الحمد لله ربنا سترها معايا

**khaledazizeg** · 21-03-2009 04:54 PM

اولا السلام عليكم ورحمة الله وبركاتة

انا انهاردة حبيت احكى موقف سخيف جدا حصل معايا انهاردة وداه للنصيحة فقط
انا انهاردة كنت ماشى فى طريق مصر الاسماعيلية الصحراوى وماشى على الشمال والطريق كان فاضى وكنت ماشى على 110كم\س ولاقيت اتوبيس شركة كان ماشى جنبى على يمينى
وفجأة حدف عليا جامد تقريبا كان نايم وفقد السيطرة على الاتوبيس لغاية اما طلع على الرصيف والحمد لله العربية انقذتنى داه بعد ستر ربنا طبعا
دوست فرامل على الاخر ماشاء الله العربية وقفت فى خلال 3 ثوانى والحمدلله ان مكانش فيه حد ورايا
بعد كدة اما فوقت من الموقف لأنى ركنت لغاية اما هديت لأن ركبى سابت خالص وكنت بترعش من الموقف لأنى كنت شايف الموت بعينى وبعد كدة حمدت ربنا انى طلعت سليم وبعد كدة حمدت ربنا ان معايا العربية الfrv الى انقذتنى من الموت
بجد عربيتى عليت فى نظرى أوى وحبيتها أوى بعد الموقف داه
ربنا يحميهالى
ويارب استرها معانا كلنا يارب
علشان بس الناس الى بتهاجم وخلاص
يعنى انا لوكان معايا اللانوس كان زمانى اتهرست وبقيت عجينة والا كان هينفعنى عربية ليها سمعة والا حتى واخدة 35 نجمة فى الكراش تيست
الحمد لله وسائل الامان ممتازة فى عربيتى
ويا جماعة احب انصحكوا ابعدوا خالص عن الاتوبيسات حتى لو كانت على يمينك او حتى شمالك

**dony_mdandesh** · 21-03-2009 06:41 PM

alf 7amdelah 3ala elsalama w rabena yostor.

**eslam_wega** · 21-03-2009 06:45 PM

الف حمدلله على السلامة يا خالد
الحمدلله ربنا سترها معك وكله بفضل ربنا ثم نظام ال abs الى فى الفرامل
وحمدلله على السلامة مرة تانية

**smax** · 21-03-2009 07:06 PM

حمد الله علي سلامتك و ربنا يستر علي الجميع.

**babaro500** · 21-03-2009 07:08 PM

الحمد لله انك بخير

**M.Alshafie** · 21-03-2009 10:40 PM

اولا حمد الله على سلامتك يا خالد باشا و الحمد لله ربنا ستر عشان بس يعرفوا ادى العربيه اللى كانوا بيشككوا فيها انا بقى حصل موقف لواحد صاحبى اوحش شويه
ليا واحد صاحبى شاف معايا العربيه و عجبته و واحد صاحبه بيشترى عربيه فنصحه بالfrv و بعد ما جابها باسبوع على الصحراوى ترله زنقت عليه بس اظاهر هو ما عرفش يتصرف دخل فى التراب اللى فى النص و الترله داست على النص اللى ورا طبعا انا قاللى كده بصراحه جسمى اشعر بيقوللى النص اللى ورا ضاع خالص
بس خللوا بالكوا دى ترله يعنى و لا بى ام تقف ادامها دى اسد الطريق

**khaledazizeg** · 21-03-2009 11:17 PM

عربيتى اتخبطت انهاردة
واحد ربنا يكرمة وانا كنت فى الزحمة طلعت عربية فجأه فدست فرامل جامد الحمد لله ربنا سترها
بس الى حصل بقى انى سمعت صوت كسر ازاز
بصيت لاقيت عربية شاهين تاكسى رزعت فيا من ورا
والاضرار عندى الحمد لله خدوش بسيطة
بس عنده اتكسر الفانوس الشمال والاكصدام الامامى والشبكة بتاعتة فالحمد لله حصل خير وربنا ستر وحمدت ربنا ان عربيتى ماشاء الله جامدة
وربنا يسترها علينا كلنا

**khaledazizeg** · 21-03-2009 11:51 PM

انهاردة كان يوم زى الفل
الصبح تحصلى مشكلة الاتوبيس ومن شوية تخبطنى العربية
الحمد لله كله خير
بس بجد انا لما سمعت صوت ازاز قلبى وقع فى رجلى وقلت العربية بتاعتى اتضمرت نزلت ابص لاقيت الحمد لله جروح بسيطة
بس بصراحة الشاهين اتضمرت وبصراحة هوا يستاهل لأنه كان لازق فيا

**Mostafa Hessen** · 22-03-2009 12:03 AM

الحمد لله

حمدلله عى سلامتك ألف مليون سلامة عليك

ربنا يباركلك فى صحتك وفى عربيتك

انت تصلى ركعتين شكر لله وتحمده

وربنا يحمينا ويحميك ويكفينا شر الطريق