الى اهالى المنصورة الكرام... بدء تطبيق حبس المواطنين

**ehabbasha30** · 22-03-2009 11:28 AM

بدأ بالأمس تطبيق قانون المرور الجديد بكل حزافيرة وهناك اوامر مشددة جدا جدا بعدم التهاون فى حبس اى سيارة تسير عكس اتجاة السير... امبارح فى المحكمة كان فى اكترمن حالة ماشيين بالكلابشات فى المحكمة اللى على البحر جنب البوسطة .....خلوا بالكم كويس من الموضوع دة
انا برضو كنت حاسس انهم هييجوا مرة واحدة ويعملوا كدة...لانهم بقالهم فترة سايبين الناس تمشى براحتهم فى اكتر من حتة مخالفة عشان ييجوا مرة واحد ويعملوا كماين ويلموا زباين ال (تخشيبة)
خلوا بالكم من ميدان المحطة لازم تلفوا الصينية بلاش تدخلوا من عند الموافى عكسى
وبرضو خللوا بالكم من الحتة اللى كنا بنخطفها من تحت الكوبرى بتاع المرور قصاد محطة موبيل عند المزلقان.. اكيد هيوقفوا حد هناك وامرنا لله هنضطر نلف لفة ام العروسة عشان نروح الحتة اللى عاوزينها

حسبنا الله ونعم الوكيل
والله انا مش معترض على النظام... بالعكس
انا احب جدا تطبيق القانون والنظام بس يكون حال البلد يساعد يعنى تكون البلد متنظمة صح مش لازم التعذيب ونلف من اخر الدنيا عشان نروح حتة عاوزينها...........شفتوا عاملين اية على الطريق الدائرى... اللى يدخلة لازم ياخدة لآخرة عشان يعرف يلف ويرجع تانى ....مافيهوش اى يو تيرن...مش كدة وبس دانت لازم تلف من عند الجامعة كمان (( مين العبقرى اللى خطط الطريق بالمنظر دة مش عارف))
....ثانيا الرحمة فى تطبيق القانون يعنى بلاش الكلابشات دى عشان شكلها وحش اوى زى المجرمين والحرامية والسوابق
ارحمنا يا رب

**فادى محمد** · 22-03-2009 11:51 AM

شكرا يا باشا . بس انا شايف ان الملتزم المحترم مايخافش من حاجه والنظام حلو خصوصا انه بيحافظ علي ارواحنا وممتلكاتنا .

**medo_2060** · 22-03-2009 02:10 PM

انا برضه ملاحظ انه مش مطبقين القانون دا فى المنصوره خالص
شكرا لتحذيرنا

**karimone** · 22-03-2009 02:45 PM

التحذير واجب علي كل المحافظات مش في المنصوره...

امشي صح يحتار عدوك فيك...

**shock** · 22-03-2009 03:08 PM

انا كل اللي خانقني من الحوار دا الجلاء واداب والترعة
الاتجاه الجديد بتاعهم دا وعلي فكرة شارع الجمال اتجاه
واحد بس يطلع علي الجلاء مش دخول
انا لسا من يومين ربنا سترها معايا في اداب
طالع من شارع من اداب اللي قصاد مقلة ابو كامل
والحتة الصغيرة عشان اخد اليوتيرن عشان اروح النخلة
ونش بالضابط وكان رتبة انا يدوب دخلت الملف من هنا
وكان ورايا تاكسي وعربية 128 قام قافل الطريق عليهم
بذمتك مش دا غباء ما ابقا راكن في اداب وعايز اروح الجهة
التانية الف لفة ام العروسة اروح من الجلاء علي الترعة علي
اداب حاجة زي الزفت ما يشيلوا الجزيرة اللي في النص ماهو اتجاه
واحد ايه لازمتها الجزيرة اللي في النص دي

**shock** · 22-03-2009 03:12 PM

المشاركة الأصلية كتبت بواسطة ehabbasha30

وبرضو خللوا بالكم من الحتة اللى كنا بنخطفها من تحت الكوبرى بتاع المرور قصاد محطة موبيل عند المزلقان.. اكيد هيوقفوا حد هناك وامرنا لله هنضطر نلف لفة ام العروسة عشان نروح الحتة اللى عاوزينها

ابقا اخطفها والمزلقان مقفول هههههههههههه

**M.Osman** · 22-03-2009 03:59 PM

شكراً للتنبيه اخي العزيز :)

.شفتوا عاملين اية على الطريق الدائرى... اللى يدخلة لازم ياخدة لآخرة عشان يعرف يلف ويرجع تانى ....مافيهوش اى يو تيرن...مش كدة وبس دانت لازم تلف من عند الجامعة كمان (( مين العبقرى اللى خطط الطريق بالمنظر دة مش عارف))

الطريق الدائري بيجيب الضغط اصلاً ...!
شالوا كل المطبات و سايبين "يوتيرنات" في اماكن غبية !! زي عند كالتكس مثلاً و كذا مرة تحصل حادثة و مفيش فايدة ... ماهو يا تقفلوا اليوتيرن يا تعملوا مطبات!!

... دا غير ان اليوترن يكون في الحارة السريعة اصلاً!
ربنا معانا.

**د.محمد** · 22-03-2009 07:27 PM

ربنا يستر...

**mab** · 23-03-2009 01:23 AM

المشاركة الأصلية كتبت بواسطة SuccessCre8or

شكراً للتنبيه اخي العزيز :)

الطريق الدائري بيجيب الضغط اصلاً ...!
شالوا كل المطبات و سايبين "يوتيرنات" في اماكن غبية !! زي عند كالتكس مثلاً و كذا مرة تحصل حادثة و مفيش فايدة ... ماهو يا تقفلوا اليوتيرن يا تعملوا مطبات!!

... دا غير ان اليوترن يكون في الحارة السريعة اصلاً!
ربنا معانا.

فعلا اللفة الى عند كالتكس خطيرة جدا
واحد صاحبى لسه عامل حادثة قريب فى الحتة دى

-

الموضوع: الى اهالى المنصورة الكرام... بدء تطبيق حبس المواطنين

LinkBack

أدوات الموضوع

عرض

الى اهالى المنصورة الكرام... بدء تطبيق حبس المواطنين - انشر الموضوع فى :

-

-

-

-

-

المواضيع المتشابهه

الى اهالى الاسكندريه الكرام

يا اهالى اسكندرية الكرام

الى اهالى طنطا الكرام الحقونى عربيتى اتسرقت

الى اهالى الصعيد الكرام - سؤال بعد اذنكم ؟

إلى أهل المنصورة الكرام: إستفسار عن مدارس اللغات في المنصورة ؟؟

الكلمات الدلالية لهذا الموضوع

المفضلات

المفضلات

ضوابط المشاركة