هبلغ حضرتك بكرة بكل حاجة انشاءالله وشكرا لتعبك معايا
يعني نفهم من كلامك ياباشمهندس سمير ان
1-البطارية بتدي للدينامو والدينامو بييدي للبوبينا؟
2-ان لو مياه البطارية نقصت يبقي البطارية هتطلع فولت اعلي (ولو نقصت نذودها مياه مقطرة ولا مياه شركة) ؟
معلش يا كبير لو امكن ومافيهاش رخامة يعني تشرحلنا دورة الكهرباء حتي لو بأختصار عشان نفهم
لا ....البطاريه فقط بتدى كهرباء للمارش والبوبينا وخلافه فى البدايه لحين أستقرار سرعة المحرك على السلانسيه.....وبعد كده بتتطلع بره الموضوع ........................اقتباس:
معلش يا كبير لو امكن ومافيهاش رخامة يعني تشرحلنا دورة الكهرباء حتي لو بأختصار عشان نفهم
_ بعد كده الدور كله بيكون على الدينامو (كنترول المحرك.....تعويض الفقد اللى تم من البطاريه ويقفل عليها بعد ماتأخد اللى أتاخد منها بالكتاوت بتاع الدينامو لحين بداية التشغيل الجديد...وهكذا كل مره....وده الأمر الطبيعى )
وعليك يا أبو حميد...........اقتباس:
الله ينور عليك يا ريس
بالعكس دا سؤال ذكى .......البوبينا دى أسمها ملف الأشعال الألكترونى......وفيها ملف أبتدائى ذو سلك كهربى معزول وقطره سميك وبيستقبل كهرباء 12 فولت من البطاريه (لحظة البدايه ) أو من الدينامو (والمحرك شغال )........وبيتم تحويل الفولت ده اللى ملفات ملف الخروج وأسمه ملف ثانوى بنظرية الحث الكهربى....وهو ملف ذو سلك كهربى رفيع للغايه وملفوف على الملف الأبتدائى لتوليد آلاف الفولتات الكهربيه (أى جهد كهربى عالى للغايه يكفى لأنتاج شراره عند عبوره ثغرة البوجيه من القطب الموجب القطب السالب ).....اللى بيتم توجيهها الى الأسبراتير فى دواير الأشعال التقليديه (حيث يقوم الأسبراتير من خلال مجموعة الشاكوش والأبلاتين والكوندنسر....ووش الأسبراتير من توزيع الشراره العاليه للغايه فى الفولت دى الى كل بوجيه ....بواسطة كابلات البوجيهات على حسب دوره وتوزيع ترتيب حريقه اللى بتعتمد على تقسيمه الكامه ).........ولكن نظرية التوزيع مختلفه بعض الشىء فى الأشعال الألكترونى ......ولكن فكرة البوبينا واحده من ناحية أنتاج الفولت العالى .......اقتباس:
بس سؤال غبي معلش اعذرني البوبينا دي وظيفتها ايه؟
*** تقدر تقول زى نظرية محولات رفع القدره للتيار المتردد مع فارق التشبيه طبعا.............
اولا شكرا ليك استاذي الكريم الفاضل وشكرا لسعة صدرك وربنا يجازيك خير ان شاء الله
ثانيا نفهم من كلام حضرتك ان
1- البطارية بتطلع 12 فولت
2- البوبينا بتاخد يا اما من البطارية(لو العربية واقفة) او من الدينامو (لما تكون العربية شغالة)
3-وظيفة البوبينا تعليه الفولت من 12 فولت الي عده الاف
4-بعد تحويل البوبينا للفولت يتم نقلها الي الاسبراتير (مجموعة الشاكوش والأبلاتين والكوندنسر....ووش الأسبراتير)
5-تلك المجموعة تأخد الفولت العالي وتحوله الي شرارة وتوجهها الي سلوك البوجيهات بترتيب معين لكل بوجيه
انا فهمت صح يا كبير ولا ايه
وبعد اذنك في حالة ان البطارية نامت والعربية تدور زق احنا كده بنقلب الموضوع ولا ايه فكرتها ومعلش بس الواحد ما بيصدق يلاقي حد فاهم يشرب منه الحاجات اللي ناقصاه دي
واسف علي الاطالة واووعي تضايق مني وشكرااااا
دا اللى أنا حعلق عليها الأول........بمعنى أن مجموعة الأسبراتير لاتحول الفولت العالى الى شراره......ولكن تقول فقط بتوزيع الفولت الحالى الى البوجيهات من على وش الأسبراتير ووسيلة النقل هى كابلات البوجيهات ......أما تحول الفولت العالى الى شراره بيكون خلال الثغره (الجاب ) بتاعة البوجيه.....................اقتباس:
-تلك المجموعة تأخد الفولت العالي وتحوله الي شرارة وتوجهها الي سلوك البوجيهات بترتيب معين لكل بوجيه
هى الفكره ببساطه بتعتمد على أنك لما بتزق العربيه ....كأنك بدل المارش ومع زيادة الدوران للفلام ...الدينامو بيشتغل برضه على طول .......دا غير أن البطاريه بتكون فيها الرمق برضه (بس قدرتها لاتكفى من ناحية الأمبير اللازم للمارش )....وممكن يكون الفولت اللى فيها يكفى لعمل البوبينا والكهرباء اللى لازمه للتحكم لحظة البدايه على ما المارش يشيل الليله وده تقريبا اللى بيحصل ( والصراحه أنا ماسمعتش عن عربيه ممكن تدور من البدايه بالزق وبطاريتها منشاله خالص )....أنما ممكن تشيل البطاريه والمكنه دايره (علشان الدينامو شايل كل الأحمال )......ومش عارف أنت واخد بالك من النقطه بتاعة ضعف البطاريه دى ولا لا .................بمعنى أن البطاريه بيكون فيها شحنه برضه وممكن أستفيد منها للأحمال البدائيه على ما المارش يشيل الليله .......بس شحنتها وهى نايمه شويه لاتكون قادره على أعطاء الأمبير الكبير اللازم للمارش فى البدايه (يعنى عملية زق العربيه دى المفروض بدل المارش فقط ).........والصراحه أول مره أفتح النقطه دى مع نفسى .....ممكن أكون غلطان...ولكنى حاسس أن ده اللى بيحصل بالفعل......................اقتباس:
وبعد اذنك في حالة ان البطارية نامت والعربية تدور زق احنا كده بنقلب الموضوع ولا ايه فكرتها
ياراجل ماتقولش الكلام ده.....دا كده كلنا بنتعلم حاجات جديده وأنا أول واحد بأتعلم (هو فيه حد بيعرف كل حاجه ).....بس غلط أننا نقعد ساكتين ومنفكرشاقتباس:
ومعلش بس الواحد ما بيصدق يلاقي حد فاهم يشرب منه الحاجات اللي ناقصاه دي
بالعكس دا أنا بأحب الناس اللى زيك كده .....كفايه أن أنت بتفتح ملفات جديده ....كلنا حنستفيد منها (سواء من رأيى أو من رأى أى زميل آخر ....ومش شرط مين الصح .....المهم فين الصح ).............وبعدين ياراجل هو فيه حد يقدر يرفضلك طلب .....وانت ماسك السلاح كده ....الله أكبر....................:Copy of majd(4):.هههههههههاقتباس:
واسف علي الاطالة واووعي تضايق مني وشكرااااا
انا ملحقتش اروح ققيس الشحن بس حصلت حاجة غريبة قوى النهاردة اخدت بالى منها طول منا ماشى سريع المسألة شغالة عادى دخلت فى صلاح سالم والطريق كان واقف ومن سلانسية لأول حوالى ربع ساعة لقيت العربية برجلت وبطلت نزلت ركبت البوبينا القديمة ولقيت الجديدة اخر واحدة ناااار ولما وضلت وروحت المشكان اللى كنت رايحة وانا راجع بعد مركنت ورجعت شغلت الجديدة بعد مبردت اشتغلت عادى غالبا هيكون من إيه ؟؟؟؟
وموضوع قياس الشحن عشان كل لما اروحلة عادتا بيقولى تمام وشكلة بيكروت اخد بالى من إيه المفروض يكون كام بالظبط واعمل إيه يا باشمهندس سمير ؟؟؟