يا جماعة حد يعرف محل كبير بيبيع كاوتش وبطاريات جديدة بالفيزا كارد؟
يا ريت تفيدوني عشان أنا محتاجة الحاجات دي ضروري والكاش اللي معايا حالياً مش كفاية
شكراً مقدما لكل اللي حيتكرم ويرد على سؤالي
عرض للطباعة
يا جماعة حد يعرف محل كبير بيبيع كاوتش وبطاريات جديدة بالفيزا كارد؟
يا ريت تفيدوني عشان أنا محتاجة الحاجات دي ضروري والكاش اللي معايا حالياً مش كفاية
شكراً مقدما لكل اللي حيتكرم ويرد على سؤالي
توكيل بريدجيستون وكمان في خصم لأعضاء نايل موتورز
توكيل بريدجيستون في صلاح سالم
عمارات العبور جنب الوسيط
طيب بلييييييييييز ممكن آخد رقم تليفونه؟ هو مكانه فين؟ اقولهم شفوي كدة اني من اعضاء نايل موتورز؟ ولا لازم ستيكر؟
في فرع في المنيل أمام ماكدونالدز ولازم الإستيكر اتصل بالدليل هايدوك الرقم
انا اتصلت بفرع المنيل قالوا ما عندهمش بطاريات، فاتصلت بفرع عباس العقاد واحد نايم على روحوا رد عليا وقالي ما عمدهمش غير فارتا إلماني مستوردة بحوالي 620 جنيه. أنا حاسسة إن السعر غالي.
الناس قالولي إن البطاريات اليومين دول في حدود 400
تنصحوني بإيه؟
أرجو من الأعضاء الكرام يقولولي 620 غالي ولا كويس عشان عايزة انزل اجيبها النهاردة
انا لسة شارى فارتا المانى مكتوب عليها 63 امبير ب 480 جنيه
ولقيت عنده ال 70 امبير بس متركبش عندى ارتفاعها عالى مش فاكر قالى 500 وكسور
ارخص واحد هتلاقيه ممدوح غاطاطى
في محل في لاظاوغلي اسمة كونتيننتال في شارع الجامع الاسماعيلي بيبيع بالفيزا وله فرع في المبتديان
شكرا كتيييييييير للناس المية مية اللي ردوا على سؤالي
يا ترى فين الجامع الاسماعيلي ده؟ وفين المبتديان؟
آه معلش أنا خدت بالي دلوقتي بس إن الاول في لاظوغلي. طب والمبتديان؟
تفتكر ليه فروع تانية ولا هما دول بس؟
مركز الفردوس(بطاريات و كاوتش) بيتعامل بالفيزا و هو موجود في اول احمد سعيد علي اليمين من دخلت صلاح سالم.
بص يا بيه..المبتديان ده شارع بيوصل ما بين السيدة زينب وشارع القصر العيني. يعني لو انت قادم من السيدة زينب نازل على خيرت خش مع العربيات في الشارع الرئيسي شمال (ده شارع المبتديان) المحل قدام شوية على ايدك اليمين
أحب أشكر كل اللي شاركوا في الموضوع ده واقولهم ان مشاركتهم فادتني كتير.
آخر حاجة وصلتلها إن فيه محل كبير على بُعد خطوات من بيتي اسمه إسحاق حكيم بيبيع بطاريات وكاوتش بالفيزا
عنده بطاريات كوري 70 أمبير بـ380 جنيه تقريبا. ناوية اشتري منه بكرة إن شاء الله. مع انه قاللي في التليفون انهم بياخدو القديمة بـ30 جنيه بس بسبب نزول الأسعار. أنا كنت قريت في موضوع تاني هنا ان البطارية القديمة بتتباع بـ100
فين عنوان اسحاق حكيم علشان نفس الموضوع معايا ؟
اسحاق حكيم موجود في شارع أحمد عرابي بس له فروع تانية كمان ممكن تجيب نمرته من الدليل وتسأل الفروع دي فين
ما تسحب من الماكنة و تشترى كاش ؟!