السلام عليكم ورحمه الله و بركاته
منذ قديم الازل و الناس فى اختلاف فى الموضوع دا
بعضهم يختار لما ترضاة نفسة و بعضهم للاصل و الاخلاق و الدين حتى لو لم ترضاة نفسة
حبيت اعرف رايكم لانى فعلا محتار:N_no[1]:
عرض للطباعة
السلام عليكم ورحمه الله و بركاته
منذ قديم الازل و الناس فى اختلاف فى الموضوع دا
بعضهم يختار لما ترضاة نفسة و بعضهم للاصل و الاخلاق و الدين حتى لو لم ترضاة نفسة
حبيت اعرف رايكم لانى فعلا محتار:N_no[1]:
لازم الاتنين يافندم
ما ترضاه نفسك و ما يرضاه الدين و الاخلاق
احنا بشر مش ملائكة علشان نغفل جانب النفس و ما تهوى فى شريكة العمر و نهتم بالاخلاق بس...
و طبعا ما تهواه النفس بس دون الاهتمام بالاخلاق خطر و غير مأمون العواقب
الفكرة كلها فى رأيى ان بس الواحد بيبقى مستعجل
تول ما يلاقى الطرف الاخر فى جزء من مما يتمناه
ينطلق فى الموضوع على الرغم من انه شايف ان في حاجات كتير
مهمة بالنسبة له مش موجودة فى الطرف الاخر..
ده فى رأيى خطأ...لازم يكون كل طرف لديه نسبة 70-80%
ما يريده الطرف التانى..كلامى هنا للجنسين على حد سواء
لأن دى مش هتبقى رحلة كام شهر و خلاص
ده عمرك كله و حياتك كلها...
يعنى مجمل القول زى ما سمعتها مرة
مش تتجوز حد تقدر تعيش معاه...اتجوز حد متقدرش تعيش من غيره
هى بس عايزة صبر و دعاء كتير لربنا و ان شاء الله كل واحد يلاقى الى ميقدرش يعيش من غيره...بس أهم حاجة الصبر
طبعا ده رأيى الشخصى و فى ناس كتير ليها أراء مختلفة و هما
ماشيين بيها...و كل رأى ليه احترامه
و ع>را على الاطالة
ما ترضاه النفس وايضا الدين و العقل و الاخلاق
بس حضرتك هى نسبة و تناسب ..
بمعنى إن حضرتك ممكن تتنازل عن كام صفة عشان فى كام صفة أحسن و أهم ..
و فى الأخر حضرتك بتيجى تتجوز هتشوف واحدة هتعجبك حتى لو إيه و هتنسى الكلام ده كلو :Copy of majd(4):
أكيد لازم الأتنين مع ان دة صعب جدا
لو مكانش يبقى على الأقل بشرط الدين والأخلاق واللى ترضاة بعقلك بس بشرط وجود القبول والراحة النفسية لأن دة اللى ممكن يعمل الحب ، وغالبا دة اللى بيحصل فى معظم الأحوال
أما لو خدت حد عاجبك وخلاص بغض النظر عن الباقى تأكد انك هتتعب ، بمجرد ما الأعجاب دة تتعود علية مش هيبقى فى أى سبب يدعوك للأستمرار ومش هيفضل غير السلبيات اللى انت تجاهلتها علشان الأعجاب
مش هاتلاقى الاتنين مع بعض
بص يا سيدي .. الخلاصه :
لما تيجي تتجوز خد بنت الاصول و اسال عن العائلات و تكون حاجه اقرب الي ال perfect .. هاشرح اكتر :
بتاخد واخده متدينه و تعرف ربنا و تعرف الاصول : بكده انت راضيت ربنا ..
انت ليك طلبات خاصه بالنسبه للمدام المستقبليه .. هاديه و ليها نظام معين في ترتيب حياتها و الخ .. اذا لاقيت كده يبقي انت كده راضيت نفسك ..
الناس ليها : السمعه الحلوه لعائله المدام المستقبليهو تعرف الاصول كويس .. بمعني : اذا تم الارتباط تمنع القيل و القال .. بمعني : بعد الارتباط مايتقالش عليك عيبه في حقك بسبب اختيارك ده .. بكده رضيت الناس ..
انا هاضيف بس بعض النقاط عاوزك تعرفها ..
الكلام من ورا ضهرك بيبقي كتير , و الناس عارفه عنك اكتر مما انت عارف عن نفسك .. و زيد عليهم اصحاب انفوس المريضه اللي بتحط الشطه و الملح بتاعها و بالتالي بتتحكم في سمعتك نسيباً ..
اذا كان فيه عيب في العيله اللي هاتناسب منا .. اصبحت منها .. بمعني اذا انا مثلاً ارتبطت بواحده عمها قتال قتلي .. تقدر تعتبره بالنسبه للناس عمك برضه.. و الكلام بيحرق ..
المهم بقي جداً : انك تختار شخص مناسب ليك .. لان اصحاب الشأن المباشرين هم العريس و العروسه .. و دول اللي هايتبني بيتهم او هايخرب .. فان مكانش حاجه مناسبه هاتلاقي العمليه اخذت منحني مش حلو ..
عاوز تعرف الشعب المصري كويس اقعد معاه و افهمه .,. هاتلاقيه بيشاور علي واحد واخد واحده اجنبيه و بيقول عليه : الحق شوف ..فلان اتجوز خواجايا .. قطعوا البنات في البلد رايح يتجوز من بره ولا بيتكبر علينا ؟؟ ولا يمكن بيتجوز علشان الجنسيه الاجنبيه و يسافر بره .. شوف القرد ..(ده ابسط مثل يقال ..)
الواحد احسن حاجه يدور علي واحده تكون ظروفها قريبه من ظروفه .. و تون مناسبه و عليه طيبه و دين و اخلاق و بنت ناس و محترمه .. و ربنا يكرم في الباقي :)
فأظفر بذات الدين
طبعا يا احمد ذات الدين و دا اساسى لا تراجع فية
بس احنا بنتكلم فى نقطة كان كل الى بيرشحولك من ذات الدين لكن بعضهم تقبلة نفسك و البعض الاخر لا
و طبعا كل انسان صفاته و احوالة غير التانى
فلو كان الطرف واخد 90% من المواصفات كتقييم عام
و موضوع انك كنت تتمنى من ترضاة نفسك ال 10% الباقية يعنى حتعمل اى؟
بص يا اخي الكريم لو تساوت الاراء اللي حواليك (بابا وماما واخواتك )علي بنت معينة وانت ميال لواحدة تانية اسمع كلام بابا وماما
لييييييييه
عشان هم شايفين اكتر منك
هم عندهم خبرة عنك
هم بيبصوا لحاجات وانت بتبص لحاجات تانية خالص
والشيخ يعقوب كان في حلقة مرة بيقول الكلام ده
ان الام بتبص مثلا علي ترتيب الشقة وترتيب البنت في تفسها وطريقة كلامها تصلح تبقي ربة اسرة ولا لا
والاب بيبص يشوف ابو البنت عرف يربي ولا لا من تصرفات اخواتها من نظرة من عين ابوها ليها من خجلها هي لو واقفة في القاعدة
انما انت لما تبص هتبص علي ايه
وعن تجربة خد اللي يختارها بابا وماما ( طبعا احنا متفقين ان الدين هو الاساس)
وربنا يوفق الجميع ويرزقك بانسانة مخلصة بنت حلال
راى انا بقى وهقولهولك بعاميه ومن غير ترتيب لازم تاخد البتحبها وبتحبك بغض النظر عن اى حاجا تانيا لانكو لو بتحبو بعض هتقدرو تغيرو كل حاجا مثلا انتا اخدت واحدا علشان بتحبها 90% بس عندها 10%بس دين بس بتحبو بعض هتقدر تخليها تزود فى الحته الدينيه النقصالها كتير وبالتالى هتبقى اخدت الحب والدين معا وربنا يوفقك
راى شخصى وعن تجربه وقابل للصواب والخطى
طاب احسن سن للجوز ايه من خبرتكم ؟؟؟
السن اللي تكون انت مستعد فيه للجواز .
على فكرة العيلة بتبقى عاوزة واحدة جميلة وأمورة عشان يتمنظرو بيهاا(شوفتو مرات ابنى حلوة وامورة ازاى )بس انتا اللى هتشيل الطين فى الاخر.يبقى تختار اللى نفسك بتستريحلها وتكون بتحبك ومالى عينيها لان الست اعتقد صعب انها تخلص لراجل لو شايفة فية انة مجرد راجل ولا ضل حيطة
ومتنساش تستخير ربنا
اكيد الاتنين بس لازم تحاول تقرب بينهم ممكن تتغاضى عن اشياء فى مقابل اخرى
وفى النهاية هو قسمة ونصيب
أستاذي, مع كامل احترامي لرأيك مفيش حد بيتغير عشان خاطر حد, صعب جدا ان لم يكن مستحيل, في الأول نار الحب بتخلي الطرفين يوعدوا بوعود هما الاتنين غير قادرين على تنفيذها فعليا ولكن زي ماقولتلك الحب بيبقى لسا سخن و الكلام الحلو مافيش أسهل منه, أول الحب مايهدى شوية- وده طبيعي ولازم حيحصل- بتلاقي كل واحد تراجع و غير قادر على التغير من أجل الأخر.
من الأخر خد واحدة فيها الصفات الي أنت بتدور عليها من الأول مش واحدة ماتنفعكش وتقول الحب هيغيرها. مابيحصلش عن أكثر من تجربة. تقبلوا جميعا تحياتي.
لو مالاقيتش الاتنين مع بعض انصحك ما تتجوزش
لو اخدت اللي عندها دين واخلاق ومش عجباك ، حطلع انت عينيها
ولو اخدت اللي عجباك ومعندهاش اخلاق حطلع هي عينيك
أخي الحبيب
أحب أن أنقل لك نصيحة محب في أمر الزواج
أولاً : اعلم أن بركة الله على الزواج أهم شئ وبركة الله تنال بطاعته
ثانيا : القصص والأفلام الرومناسية هي في الحقيقة خيالية وليست حقيقية فلا تتصور أنك ستعيش قصة حب قوية مثل التي ترها في الأفلام والقصص فلا تبني واقعك على الخيال
ثالثا : ليس معنى كلامي أن الحب غير موجود بين الأزاوج .الحب موجود بين الأزواج خاصة لو أن هناك تفاهم بينهم ولكن ليس بهذا الشكل الذي تراه في الكليبات والأفلام. أقول لك هذا لأن بعض الشباب من الجنسين يقول أنه لن يتزوج إلا بعد أن يعيش قصة حب عنيفة كالتي يراها ويسمع عنها
رابعًا : عندما تختار اختار من بين أهل الصلاح والخلق الحسن ومن بينهم اخنار من تميل نفسك إليها وعند الإختيار أحب أن أشير إلى أن مستوى القبول يكون واحد من هذه الثلاث
1- أن يكون مستوى القبول عندك عالي جدًا وفي هذه الحالة أقول لك أقبل بهذه الزوجة مباشرةً
2- أن يكون مستوى القبول منخفض جدًا أنك تجد في صدرك رفض شديد لهذه العروس وفي هذه الحالة أقول لك لا تقبل بالزواج بها
3- أن يكون مستوى القبول متوسط أي بين المنزلتين وفي هذه الحالة دع الإختيار لعقلك أي أنك تقيس مميزات وعيوب هذه العروس فإن رجح جانب المميزات فاقبل بها والعكس صحيح
طبعًا لا بد أن تكون العروس من أهل الصلاح والخير والأخلاق وإياك أن تختار بين أهل الفساد والفسوق
أرجو أن أكون قد وفقت في الاجابة عليك
ما ترضاه النفس وايضا الدين و العقل و الاخلاق
وبمناسبة الأهل طالما جبتم السيرة
كان في راجل بسيط (مطبعجي) بس كان حكيم قوي في كل اللي يقوله
قالي مرة لما بدأت أفكر أتجوز
قالي يابني ما تدورش على البنت اللي تعجبك وبعدين تدور على أهلها , إنما دور على ناس كويسين وشوف عندهم بنات وألا لا
بصراحة المقولة دي غاية في الجمال وواقعية جداً عملت بيها وماندمتش ولله الحمد
المسألة دي مهمة جدا وخطيرة جدا
دي عشرة عمر
ممكن يبقى فيه خطوات
.... والكلام ممكن يبقى للشباب والبنات على وجه سواء
1- الدين والاخلاق والسمعة الطيبة ..... دي مافيهاش فصال
2- لو لقيت واحدة فيها الصفات اللي فاتت ...يبقى تبدأ تشوف القبول ..... القبول المبدأي ... يعني انت مرتاح ليها وهيا مرتاحة ليك .... لو فيه نفور .... يبقى بلاش
3 - لو الشروط اتحققت وفيه قبول عام ... ابدأ شوف الطباع .... يعني مش معقول واحد طبعه منظم جدا ياخد واحده بتكره النظام ... اوواحد نشيط وحيوي جدا وتبقى زوجته كسوله او العكس
4 - شوف بعد كدة المواصفات الشكلية ... ودي اكيد مش ح تلاقيها كلها في اي واحدة ... ولا اي واحد ....احنا بشر والكمال لله
5 - فترة الخطوبة دي مهمة جدا .... .. فترة الخطوبة دي فترة دراسة لكلا الطرفين ... وتأكد ان كل طرف فيهما بيظهر افضل ما لدية .... يعني لو الخطيب باين علية انه بخيل شوية مثلا .... يبقى ده 10% فقط من الحقيقة وال 90% المخفية ستظهر بعد الزواج ...لو البنت مادية شوية اثناء الخطوبة .... يبقى الوضع سيزداد بعد الزواج ... وهكذا
نصيحة لوجه الله تعالى ..... لما تختار شريكة عمرك .... اختار انسب واحدة تكون ام لأولادك ..... مش مسألة جمال و شكل وبس
ولو عاوز تشوف زوجتك بعد الجواز وبعد الانجاب وبعد مرور الايام ...... شوف والدتها ..... في الغالب هي ح تكون مشابهه ليها بشكل كبير
.....
نسيت اقول الخطوة قبل الأولى
الدعاء والاستخارة واستحضار النية الطيبة ... انك تكون بتبحث عن زوجة لتعف نفسك ... وتكمل دينك..... وتبني اسرة صالحة
وربنا يوفق الجميع