الموضوع: شوف اللى حصل للمصريين الا فى الخارج

المشاركة الأصلية كتبت بواسطة TeXo

و الله كلامك تمااام جداااااا

للأسف هناك فئه يقولك اسافر و خلاص و مش مهم اشتغل ايه , طبعا انا مش بلومهم لإن كل واحد عنده ظروفه بس بجد ده سبب قوي جدا انه بيخلي الناس بتوع بره يبصوا للمصرين بصه مش ولابد , طبعا مش كلهم بس في نسبه طبعا

واضافة لكلام يا استاذ Texo تعالي شوف الاردنيين او السوريين او البنانيين هنا...عمرهم ما يشتغلوا شغلانة براتب اي كلام ولو داقت بية الدنيا وما فيش مفر يرجع لبلدة ويوقل اكرم لي اكل ملح في بلدي ولا البهدلة هنا..انما احنا بقي فحدث ولا حرج..والله انا شفت حاجات هنا كنت مذهول منها علي سبيل المثال:-

في عيد الاضحي اللي فات رحت اشتري خروف من السوق عشان اضحي بة.فوجئت بشاب مصري جالي جري وقالي اشيلك الدبيحة يا استاذ..انا قلت طالما مصر يبقي عادي ومنها اني اديلة شئ لوجة الله وفجأة لاقيت افراد من الشرطة في زي مدني بيقولي "يا شيخ لا تخلي حدا مثل هؤلاء يسوي لك ها الامور بعٌد" قلت لة هو مش شايل الدبيحة انا اللي طلبت منة يركبها معايا في شنطة العربية ودة طبعاً عشان انا مش عاوز الشرطي ياخدة لان فيها ترحيل ولكن هيهات وفعلا اخذوة ومشيوا وللاسف حاولت اقناعة بشتي الطرق لكن لاجدوي.
الفكرة ان النوعيات دي بتقل من قيمة المصريين عند الناس دول وبيعتبرونا شعب زبالة وللاسف السيئة بتعم

أ/ عاشق الاسكندرية، بداية احب اقولك انى متفهم وجهة نظرك وغيرتك على بلدك وده حقك، انما انا لما اتكلمت عن السودان اتكلمت بمنتهى الحيادية وقلت اللى ليها واللى عليها .... يعنى ولا "مع" طول الخط ولا "ضد" طول الخط .. وخللينى ارد واحدة واحدة:

1- "لا تختذل الاقتصاد السوداني بسبب ان الحكومة ( ابدلت ) وعام 2005 لم يكون للجنيه وجود وانما كان هو الدينار السوداني !! راجع معلوماتك
هل تعلم ان الاقتصاد السوداني مصنف خامس اسرع اقتصاد في العالم ؟؟؟"

انا لم اذكر الدينار منعا للاطالة، ايه الفايدة انى اقول ان كان فى جنيه سودانى قديم وبعدين طلع الدينار اللى كان يساوى 10 جنيه وبعدين طلع الجنيه الجديد اللى بيساوى 1000 قديم؟ وفى وقت من الاوقات كان فيه جنيه قديم وجديد ودينار والبلد كلها (اجانب ومواطنين) كانوا متلخبطين لحد ما لغوا الدينار بعد الفترة الانتقاليه
ايه الفايدة انى اقول كل الكلام ده وانا باتكلم عن سعر العملة؟ وبعدين ايه علاقة وجود او عدم وجود الدينار بسعر العمله؟

المعلومة اللى انا قلتها صحيحة ان عملة السودان ماترفعتش بالطريقة نتيجة تحسن الاقتصاد ونموة 10000% انما ده كان بسبب مباشر هو رفع قيمة الجنيه من قبل الحكومة، اينعم الاقتصاد يتقدم انما ليس بهذه الدرجة!!!


2- "بالنسبه لان الخرطوم احسن من القاهرة ... لأ مش صحيح .. لا زمان ولا دلوقتى ولا بعد 30 سنه
علي اي اساس تقول هذا الكلام ؟ .......... ازدحام يوصف بأنه من الصعب علاجه ولا يوجد هذا التكدس ( ما علينا )"

انا اقوللك على اى اساس، لما تيجى تقيم بلد مش بتقيمة بحجم الاستثمارات او المشاريع التى اعلن عنها انما بحجم الموجود فعلا، لان المشاريع (مع ضروريتها واهميتها) لسه مش واقع وبالتالى هى حاجة "مبشرة" انما مش فى الحسبان فى الوقت الحالى ... ومتهيألى فندق الفاتح اكبر دليل على اللى انا باقوله .... الفندق فضل يتبنى 5 سنين!! ومع هذا كان دايما فى كل الصور اللى بتتكلم عن السودان رغم انه لسه شغال من فترة بسيطة. كل المشاريع اللى بتقول عليها دى كويسه جدا انما دى مشاريع اسكان ونقل ... يعنى فوق الارض، فى حين ان مشكلة الخرطوم والسودان كلها الحقيقية هية البنية التحتية، يعنى تحت الارض

نتكلم عن البنيه التحتية والخدمات:
1- الرصف: كام شارع مرصوف فى العمارات والرياض والطائف وهما ارقى مناطق الخرطوم؟ كام شارع مرصوف ومش متكسر فى ام درمان؟ ما الحال فى بحرى؟ معظم شوارع الخرطوم محتاجة رصف

2- الصرف: مافيش نظام صرف فى 75% من الخرطوم، وانا باتكلم عن الصرف اللى العالم يعرفة مش الترانشات والكساحات اللى موجودة دلوقت؟ لو حابب تعمل شبكة صرف بالمعنى المفهوم تاخد وقت وفلوس قد ايه؟

3- الكهرباء: كم مرة تنقطع الكهرباء عن مناطق الخرطوم فى اليوم الواحد؟ كم بيت فى الخرطوم يمكن ان يستغنى عن مولدات الديزل؟ كم تتكلف شبكة صيانة الشبكة وانشاء محطات اخرى من وقت وجهد وفلوس؟

4- التليفونات: كم خط ارضى موجود بالخرطوم؟ ما الذى دفع شركة كنار لبناء شبكتها بالكامل لاسلكيا؟ وايه رايك فى الخدمة اللى قاطعه او مش واضحة معظم الوقت سواء داخل الخرطوم او بين الولايات بما فيها النت؟ كم تتكلف شبكة الخطوط الارضية من وقت وتكلفة؟

5- المياة: اذكر المناطق التى بها مياه صالحة للشرب فى الخرطوم، وخللى بالك انا باقول صالحة للشرب بالمعنى المتعارف عليه، يعنى انا موافق انها تنزل من "الماسورة" حتى مكلورة بس زى اللى فى مصر، مش تنزل من كل حنفيه بلون من الوان الطيف.... والسؤال هو تكلفة احلال وتجديد شبكة المياة وانشاء محطات جديدة قد ايه والوقت المطلوب قد ايه؟

6- الصحة: ما رايك فى عدد و"تنوع" الاوبئة الموسمية التى تضرب الخرطوم وتخومها سنويا؟ ما رايك فى تكاليف العلاج داخل الخرطوم وفى جودة الخدمة المقدمة حتى فى مستشفى مثل "الاطباء"

7- التعليم:ما رايك فى مصاريف المدارس، جودة التعليم، مستوى الخريجين، وجود وانتشار المدارس والجامعات اصلا، مستوى المدرسين سواء العلمى او على مستوى الدخل

8- النوادى واماكن الترفيه: no comment

ومع كل هذا .. حتى لو وضعنا فى الاعتباركل المشاريع اللى حضرتك تفضلت وذكرتها ... برضه لا وجه للمقارنة بين الخرطوم والقاهرة لان كل مشروع قلته هو الوحيد فى السودان كلها انما فى القاهرة فى زيه 30 مشروع


3- "ده مايمنعش ان السودان بها فرص واعده جدا جدا بس ايضا بها معوقات من كل شكل ولون
كل الاستثمارات وسط الحصار والحروب طيب لما تعيش في سلام كيف سيكون الوضع ؟؟؟؟؟؟؟؟؟؟؟؟؟؟؟؟؟"

اكيد الوضع هايكون احسن وده اللى انا قلته بس مش معنى ان الوضع هايكون احسن انه هايكون احسن من الوضع فى القاهرة .. زى ما كده الوضع لما يتحسن فى القاهرة مش هايوصل مثلا للوضع فى كوبنهاجن !!


4"- ملحوظة: هل سنتين مدة كافية لتفهم طبيعة دولة نفطية و(مائية ) ومعدنية و المصنفة 10 اكبر دولة في العالم وبها اراضي خصبة تكفي غذاء العرب وجزء كبير من العالم ؟؟؟"

ايوه سنتين كفايه قوى قوى قوى .... ده لو حمار قعد شهرين هايفهم ....وبعدين ايه علاقة الثروات اللى موجودة فى السودان بالكلام اللى بنقولة ... ده بالعكس وجود كل الثروات دى وعدم استغلالها بالطريقة المثلى حتى الان سواء فى زمن السلم او الحرب او فترة اللا سلم واللا حرب اكبر دليل على اللى باقولة ان الخرطوم ولا 30 سنه كمان علشان تبقى زى القاهرة دلوقتى ..... وخللى بالك احنا كل ده بنتكلم على الخرطوم بس .. لسه بقى باقى الولايات ....وبعدين على فكرة انا خلال السنتين لفيت السودان كلها الخرطوم، بورسودان، مدنى، القضارف، الدمازين، دنقلة، الجزيرة، سنجه، سنار، الابيض، هجليج، مالاكال، جوبا، بور، الجنينة ...... كله .. ماسبتش حته لانى اساسا كنت فى شركة نقل ... يعنى رحت اماكن يمكن انت نفسك مارحتهاش وقعدت مع مسئولين فى الحكومة شمال وجنوب واتكلمنا كتيييير واتعرفت على البلد من جوة ...

كل ده وضع قائم خللينا ما نضحكش على نفسنا ... انما مايمنعش من وجود ايجابيات كتير زى اللى اتكلمت عنها فى موضوعى ... ارجو مراجعته

ولك منى تحية