ياترى ايه اقصى سرعة وصلت لها بعربيتك البروتون؟

**m.3abdel3al** · 22-03-2009 10:13 PM

170 بجين 2 اوتوماتيك بس ما كنش في بالي اني اجمع اعلى سرعة دا انت كنت ماشي مانتخ عادي

**MuhammedSoliman** · 22-03-2009 10:43 PM

السرعه فى التوقيع بس زود عليها 5 ثبات وتحكم عالى عالى عالى وخصوصا فى المنحنيات الواسعه وانت ماشي على سرعه عالية ، انا جين تو 2006 مانيوال
تحياتي

**MohabSaeed** · 22-03-2009 11:03 PM

170 بالعافيه و كانت للتجربه " فقط " الساعه 3 بليل بعد عمل صيانه ال80 الف .
العربيه كانت بتتنطط شويه لان الطريق زى الزفت عالى وواطى و مطبات هوا .
العربيه ماجبتش اكتر من كده و الRPM كان على 4500 تقريبا , على الغيار الخامس .
انا مقتنع ان الاداء ممكن يتحسن عن كده " خصوصا ان الكتالوج بيقول 186 ", بس انا مش عاوز اوجع دماغى و ادخل فى قصص خصوصا انى مش بجرى اخرى 120 .

* احتمال يكون سبب من الاسباب الدواسات عندى سميكه شويه و مش بتخلى مشوار البدال يوصل للاخر و فلتر الهواء لانى مغيرتوش فى اخر صيانه .

**SaNisSro** · 23-03-2009 03:22 PM

ما شاء الله عربية ثابتة

**mohaktb** · 23-03-2009 04:31 PM

يا جماعة بلاش الكلام دة لان مش كل الناس بتسوق زى بعض ممكن حديسمع ويقلد ويسوق بسرعة توديه فى خبر كان وربنا يستر طريقنا جميعا

**MohabSaeed** · 23-03-2009 11:18 PM

المشاركة الأصلية كتبت بواسطة mohaktb

يا جماعة بلاش الكلام دة لان مش كل الناس بتسوق زى بعض ممكن حديسمع ويقلد ويسوق بسرعة توديه فى خبر كان وربنا يستر طريقنا جميعا

+10000
السرعات ديه مش للمشى
انا عن نفسى مش بمشى كده و قولت انى كنت بجرب العربيه .. يعنى الموضوع كان لثوانى و الطريق فاضى .

الى مستغنى عن عمره ده شى تانى

مش احنا الى حنقوله اجرى او امشى بالراحه .

**SaMeR-PrOtOn ‎** · 24-03-2009 07:24 AM

المشاركة الأصلية كتبت بواسطة MohabSaeed

+10000
السرعات ديه مش للمشى
انا عن نفسى مش بمشى كده و قولت انى كنت بجرب العربيه .. يعنى الموضوع كان لثوانى و الطريق فاضى .

الى مستغنى عن عمره ده شى تانى

مش احنا الى حنقوله اجرى او امشى بالراحه .

+100000‏ كلام سليم حتى انا بالبلد مابمشي أكتر من 60 كم/سا وبسرع بس على طريق الجامعة لانه طريق سفر واقصى سرعة مشيتها 170 كم /سا تحياتي

**ussamalh** · 24-03-2009 09:35 AM

انا اقصى حجاه جبتها 150 على طريق السخنه و مش ناوى اعملها تانى
لان بصراحه عن تجربة شخصية يا جماعه خلينا فى السرعه المعقلوه الى ممكن نقدر نتحكم فيها بالعربية
اسامة

**eslam_wega** · 26-03-2009 03:36 PM

المشاركة الأصلية كتبت بواسطة mohaktb

يا جماعة بلاش الكلام دة لان مش كل الناس بتسوق زى بعض ممكن حديسمع ويقلد ويسوق بسرعة توديه فى خبر كان وربنا يستر طريقنا جميعا

يا جماعة كلام الراجل واضح بيقول ان مش كل الناس محترفين فى السواقة يعنى معنى الكلام انى مش اى حد لسة جديد فى السواقة او سواقتة ضعيفة يجرب السرعات دى

**MohabSaeed** · 26-03-2009 04:48 PM

المشاركة الأصلية كتبت بواسطة eslamwega

يا جماعة كلام الراجل واضح بيقول ان مش كل الناس محترفين فى السواقة يعنى معنى الكلام انى مش اى حد لسة جديد فى السواقة او سواقتة ضعيفة يجرب السرعات دى

حتى لو مايكل شوماخر نفسه
الفكره كلها فى معدل امان الطرق بتاعتنا و اسلوب سواقه الناس الى ماشيه معاك على نفس الطريق

حدي لحضرتك مثال
طريق المحور " قدام هايبر 1 " من بعد منزل المحور لحد اكتوبر
كل يوم و التانى تلاقى حادثه و كل يوم تلاقى عواميد اناره واقعه لغايه ما العواميد قربت تخلص من كتر الحوادث

!! .
صديق ليا عمل حادثه فى نفس المكان و دخل فى عمود برده ب عربيه بروتون ويرا " بالرغم من انها ثابته جدا جدا " و هو متعود على السواقه السريعه 160 .. 170 و اكتر و بيسوق بقاله كتير .
كان ماشى 140" يعنى مش سرعه عاليه اوى كمان " و ميكروباص رمى عليه شويه فبدل مايهدى اخد غرزه .. عاديه .. من عربيه نقل قدامه , العربيه عومت و فقد السيطره عليها و دخل فى عمود و العربيه اتدمرت من قدام بس الحمد لله كل الى فى العربيه طلعو سلام بدون خدش واحد " و ده ستر ربنا " .
كان ماشى 140 مش 170 ولا 200 !!!
السواقه ملهاش كبير ولا محترف اى حد معرض انه يعمل حادثه و الاحتماليه بتزيد لما تمشى بسرعه اكتر بكتير من السرعه الى يستحملها الطريق و تستحملها عربيتك .

طريق زى الى قدام هايبر ده .. بيغرى الناس للجرى علاشان كبير و مفتوح " او كان مفتوخ قبل المطبات الى عملوها " انا مشيت فيه على 170 العربيه كانت بتتنطط بسبب مطبات الهوا و العالى و الواطى + ان الطريق نفسه مايل ل اليمين .
و عرفت ليه كل يوم عليه حوادث .