوم الخميس الهايعلن فيه التوكيل عن السيارة و اسعارها و كماليتها و سعتها نبقا نشوف
23-03-2009, 06:12 PM
ahmad7610

اقتباس:

المشاركة الأصلية كتبت بواسطة nav man

انا شايف انها شبة السيتي اوي صح.انا معترف ان لازم الحلو ما يكملش 130000:_Alshmokh11:

-
فعلا فى الحقيقة شفتها نبيتى .. تقريبا نفس حجم السيفيك .. الالنترا أكبر أعتقد
27-03-2009, 08:42 AM
NExt

ياتري ايه اخر الاخبار ؟
27-03-2009, 11:29 AM
momomania22

ايه اخر الاخبار ياناس؟؟؟؟
27-03-2009, 12:03 PM
kareemhisham

ياريت يا جماعة حاد يكلم Eim يعرفلنا اخر الاخبار ,, بس بلاش بتاع المعادى عشان مش بيبقا فاهم حاجة
27-03-2009, 01:27 PM
Hosam_Optrawy

ياجماعه انا اتصلت بيهم وقالولى احنا معندناش اى معلومات لسه
ومن المحتمل انها تنزل شهر 5
27-03-2009, 02:41 PM
engineercomm3

قال 130 قال يبقى يقابلونى
كان فى ناس كتير قوى مستنيين العربية دى بس كده خلاص
خلوووووووووووووها تصدى
27-03-2009, 02:58 PM
kareemhisham

اقتباس:

المشاركة الأصلية كتبت بواسطة Hosam_Optrawy

ياجماعه انا اتصلت بيهم وقالولى احنا معندناش اى معلومات لسه
ومن المحتمل انها تنزل شهر 5

دة على كدة موقع كونتاكت كارز دة بيفتى من عنده ,,, و على فكرة ممكن تفتحوا الاهرام السيارات الناهردة و هاتلاقوا ان مفيش اعلان مش حاطط السيراتو الجديدة
27-03-2009, 03:05 PM
midnightman_74

فى اعلان فى اهرام الجمعة انهاردة 27-مارس من جابر عبد الشهيد
27-03-2009, 03:14 PM
marawansabry

دي الخليجي ميش تبع الوكيل

جابر عبد الشهيد بقالة كتير بينزل اعلانات النيو سيراتو ، بس طبعا خليجي ميش جو الضمان ولا تبع نصير خالص ... وبعدين امال فضلوا يقولوا يوم 26 مارس الحفلة بتاعت تقديم العربية النيو سيراتو .. كل دة كان خدعة ولا اية .. فشوش يعني .. بيجسوا نبض الشارع مثلا .؟ والله عالم السيارات مليان خدع وحجات كتير ..
:I_angr1[1]:
27-03-2009, 03:36 PM
masryxt

مافيش جديد لسة؟؟؟؟؟؟؟؟؟؟؟؟؟؟؟
27-03-2009, 11:14 PM
zizoyouo

موقع كونتاكت ما بيحطش الاسعار الحقيقيه ودي سياسه يعني لو نزلت السوق هتلاقي اسعار تانيه وعروض تانيه بس برده خليها تصدي والعربيه سعرها مبالغ فيه لان اي واحد هيفضل عليها a4 او الهوندا سيتي واللانسر شارك هاف
01-04-2009, 03:26 PM
adhamsabry51

يا جماعة مش حتلاقوها في اي معرض لأن الشركة منتظرين ان الشكل القديم يخلص بس هي العربية موجودة في المنطقة الحرة في العامرية و في الميناء بتيجي كتير و انا شفتها في المكانين بس محدش لسه عنده فكرة عن السعر يعني هي كلها اجتهادات اللي يقول حتبدي من 95000 و اللي يقول 100 محدش عنده خبر اكيد
01-04-2009, 03:35 PM
NaderNabil

اقتباس:

المشاركة الأصلية كتبت بواسطة adhamsabry51

يا جماعة مش حتلاقوها في اي معرض لأن الشركة منتظرين ان الشكل القديم يخلص بس هي العربية موجودة في المنطقة الحرة في العامرية و في الميناء بتيجي كتير و انا شفتها في المكانين بس محدش لسه عنده فكرة عن السعر يعني هي كلها اجتهادات اللي يقول حتبدي من 95000 و اللي يقول 100 محدش عنده خبر اكيد

يا باشا انت كنت مسافر بره اليومين اللي فاتوا دول ولا ايه ؟:,:

العربية نزلت في مصر خلاص و أسعرها اتحددت و التسليم الإسبوع اللي جاي و موجودة في معارض كيا كلها دلوقتي!!!

بص بصه علي قسم كيا و انت تشوف كل حاجة
02-04-2009, 10:15 AM
adhamsabry51

ياخبر شكلي كده مكنتش متابع كويس