شكرا اخى سبعاوى
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
لو إن خواجة يعرف اللغة العربية زار بلدنا الحبيبة وركز شوية مع لوحات الأرقام المعلقة على عربياتنا لأيقن تماما ان الجهة المسئولة عن اللوحات فى مصر هى وزارة التعليم وليست وزارة الداخلية،
ليه الكلام دا، لأن إحنا بنظرة بسيطة الى اللوحات دى نجدها تخطت دورها التنظيمى الى دور إرشادى تعليمى هام جدا
فعلى سيبل المثال، عندما تشاهد أتوبيس ماشى فى الشارع فإنك تجد لوحة الأرقام بتاعته متكوب عليها اتوبيس(خاص او عام او سياحة...إلخ) وذلك طبعا حتى توقن انه اتوبيس ولا تظن به ظن السوء وتعتقد انه جرار زراعى او توك توك
ويقينا من السلطات فى بلدنا بالدور التعليمى للوحات الأرقام نجد السيارات عليها لوحات مكتوب عليها الغرض من إستخدامها: ملاكى ، أجرة، سياحة وذلك بالطبع حتى نستطيع التفريق بين السيارة التاكسى المهكعة وسيارات الإيجار السياحية اللى فيها ناس نضاف حاطة برفان، حيث ان ذلك مستحيل بالطبع بدون قراءة لوحة الأرقام الإرشادية
وايضا تجد الكثير من اللوحات مكتوب عليها نوع المركبة: نقل، مقطورة، جرار زراعى، وذلك بالطبع حتى يطمئن أولو الأمر فى بلدنا انك حينما ترى مقطورة فلن تتوهم انها موتوسيكل بعد ان تتيقن من صحة دورها فى الحياة من خلال لوحة الأرقام
اما الأتوبيس فدة حكاية لوحدة: فبلدنا لا تكتفى بتعريف الأتوبيس للناس بكتابة انه اتوبيس على اللوحات منعا من الظن بأنه بلدوزر مثلا، ولكن ايضا تضيف معلومة إرشادية عن إستخدام هذا الاوتوبيس، فنجد اوتوبيس عام، اوتوبيس خاص، اتوبيس رحلات،اوتوبيس مدارس اوتوبيس سياحى
وذلك طبعا حتى تستطيع التفريق بين الأوتوبيس السياحى الذى يحمل خواجات بالعملة الصعبة من اتوبيس المدارس الذى يحمل حفنة من الاطقال العفاريت الذين سوف يلقون عليك القذائف الورقية حين محاولتك تخطى الأوتوبيس، هل رأيت معى الآن كم هو مهم دور اللوحات!!
وهنا نوع ثالث من اللوحات يحمل معلومات إرشادية عن الهيئة التى تعمل بها السيارة، حتى لا يخطى العامة الظن ويعتقدون انها سيارة غلبانة تخص واحد من عباد الله الغلابة، فلابد من تمييز السيارة بوضع معلومات عن الهيئة المهمة صاحبة السيارة، فنجد نمر متكوب عليها حكومة، قطاع عام،شرطة، الجيش، القوات الجوية، القوات البحرية، الدفاع الجوى، حرس الحدود،هيئة سياسية
ونوع اخرى من اللوحات يوضح حالة السيارة من القيد فى ملفات المرور فنجد نمر مثل: جمرك،مؤقتة، تجارية وذلك بالطبع لكى نعرف ان هذة السيارة ساقطة قيد ولا نقبل ان نزوجها من أى سيارة لدينا فى البيت لانها سيارة لقيطة ملهاش ملف
والطبع لم تنس سلطاتنا ان شعب مصر اكثر من نصفه اميين فلم تنس ان تجعل لكل لوحة لون مختلف حتى يسهل للأمى الحصول على نصيبه من المعلومات الإرشادية ولذلك تجد لوحات الشارات على كل لون مثل فاكهة الصيف،
فبينما سيارتى وسيارتك تحمل لوحات بيضاء، فإن سيارات الناس المهمة تحمل لوحات سوداء حتى يسهل على العسكرى الامى إعطاء الإحترام الواجب للإخوة المهمين
وبينما تحمل سيارات الأجرة لوحات بكل درجات البرتقالى والنقل لوحات حمراء حتى لا يختلط الامر على العسكرى الامى حين يرى عربة تريللا ويظن انها دراجة، فإن سيارات الهيئات السياسية تشترك مع الجرارات الزراعية فى لون اللوحات الاخضر، عصرت ذهنى محاولا إيجاد علاقة معقولة بين السلك الدبلوماسى وبواجير الحرت مالقيتش، لكن فى النهاية من اكون انا حتى افهم تفكير الناس اللى حاطة النظام دا فى بلدنا
الحكومة إختصت لوحاتها بلون ازرق كئيب يذكرنا بمرات المصالح الحكومية التى نشعت المياة على جدرانها التعسة ، وغالبا تكون السيارة بنفس لون اللوحات وذلك حتى تحافظ الحكومة على سمعة الكآبة العامة المهيمنة على مبانيها وسياراتها وكل ادواتها
اما الجيش فقد ميز لوحاته بألوان أسلحته فنجد اللوحات باللون البيج للقوات البرية، ووالسماوى للقوات الجوية والأخضر للدفاع الجوى وهكذا ، وذلك بالطبع حتى يسهل على جندى الشرطة العسكرية تمميز العربيات بدون مجهود القراءة الذى لن يستطيعه
نمر الجمرك بقى اللى حكايتها حكاية، فهى تحمل كل الون الطيف فمنها ما هو ابيض ومنها الاصفر ومنها الأزرق ومنها الأحمر ومنها الاخضر بدون تفسير واضح لهذا التنوع اللونى الغنى، اللهم إلا إذا كان مرتبط بشكل ما بمكان صدور اللوحة
الشرطة إختصت نفسها بلوحه متعددة اللألون ، فينما ان سيارات الشرطة كلها تندرج تحت لونين لا ثالث لهما(الأبيض والكحلى) نجد ان اللوحة تحمل لون ابيض مع اصفر مع ازرق، وفى هذا مجهود مشكور من شرطة بلدنا لتبيه سائقى السيارات الأخرى ان هذة سيارة شرطة حتى يتركوا لها الطريق ويسلكوا طريق أخر، لما عرف عن عساكر شرطتنا من حنكة وحذر وذوق عالى فى القيادة
توجد نمر مكتوبة بالعربى بس ونمر فيها عربى وانجليزى(طبعا علشان العساكر الكنديين والأيرلنديين اللى شغالين فى إدارة المرور فى مصر يعرفوا ياخدو النمر المخالفة بدون حاجة لتعلم العربى)
وتوجد نمر مكتوبة بخط النسخ ونمر تانية بالرقعة ونمر تالتة بالثلث
توجد نمر تحمل اسماء محافظات(القاهرة، اسوان ، البحر الأحمر) ونمر ثانية تحمل اسماء مدن(الأقصر، السلوم ، نويبع)
فى كل دول العالم اللوحات كلها لون واحد وشكل واحد ويوجد فى اولها حرفين او تلاتة يدلون على المدينة، وحرف او رقم يدل على إستخدام المركبة والذى غالبا يقتصر على إذا كانت خاصة او تجارية او تابعة للسلطات وخلاص،وبعدين رقم المركبة
لكن فكهة الصيف الملونة بكل الوان الطيف دى إختراع مصرى يصح ان يدخل موسوعة جينيس للأرقام القياسية
( :@: ) سبعاوى
رقم العضوية : 16
تاريخ التسجيل : 17Apr2007
المشاركات : 63
الاقامة : الهرم
الحالة :
شكرا اخى سبعاوى
رقم العضوية : 1
تاريخ التسجيل : 15Apr2007
المشاركات : 3,507
النوع : ذكر
الاقامة : Nasr City
السيارة: ----
السيارة[2]: ---
دراجة بخارية: ....*
الحالة :
أبو السباع إحنا فى مصر أم الدنيا فطبيعى نكون أم كل ما هو غريب و عجيب و خزعبلى :) عشان لما تشوف أى حاجة من دى تعرف إنك أكيد أكيد فى مصر إنت نسيت إن قريب هايكون فيه نمر للـــــتوك تــــوك إللى بقى ظاهره سيئة و تنتشر كل يوم عن اليوم إللى قابله ربنا يستر ما أنزلش فى يوم ألاقيه مالى مدينة نصر ولا و أنا نازل من الشغل ألاقيه على الكوبرى :)) هههه و ساعتها هاعرفه بالنمــــر اللى هاتكون حاجة كده إفتكاسة و تدهن بلونين لون فقفقى و لون مقمقى و يتكتب عليها توكتوك العاصــــمة :)
الله يحرقه إللى سمح بيه
http://www.nilemotors.com/images/Nile_Audi_Memo_2.gif
Dont Exhaust UrSelf in Thinking...Just Do what U have 2 Do...God Will Never Forget & Never Neglect
رقم العضوية : 185
تاريخ التسجيل : 25Apr2007
المشاركات : 448
الحالة :
والله عندك حق انا كنت في السعوديه وعمري ماشقت العك ده كمان الغريب ان الملاكي لازم يحدد من اي حنه ملاكي القاهر الجيزه طب ده يفيد بأيه متفهمش وليه ادارات المرور كلها موش متوصله ببعض خصوصا اننا في عصر الكومبيوتر والنت ومن السهل جدا ربط كل الادرات ببعض وخلاص لكن لا لازم تتبعت المخالفه بالبوسطه ولازم تعرف هيا جايه من فين حاجه تقرف.
رقم العضوية : 1177
تاريخ التسجيل : 25Jun2007
المشاركات : 276
الاقامة : القاهره
الحالة :
ههههههههههههههههههههههههه
عندك حق
محمد البحيري
ge3aidy سابقا
رقم العضوية : 757
تاريخ التسجيل : 22May2007
المشاركات : 781
النوع : ذكر
الاقامة : الزقازيق-مدينة العبور
السيارة: fiat 128
السيارة[2]: elantra 2011
دراجة بخارية: لا يوجد
الحالة :
شكرا علي موضوعك.بس طبعا مصر لسه عليها بدري عشان تبقي زي اوروبا وامريكا. :: :lol :lol:
رقم العضوية : 517
تاريخ التسجيل : 07May2007
المشاركات : 843
النوع : ذكر
الاقامة : Alexandria
السيارة: Prado VX V6
السيارة[2]: Yaris
دراجة بخارية: لا
الحالة :
والله موضوع شيق وان دل على شئ يدل على اننا بلد رجعي ومتخلف!
منتهى الاستفزاز لما واحد يكون حاطط لوحات على مزاج اهله ومفيم العربية وكاتب ارقام بخط الايد ولا ترى بالعين المجردة! الادهى والاسوء من ذلك ان مش بس العسكري لا والظابط يااما يحية ويعدية يا اما يعمل نفسة مش شايفة ويدور على سواق تاكسي غلبان او واحد مش رابط حزام!
دة بجانب اللي حاطط نسر كبير على الزجاج الخلفي للعربية او قبة مجلس الشعب على اللوحات وما هذا الا نقص !!!!
حكاية طريفة ان ابن عمتي عندة صحابة في كلية الشرطة ووكلاء نيابة كلهم ماشاء الله من اللي عندهم نقص من العيار التقيل اشي واحد ماشي مفيم ونمر مش باينة وايشي واحد ماشي من غير لوحات وايشى واحد مركب سرينة مهو المرور في اسكندرية ميغة!!!
المهم ابن عمتي (وهو شاب عادي في كلية التجارة) استجمع شجاعتة وفيم عربيتة ورسم الوحات بارقام لا ترى بالعين المجردة وركب سارينة ! دي الوقت هو ماشي في شوارع المحروسة بقاله سنة ولا عمر حد وقفه في لجنة ولا حد قالة ياليل يا عين انت رايح فين!!!!!!!!!!!!
وبكدة تبقى انت اكيد اكيد اكيد في مصر!
لاتظلمن إذا ما كنت مقتدراً *** فالظلم آخره يأتيك بالندم
نامت عيونك والمظلوم منتبه *** يدعو عليك وعين الله لم تنم
رقم العضوية : 843
تاريخ التسجيل : 01Jun2007
المشاركات : 1,199
النوع : ذكر
الاقامة : maddi
السيارة: kokoko
السيارة[2]: kokok
الحالة :
وكمان قصة الهيئة السياسية و الهيئة الدبلوماسية و الحرس الجمهوري و..............
رقم العضوية : 469
تاريخ التسجيل : 04May2007
المشاركات : 437
النوع : ذكر
الاقامة : Hrg
السيارة: Ford focus
السيارة[2]: volvo 244
دراجة بخارية: no
الحالة :
ده اسمه التميز
لازم نكون مميزين فى حاجه معينه و طبعآ بلا فخر احنا كلما امتيازات
بس قولولى بقى هل فى الخارج و نقول مثلآ البلاد العربيه
برضه ماينفعش تجدد رخصه العربيه إلا فى وحده المرور التابعه ليك؟؟
ملحوظه*
يتم بيع ارقام السيارات المميزه فى الأمارات بمبالغ رهيبه
بيع رقم 5 ب 25 مليون درهم
و اللى كان متابع قناه GEAR ONE كان هيعرف باقى الأسعار
فلوس بالهبل بقى
و احنا هنا الأرقام المميزه لذوى السلطه فقط
عمار يا مصر
Don't Play With FireBe The Fire
رقم العضوية : 53
تاريخ التسجيل : 18Apr2007
المشاركات : 350
النوع : ذكر
الاقامة : مدينة الشروق
السيارة: Kia Cerato 2014
السيارة[2]: ألنترا 2007
دراجة بخارية: لا
الحالة :
يا جماعة أنت بتتكلموا في إيه هو في نمر أساسا في المرور شفت دولة في العالم عندها مشكلة نمر ودولة علي نهر زي نهر النيل و عندها مشكلة مياه لنا الله
[
المفضلات