عربيتى أخرها 210 وصحبى 240 أية السبب

عرض للطباعة

21-03-2009, 03:31 PM
0105365

عربيتى أخرها 210 وصحبى 240 أية السبب

السلام عليكم عندى مشكلة محيرانى
أولا أنا معايا جولف 2 فيها موتور 2e
2000cc 8v
وفتيس 2Y
ومغير التنك وركبت تانك جولف3 وطرمبة كبيرة بتطلع 6 بار
لما بسافر بيها أخر الموتور 210

وفى واحد صحبى معاة جولف 2 وفيها نفس الموتور ونفس الفتيس
سقتها أولا بحس ان سرعة أستجابتها أسرع
ثانياً سقتها جبت 220 وكان لسة فى الموتور يجيب كمان
وهو عندوا طرمبتين وبيطلعوا 4 بار

بجد ياشباب أنا زهقت من العربية دى حد يقلى أية المشكلة مع العلم أحنا الأتنين نفس الدسك والأسطوانة
العربيتين نسختين من بعض معادا أختلاف الجنوط أنا جنطى 205/50/15
وصحبى 195/65/14
ياريت حد مختص يحلى المشكلة دى انا بحس أنى برمى فلوس فى الأرض
:Copy of majd(4):
21-03-2009, 03:50 PM
samirayad

واضح أن الجنط عندك أعرض.......و أكبرفى القطر علشان أنت 15 وزميلك 14 .....وهو ده السبب ليس الا ذلك..............وأنصحك بالتروى فى القياده
21-03-2009, 04:04 PM
0105365

أولا يا باشمهندس شكراً على سرعة رد حضرتك بس
هى ممكن تفرق فى أستجابة العربية
لكن ما أظنش تفرق فى نهاية الموتور
21-03-2009, 05:57 PM
fahd_628

حالة الموتور تفرق برضة و نوع البنزين و ال Exhaust ممكن يكون مركب كيت مثلا و ال Intake ممكن يكون مركب فلتر سبور و ممكن يكون مركب اسلاك سبليت فير و بوجيهات و حاجات كتيير ممكن يكون فية فرق فيهم
21-03-2009, 06:00 PM
0105365

لأ مش مركب حاجة علب الشماكن الأتنين واحد وعو مركب عمة وانا مركب فلتر أسبور
ومفيش سلوك ولا بوجيها كلوا زى بعض

طاب أنا عايز أقول حاجة
أنا سعات لما باجى أكبس على دواسة البنزين بحس ان الموتور غول
وسعات تانية أحسن أنها موتور عادى
عند صحبى علطول صوت الموتور غول
مع أنى أنا مركب فلتر أسبور؟؟؟
21-03-2009, 06:05 PM
MoMohsen

يا باشا اكيد اختلاف الجنط بيأثر على قراءة العداد بمعنى انك ممكن تكون ماشى على 220 او اكتر لكن العداد عندك قرائتة مش مظبوطة ودة لسبب ان القراءة بتاعت العداد معمولة على الحاله الاستندارد للعربية بمعنى انها ممكن تكون نازلة بمقاسr14 180/85 مثلا لكن انت لما غيرت المقاس اختلفت عوامل كتير من اهمها المساحة اللى بيشغلها الكاوتش على الارض و بالتالى التماسك.
21-03-2009, 06:08 PM
0105365

ماشى بس أنا بقول أن القراية فى العداد عندى 210
وعند صحبى 220 ولسة فية فى الموتور يجيب كمان
فاهم قصدى
21-03-2009, 06:14 PM
MoMohsen

يعنى هو الاختلاف فى السرعة نتيجة ان العداد اخر مؤشرة 210 ولا ان الموتور مش قادر يجيب اكتر.
21-03-2009, 06:14 PM
samirayad

التقييم الكيلومترى أساسا بيعتمد على أشارة الفتيس لعداد الرحلات والكيلومترات .......وطبعا بناءا على بعد محور نقل القدره الى الأرض.......ونظرا لأن الجنط عندك أكبر فهنا بيزداد السنتر لاين بتاع محور النقل للأرض عندك عن زميلك ......دا غير عرض الجنط عندك اللى بيمثل قوه مقاومه أضافيه من الطريق بتقلل من قيمة العزم المنقول والتى تنعكس بالسلب على السرعه النهائيه....................
_ بس عندك فيه ميزه أكبر ....وهى الثبات على السرعات بسبب زيادة قوة التماسك عندك بين الجنط والطريق ......وممكن تكون قريبه من النسبه اللى عند زميلك بسبب كبرقطر الجنط قليلا ....ولكنى أميل الى أنا الثبات عندك أكبر ( أصلها عملية نسبه وتناسب .....بس عرض الجنط بيكون له الغلبه فى عملية الثبات ....وأعتقد الثبات عندك حيكون برضه أكبر )
21-03-2009, 06:19 PM
0105365

أوك شكراً يا بشمهندس
طاب صوت الموتور

أنا سعات لما باجى أكبس على دواسة البنزين بحس ان الموتور غول
وسعات تانية أحسن أنها موتور عادى
عند صحبى علطول صوت الموتور غول
21-03-2009, 06:32 PM
samirayad

اقتباس:

أنا سعات لما باجى أكبس على دواسة البنزين بحس ان الموتور غول

حلوه حتة غول دى......هو الموضوع ليه أبعاد كتير لأن مش ممكن تكون حالة المكن ولا الفتايس واحده .....وهنا حنستبعد حتة عادات القياده على أساس القائد واحد وهو سعاتك
...........بس أعتقد أن الحاله اللى بيكون الموتور عندك غول ساعتها .....بتكون طالع بالعربيه زى نظام الكيك داون مثلا ....وبيدخلوا ال6 بار بتوع طلمبة الزيت مره واحده....ويمكن تكون الطلعه كمان عندك أقوى ساعة التسارع......بس فيه جانب سلبى أن الفتيس عندك ممكن يكون بدأ يتعب شويه (لأن الطلمبه كبيره عليه )...........................واعتقد أن عربية صاحبك على أبوها بالنسبة لضغط زيت الفتيس ومتغيرش فيها حاجه ( مش عارف كلامى صح ولا لا .....علشان نفكر تانى )............مع الأشاره أن الموتور عندك لما بيكون عادى و بتكون مش عامل نظام الكيك داون مثلا على أساس هريت التورك كونفرتر شويه من كتر الكيك داون وضغط الطلمبه الزياده...........هذا والله أعلم
21-03-2009, 06:39 PM
3mr Farrag

يمكن موتورك 8 فالف
وصاحبك 16 و محدش اخد باله:M_yes[1]:
21-03-2009, 06:49 PM
samirayad

هو الزيت اللى خارج من طلمبة الفتيس .....أكيد فيه جزء منه بيروح لشغل الtorque converter ....وجزء لكلاتشات تعشيق مراحل نقل السرعات المختلفه (الكميه اللى باقيه من ضغط الطلمبه )......وعلشان كده ممكن تكون كلاتشات التعشيق بدأت تتعب عندك شويه وتتبرى بعض الشىء (بسبب ضغط الطلمبه الزائد )....لأنك أخليت برضه بالناحيه التصميميه للفتيس ...................
21-03-2009, 07:06 PM
0105365

بصراحة أبقى كداب لو قلت فاهم
بس الفتيس عندى سليم ومفهوش اى مشكلة
وأنا مانيول مش أوتو ماتك ولما بقول صوت غول دى بكون العربية واقفة مش ماشية
والعادى برضوا بتكون واقفة
يعنى بزود بنزين
وأنا مش من النوع الى بيفرك فى الطلعة
21-03-2009, 07:24 PM
samirayad

دا الواحد عك بقه على الآخر.................يعنى الطلمبه دى طلمبة البنزين ..........وزميلك عنده طلمبتين بنزين...:Copy of majd(4):..معلش أهو أحنا بندردش على مانصل للصح.........................وأعتقد كده حتكون الأسباب أختلاف الكاوتش .....وبرضه مش ممكن تكون حالة المكن واحده .....وكمان حالة الدبرياش صعب يكونوا أسطمبه واحده برضه
21-03-2009, 08:01 PM
0105365

طاب موتورى موديل 94 ولسة مسقطة ما بقلوش كام شهر هو موتورا بقالة 4 سنين فى العربية أو أكتر

طاب معلش فى حاجة زى حساس كدة تحت المانفول دى بتاع أية ومش متوصل بحاجة يعنى وصلة بسلك وبس
بس غرقانة زيت ووساخة
طاب ممكن يكون السبب فى كدة الرشاشات عايزة تنضف مع أنىكل فترة بحط منظف رشاشات فى التانك
وكمان عندى مشكلة فى الموتور دى لما بكون واقف سرانسية الموتور لازم يغلط يغلط يعنى تحس انة بيقطع بس بسيط
21-03-2009, 08:32 PM
samirayad

اقتباس:

طاب معلش فى حاجة زى حساس كدة تحت المانفول دى بتاع أية ومش متوصل بحاجة يعنى وصلة بسلك وبس
بس غرقانة زيت ووساخة

فى الغالب ده سندر ضغط الزيت اللى رايح للمبة تحذير ضغط الزيت بالتابلوه

اقتباس:

طاب ممكن يكون السبب فى كدة الرشاشات عايزة تنضف مع أنىكل فترة بحط منظف رشاشات فى التانك

هى الرشاشات بتتعبك فى الداوره ولا حاجه

اقتباس:

وكمان عندى مشكلة فى الموتور دى لما بكون واقف سرانسية الموتور لازم يغلط يغلط يعنى تحس انة بيقطع بس بسيط

يعنى الصوت بعللى ويوطى مثلا بتاع المكنه (أصل ده ممكن نجمعه مع موضوع الرشاشات برضه )....دا غير نظافة بلف الأيدل اللى ممكن تعمله
21-03-2009, 08:36 PM
0105365

بص يا باشا هى مش بتعلى وتوطى هى بتحس انها بتفتف فى السرانسية أنا عارف لو يعلى ويوطى بيبقى عيب أيدل
طاب استأذنك تعرف حد بيفهم كويس فى المكن دى أروحلة أخلية يكشف علية
21-03-2009, 08:40 PM
samirayad

لازم يا أخى تقول على مكان أقامتك.......وأى زميل سيوجهك الى أنسب مكان ...................
21-03-2009, 09:14 PM
0105365

أنا فى مصر الجديدة
21-03-2009, 09:47 PM
tmedhat

ركب الجنوط بتاعتة عندك و جرب
لو تقدر
و قولنا عملت اية
21-03-2009, 09:59 PM
zalpany2000

احم ....
عذرا يا شباب
هو انا عندي سؤال صغير جدا
حضرتك بتجيب ال 210 كيلو دول فين ؟؟؟ في أنهي حلبة سباق يعني

انا فعلا باستغرب لو حضرتك مش خايف علي العربية ، ولا علي روحك، خاف علي اللي حواليك.

يا اخي الكريم .. انا كمان باجري بالعربية - 130 120 ...يعني بس اصل 210 دي مش سرعة عربية انت كده محتاج قضيبين وخط سكة حديد من بتاع ال TGV الفرنساوي

ده بس بدافع الخوف علي سلامة حضرتك، وبعدين لو عايز تختبر العربية يا ريت تجربها في dyno علي السرعات العالية دي
تحياتي
و ارجو تقبل كلامي برحابة صدر
21-03-2009, 10:05 PM
PoweRPassioN

اقتباس:

المشاركة الأصلية كتبت بواسطة tmedhat

ركب الجنوط بتاعتة عندك و جرب
لو تقدر
و قولنا عملت اية

اتفق معاك تماما
ودا قبل ما دماغك تروح لميت حاجه غيرها:B4_556:
21-03-2009, 10:19 PM
mrghost

اقتباس:

المشاركة الأصلية كتبت بواسطة samirayad

التقييم الكيلومترى أساسا بيعتمد على أشارة الفتيس لعداد الرحلات والكيلومترات .......وطبعا بناءا على بعد محور نقل القدره الى الأرض.......ونظرا لأن الجنط عندك أكبر فهنا بيزداد السنتر لاين بتاع محور النقل للأرض عندك عن زميلك ......دا غير عرض الجنط عندك اللى بيمثل قوه مقاومه أضافيه من الطريق بتقلل من قيمة العزم المنقول والتى تنعكس بالسلب على السرعه النهائيه....................
_ بس عندك فيه ميزه أكبر ....وهى الثبات على السرعات بسبب زيادة قوة التماسك عندك بين الجنط والطريق ......وممكن تكون قريبه من النسبه اللى عند زميلك بسبب كبرقطر الجنط قليلا ....ولكنى أميل الى أنا الثبات عندك أكبر ( أصلها عملية نسبه وتناسب .....بس عرض الجنط بيكون له الغلبه فى عملية الثبات ....وأعتقد الثبات عندك حيكون برضه أكبر )

الله ينور كلام سليم 100%
21-03-2009, 10:23 PM
samirayad

اقتباس:

المشاركة الأصلية كتبت بواسطة mrghost

الله ينور كلام سليم 100%

وعليك ياهندسه........دا أنت غيرت النظام خااااااالص.......يادوب عرفتك من الأسم والعربيه
21-03-2009, 10:25 PM
pro_samir

قد يكون المكنة عندك فعلا محتاجة تتظبط والأفضل تروح مركز خدمة تشيك عليها وعلى موضوع الرشاشات
بالأضافة زى ما الرجالة قالو ان فرق مقاس الجنط بيفرق فى قراية العداد للسرعة النهائية
22-03-2009, 08:21 AM
0105365

طاب التفتفة فى السرانسية دى من أية
أنا لسة مغير سلوك وبوجيهات والشكوش
وبرضوا لسة فى تفتفة
22-03-2009, 08:22 AM
0105365

فين مركز خدمة بيفهم مش فتى وخلاص
22-03-2009, 11:17 AM
ahmad5997

اقتباس:

المشاركة الأصلية كتبت بواسطة tmedhat

ركب الجنوط بتاعتة عندك و جرب
لو تقدر
و قولنا عملت اية

+111111111 اتفق معاك
وكمان اتأكد ان مافيش اي اوزان عندك زيادة عنه وانك فولت عربيتك من نفس البنزينة اللي هو بيفول منها
لو بعد كل ده لسة في فرق ابقي قيس كبس الموتورين
22-03-2009, 12:09 PM
M.Mokhtar

معلش انا عندى استفسار بعيد شوية عن الكلام اللى اخواتى الكبار سألوا عليه

انت بتقول عندك فلتر اسبور
انت عامله Short Ram Intake ولا Cold Air Intake ؟؟؟؟

وشرح الفرق بينهم مش هلاقى احسن من شرح اخويا الكبير ممدوح

اقتباس:

المشاركة الأصلية كتبت بواسطة MMamdouh

فى حاجة احب اضفها للموضوع و هو مكان تركيب الفلتر... لو ركبت الفلتر فى حوض الموتور دا بيبقى اسمة Short Ram Intake و دة ميزته انة بيبقى قصير و المقاومة فيه قليلة و بالتالى بيدى تنفس احسن للموتور على لفات عالية بس عيبة انة صوتة عالى شوية و بيسحب هواء سخن من الحوض و الهواء السخن مش بيدى اداء كويس للموتور خصوصا لو انت فى الصيف و مشغل تكييف و الساعة 2 ظهرا

لو الفلتر راكب فى الفراغ اللى داخل الاكسدام و بياخد هواء من فتحة الفوج لايت دا اسمة Cold Air Intake و دة بيعالج موضوع الهواء السخن اللى بيعيب النظام الاول بس طبعا هو له عيوب برضة اهمها ان الفلتر حيتوسخ اسرع نظرا لانة عرضة لكل الاتربة و الاوساخ بشكل مباشر

انا شخصيا ببدل بين النظامين فى الشتاء و الصيف لتحقيق اكبر استفادة اما عن الانواع فا على القمة K&N و Simota و بعد كدة فى انواع تانية و حاجات صينى... انا جبت واحد من الصينى كا تجربة و بعد سنة و نص شغال زى الفل

متجبش الانواع اللى بتبقى سلك بس لان الجو هنا كلة تراب و السلك مينفعش معانا... برضة ابقى حط زيت على عنصر التنقية بتاع الفلتر لتحسين كفائة الترشيح فية اذا مكنش معاة الزيت بتاعة

MMamdouh

وبما ان اغلب اللى بيركب فلتر اسبور بيعمله Short Ram Intake
اعتقد ممكن ده يكون سبب انك ساعات بتحس ان صوت الموتور غول وساعات بتحسه عادى
22-03-2009, 04:44 PM
mtageldeen

اقتباس:

المشاركة الأصلية كتبت بواسطة zalpany2000

احم ....
عذرا يا شباب
هو انا عندي سؤال صغير جدا
حضرتك بتجيب ال 210 كيلو دول فين ؟؟؟ في أنهي حلبة سباق يعني

انا فعلا باستغرب لو حضرتك مش خايف علي العربية ، ولا علي روحك، خاف علي اللي حواليك.

يا اخي الكريم .. انا كمان باجري بالعربية - 130 120 ...يعني بس اصل 210 دي مش سرعة عربية انت كده محتاج قضيبين وخط سكة حديد من بتاع ال TGV الفرنساوي

ده بس بدافع الخوف علي سلامة حضرتك، وبعدين لو عايز تختبر العربية يا ريت تجربها في dyno علي السرعات العالية دي
تحياتي
و ارجو تقبل كلامي برحابة صدر

والله أنا كنت داخل أقول كما قلت

الحقيقة عنوان الموضوع نرفزني

يا أخي من غير زعل الموضوع كله خوف عليك وعلي من حولك

والدين النصيحة.
22-03-2009, 06:35 PM
0105365

شكراً بس أنا مش بجرى علشان الجرى أنا بجرب الموتور وبس مش معقولة هامشى علطول كدة أنا عايز بس أكون مطمن على فلوسى وبس
ولما بجرى بجرى وأنا مسافر وبليل على 4 أو 5 الفجر فى طرق سفر بس
وشكراً ياشباب على النصيحة
:vctry:
23-03-2009, 10:31 AM
karimone

اكيد انت استعمالك للعربيه غير استعمال صديقك

كمان مستحيل العربيتين و الماكنتين يدوا نفس الاداء بعد هذا الوقت الطويل... أكيد كبس الموتورين مختلف هو ده اللي بيخلي في فرق في سرعة العربيتين...
23-03-2009, 10:44 AM
M.Mokhtar

شوفت موضوع الفلتر الاسبور؟
23-03-2009, 11:06 AM
M.Mostafa80

مش أفترى شويه 210 و220 ياجماعه أتقو الله فى نفسكم على السرعات دى تحكمكم فى العربيه بمقدار 0%
23-03-2009, 12:08 PM
ezz2006

اقتباس:

المشاركة الأصلية كتبت بواسطة 0105365

أوك شكراً يا بشمهندس
طاب صوت الموتور

أنا سعات لما باجى أكبس على دواسة البنزين بحس ان الموتور غول
وسعات تانية أحسن أنها موتور عادى
عند صحبى علطول صوت الموتور غول

هل نوعية زيت الموتور واحدة؟
جرب زيت شيل
وخلي بالك من السرعة
02-06-2009, 12:50 AM
mahmood_125

بص ياباشا معروف ان كل مالكاوتش يكون اعرض واكبر بيكون معامل الاحتكاك بين الكاوتش والارض اكتر
فاكيد السراعة بتقل لان معامل الاحتكاك اكبر من عربية صاحبك وكمان انتا بتتكلم فى فرق 20 كيلو بس
وكمان انتا لو بصيت لثبات عربيتك هتلاقى انها ثابتة اكتر من عربية صاحبك فى الدورنات على سرعة عالية
بس نصيحة برضه خالى سواقتك اهدا من كة بشوية عشان سلامتك