لو سمحتو يا جماعه عاوز اعرف سعر رفرف امامى يمين اللون فرانى وفانوس هيونداى النترا 2008 من التوكيل
عرض للطباعة
لو سمحتو يا جماعه عاوز اعرف سعر رفرف امامى يمين اللون فرانى وفانوس هيونداى النترا 2008 من التوكيل
صديقى
بما انك ساكن فى المنصورة, انا كلمتلك مركز الدلتا - مركز معتمد هيونداى و ميتسوبيشى - اللى عند موقف طلخا انى على علاقة كويسة بيهم والسعر بعد الخصم 844 جم للرفرف و 920 جم للفانوس الامامى يمين وقت ما تروح ياريت تقوللى وانا ارتب لك معاهم ولو فية سمكرة بردة هيبقة فية خصم وكمان عندهم كابينة دوكو حديثة .
موجود عندى الفانوسين الاماميين الاصلى مفيهمش خدش فكتهم علشان ركبت الفوانيس السوداء سعر خاص لاعضاء النيل موتورز 1350 ج بدون فصال
ملاحظة : لو ركبت فانوس واحد بس جديد حيفرق فى اللمعة عن القديم يستحسن تركب الاثنين
شكرا سيندباد على الرد
انا روحت النهاردة غبور الى فى قليوب و قالى ان الصدر كمان عايز يتغير :120146b و الحوار هيدخل فى 5 الاف :s إن شاء الله هشوف هعمل اية و اكلمك لما اروح اعملها لما اسافر المنصورة
معليش ممكن اتقل عليك و تسألى سعر الصدر كام و نبعتلى رقم تليفونك
شكرا حمادة على العرض إن شاء الله لو غيرت الفانوس هخدهم منك
الحمد لله انك تمام ودي أهم حاجه
و ربنا يحفظهالك و يباركلك فيها و ترجع زي الأول و أحسن ان شاء الله
معلش معنديش معلومات اقدر افيدك بيها
اهم حاجة ان الحمد لله جت سلمية اخدت الشر وراحت
الحمد لله على كل شئ كويس انها جت على قد كدة
الحمد لله العربية اتصلحت , اعتقد ان مادو مشغول لانى قولتلة يقول راية فى المركز اللى خليتة يروحة والحمد للة العربية اتكلفت 2500 جم بعد ماكان سال فى غبور وكان التكلفة 6000 جم تقريباً والحمد للة قدرت اخلى العربية تخلص فى 4 ايام بس.:wink:
الحمد لله وحمد الله على سلامتك
ممكن تليفون مركز الدلتا يا اخ سندباد
انا من المنصورة وعايز اعمل صيانة ال45000
لعربيتى الجيتز
السلام عليكوا
اسف جدا على انشغالى الفترة الفاتت معرفتش ادخل نت خالص
الحمد لله العربية اتصلحت و رجعت زى الاول عند مركز الدلتا بجد المركز دة محترم اوىى و انا بشكر اخويا سندباد بجد راجل محترم اوىى و اهتم بالموضوع و كلمنى الناس هناك و عرفنى على صاحب المركز و صاحب المركز راجل محترم اوىى و فعلا فاهم العربية كويس و بتعامل بضمير قوى احسن من غبور و اسعارة احسن من غبور بكتيرر بجد مش عارف اشكر سندباد ازاى على المساعدة و على انة عرفنى على المركز المحترم دة
لو اى حد من المنصورة عايز يعمل حاجة فى عربيتة بجد نصيحة يروح الدلتا احسن من غبور و لو عايز اكلمة صاحب المركز و اتفقلة معاة انا مستعد
اهلا بيك يا اخ ماب فى الموضوع لو عايز تروح تعمل الصيانة فى الدلتا ممكن تبعتلى و نروح و هناك إن شاء الله هيعملولك اللازم و باسعار كويسة
شكرا يا اخ مادو على اهتمامك
والف مبروك على العربية
وربنا يجعلها اخر الاحزان ان شاء الله
هبعت لحضرتك لما يجى ميعاد الصيانة
وهتعبك معايا معلش
الله يبارك فيك يا ماب
إن شاء الله
تحت امرك يا باشا لما تحب ابعتلى فى اى وقت
كدة انا ميسوط جدا انى عرفتكوا على بعض تحياتى الى اهل المنصورة.
ولو فى اى حاجة محتاجينها من المركز انا تحت امركم .
شكرا يا سندباد و معليش انا كنت مشغول شوية الايام الفاتت و معرفتش اكلمك او ادخل ارد على المنتدى بس بجد انا بشكرك انك عرفتنى على المركز المحترم دة
طيب أنا عايز أعمل صيانة الألف فى مركز الدلتا لكن سمعت إنى لازم أعملها فى أبو رواش
فإيه رأيكم؟