العتب اتخبط

**ibmtop** · 22-03-2009 12:02 PM

السلام عليكم ورحمة الله وبركاتة

انا مش عارف العنوان دة مناسب ولا لا؟
بس انا امبارح كنت ماشي بالعربية باليل, وانا باخد ملف مشفتش الرصيف
فحكيت فين ونزلت من العربية لقيت العتب اتخبط واتطبق

عايز اعرف علاج الموضوع دة اية؟ وياريت حد يقولي تكلفتة كام تقريبا

وشكرا

**MMamdouh** · 22-03-2009 12:07 PM

سيبة زى ما هو لحد ما تبقى تسمكر العربية

التصليح فلم و حيحتاج شعل و رش

MMamdouh

**samirayad** · 22-03-2009 03:43 PM

دى بتتوقف على حجم الشغل وطبيعة السمكرى (حراق ولا حنين ).........وبرضه لازم تتعاين علشان فيه معجون وخلافه.....وبرضه نوع البويه عليه عامل فى الثمن برضه.......ممكن تتشاور مع أى صديق أو جار علشان يقيم الوضع معاك بعد مايشوف الحاله طبعا............................

**ahmedfra** · 22-03-2009 05:17 PM

المشاركة الأصلية كتبت بواسطة MMamdouh

سيبة زى ما هو لحد ما تبقى تسمكر العربية

التصليح فلم و حيحتاج شعل و رش

MMamdouh

هو ده الصح . و انا اتعرضت لنفس الموضوع و عملت كده برضة

**shaky** · 22-03-2009 09:22 PM

والله هو اللى شوفتة عند السمكرى ان فية جهاز شفط للعتب والعملية بتنتهى انا اعرف واحد فى المنصورة بيعمل كدة لو عايز تروحلة انا تحت امرك

**shanodaa** · 22-03-2009 09:33 PM

المشاركة الأصلية كتبت بواسطة shaky

والله هو اللى شوفتة عند السمكرى ان فية جهاز شفط للعتب والعملية بتنتهى انا اعرف واحد فى المنصورة بيعمل كدة لو عايز تروحلة انا تحت امرك

يعني لو في خبطه اونقره في جزء خلفه عصب ممكن جهاز الشفط يصلحه بدون ما نفك العصب؟

**waleedrahmy** · 23-03-2009 07:07 AM

جهاز شفط العتب ياريت حد يضيف شوية معلومات عنه

**Jato.33** · 23-03-2009 09:44 AM

أنا خبطت العتب مرة
وكانت خبطة جامدة
روحت لواحد سمكري بس معندوش أي جهاز
بيلحم في العتب زي مسطرة حديد كده بس مش بيلحمها نفسها بيستخدم مادة تشبه النحاس بتبقى زي الوصله بين المسطرة والعتب وبعدين يسحب من المسطرة دية يقوم يرجع العتب مطرحه طبعاً في نهاية العملية دية وعلى قد حرفية الصنايعي بيقدر يرجع ويظبط العتب على قد ما يقدر لكن مش بيعرف يساويها بتبقى مضعضعة (هما بيقولوا عليها كده)
وبعدين تروح لبتاع الدوكو هيستخدم معجون فبر مع العتب عشان يساويها وبعدين يرشها وهتبان زي كأنها ماتخبطتش

لو فيه جهاز بيعمل الموضوع ده من غير لحام ولا حاجة يبقى مية مية بس فين ؟؟؟

ممكن يكون الصنايعي بيقولك ده في جهاز عشان يوهمك ويشتغلك وهوا في الآخر هيسحبه بالطريقة دية

الحلول الأخرى كلها مدمرة

فتح لحام المصنع من تحت عشان يقدر يساوي العتب

أو قص الحتة المخبوطة في العتب ولحام أخرى

**Samir Elshahawy** · 23-03-2009 01:47 PM

من الممكن أصلاح العتب بأتباع أحدي الطرق التالية:

1- الشفط: و ده جهاز أعتقد مش موجود غير في بعض التوكيلات مثل مرسيدس

2- عمل زرجينة لسحب العتب و تستخدم في الخبطات البسيطة لأنها لاتعطي نتيجة 100% حيث تحدث بعدها عضعضة للعتب يتم أستعدالها بأستخدام معجون لتسوية السطح

3- القطع و اللحام:
و تستخدم في الخبطات الكبيرة (طول + عمق) و فيها يتم قطع العلبة الخارجية و أستعدال الشرائح الداخلية و أعادة اللحام
وهذه الطريقة تعطي نتيجة ممتازة و قد أستخدمها السمكري الذي قمت بأصلاح العربية عنده لأعادة العتب و القائم الأمامي الي وضعه الأصلي

-

الموضوع: العتب اتخبط

LinkBack

أدوات الموضوع

عرض

العتب اتخبط - انشر الموضوع فى :

-

-

-

-

-

-

المواضيع المتشابهه

العتب بتاع العربيه اتخبط ارجو المساعد السربيعه

باب عربيتى اتخبط

العتب اتخبط (الحمد لله علي كل شئ)

العتب اتخبط والحمد لله..........

العتب اتخبط والحمد لله..........

الكلمات الدلالية لهذا الموضوع

المفضلات

المفضلات

ضوابط المشاركة