قطع الغيار الاستيراد ...هل يعتمد عليها؟

**moudy88** · 22-03-2009 12:03 AM

هل ممكن الواحد يعتمد على قطع الغيار الاستيراد ..يعني هل ممكن تشتري عربيه مش مشهوره او انتهت تصنعيها زي ( موديلات الفيات والبيجو القديم ) وتعيش على قطع الغيار الاستيراد لان مفيش جديد ....وهل كل قطع الغيار ينفع تجيبها استيراد زي المساعدين والمقصات...وازاي نقدر نحدد جودتها

**tamertamer** · 22-03-2009 12:10 AM

بص ياباشا هيجى وقت ومش هتلقى استيراد لبعض الانواع وسيحدث ذالك وسيكون استغلال التجار كبير لعدم صالحيت بعض القطع الجديدة لجشع المستوردين القطع الغيار الجديد
وهناك بعض الشياء التى لا انصح بيها فى هذا التجاة
اولا جيب العفشة جديدة
ثانيا الكهرباء مفيش مشاكل من الاستيراد
ثالثا المتور لا مشكلة مع استيشارة الميكنيكى فى الاختيار
رابعا القديم خلاص عايز اة من عربية مشية 30 40 سنة

**meemo the beast** · 22-03-2009 08:23 AM

يمكن الإعتماد على قطع الغيار وفقا لضوابط و شروط أهمها أن تكون صاحب خبرة كبيرة تمكنك من التمييز بين الصالح منها و المضروب و المتشابه لأن بعض الماركات خاصة الياباني تنتج قطع غيار متشابهة و لكن لا تركب على بعضها.
أما إذا كنت تفتقر الى الخبرة فيجب أن تصحب معك صنايعي بيفهم و يخاف الله لأن 99.5% منهم همهم الجنيه الحرام و ممكن بسهولة يبيعك للتاجر عشان يقفش (ياخد عمولة يعني) و خاصة اذا كنت تشتري قطعة كبيرة - موتور مثلا.
المشكلة التانية تاجر الإستيراد نفسه حاول ألا توصل اليه أنك في حاجة شديدة لقطعة الغيار لأنه بيبيعها بألف سعر و الف ذمة حسب ما يشم ريحة الفريسة اللي هي حضرتك يعني على الرغم من أنه يشتري كل هذه البضاعة بالكيلو و ليس بقيمة القطعة يعني كله زي بعضه و لكن هو يبتدي يبيع و يشتري في الناس حسب أهمية كل قطعة بالنسبة لهم و حسب سعر و ندرة تلك القطعة في السوق. وتجار الإستيراد ليس عليهم ضابط و لا رابط و لا قانون يحميك منهم زي حاجات كتيرة على أرض المحروسة مفيش قانون يحميك.
المهم خلي بالك و ربنا معاك أنا مش باخوفك, أنا بقولك كن متيقظ.
تحياتي
أيمن زكي

**karimone** · 22-03-2009 02:49 PM

قطع الغيار الاستيراد مكنتش بجبها غير لما يكون مفيش غيرها يعني ده الاختيار الاخير...

انما طبعا الجديد مفيش احسن و اضمن منه في معظم الاحوال...

يجب طبعاً استشارة ميكانيكي مضمون في الحاجات ديه علشان يقدر يحدد إذا كانت سليمه ولا بايظه...

**hesham_shousha** · 23-03-2009 07:57 PM

عشان تشترى قطعه استيراد وماتتعبش اتبع الاتى :
- خلى الميكانيكى يفكلك القطعه القديمه وخدها معاك عشان تطابقها
- إسأل الميكانيكى عن اهم الحاجات اللى تاخد بالك منها وانت بتشترى القطعه المستعمله
- خليك زبون شبه مستديم لواحد تتوسم فيه الاخلاق وحسن المعامله والامانه واتعرف عليه كويس عشان يعمل حساب للمعرفه وهو بيبيعلك
- دائما تشترى قطعه الغيار المستعمله تحت التجربه يعنى لو ماعجبتكشى ترجعها فورا
- ولو اقولك اللى بتعامل معاه بيدينى قطعه الغيار وماياخدشى فلوس الا لما اجربها وده عشان بينا تعامل كتير وثقه

**benmatar** · 08-02-2013 09:40 AM

قطع الغيار الغير ميكانيكية تشتريها استيراد بدون قلق وبدون خطورة بس تحتاج فحص جيد ومعاينة بالعين المجردة زي باب كبوت شنطة رفرف كرتيرة وهكذا، أما الأجزاء الميكانيكة والتي تستهلك حتى لو في ظروف التشغيل العادية فمش مفروض الاعتماد على الاستيراد فيها إلا وكل واحد ونصيبه زي كوبلن مساعد فيتيس، وهكذا... ممكن تشتري فيتيس يكون معاك زي الزيرو وممكن حد يشتريه من نفس المكان لنفس الموديل وبنفس السعر وآخره 3-4 شهور.

**mem** · 09-02-2013 04:07 PM

فى قطع غيار فى الاستيراد ممكن الاعتماد عليها زى رفرف ضفيره كهربا كبوت كده يعنى
لكن اياك والقطع الخاصه بالعفشه كوبلن مساعد الحاجات ده مش مضمونه والجديده افضل كثييرا
ايضا بلاش رادراتير لانه من الركنه بيكون صدى من جوه ومش مضمون
اما الاكصدامات استيراد كويسه فوانيس بردك عادى حسب حالتها مرايات
اما المواتيير والفتيس دول بيكونوا عايزيين حد يكون ثقه ومضمون لانهم فيهم مخاطره