لالا زادت عن حدهــا اوووى بجد ..

من فترة كدا كذا شخص عمل موضوع عن :

اعلانات فيروز المستفذة
ممدوح فرج السئيل
قطران وغتيتة ( سرحان والزفتة نفيسة ) .

وقلنا يا رب نخلص من العالم دى .

من شوية قاعد بتفرج فى امان الله على فيلم الحفيد و اانا اصلا بحب الفيلم ده جدا ..

فجابوا فاصل ..
فجت مسابقتين ورا بعض ..

الاولى مسابقة امثال :
المفروض تكمل المثل .. و المثل بتاع الحلقة بيقول ..
( مش كل الطير .......)
طبعا دمى اتحرق واتنرفزت وكنت هقوم اكسر التليفزيون ...

المسابقة التانية بقي ..
جايبين واحد معفن كدا وال ايه اسمه مستر زفت كول ..
وطاير ببراشوط عليه علم فرنسا ونزل عند برج ايفل وبيقول عايز اتمشي فى الشانزلزيه ...

انا قلت ان السؤال هيكون مرعب بقي :(

طلع السؤال بيقول يا ترى انا فى انهى مدينة !!!

بجد العملية وووووووسعت اوى على راى سيد ابو حفيظة ..

انا عايز اعرف حاجة بس .

هل فى مغفلين بيتصلوا بجد باناس دى!!

ولا دى ناس فاضية بيمارسوا فشلهم علينا يعنى .

ولا ايه حكاية ولاد التييييييت دول ..!

لالا متقلقش يا درش في مغفلين كتير هما اللي خلو الناس دي تاخد اكبر من حجمها ما هو لو من الاول مكنوش لقو حد يعبرهم مكنوش زادو بالطريقه البشعه دي وسبحان الله مسبوش حاجه حتي الاطفال استغلوهم وعملو بيهم مسابقات تافه وهايفه وفاشله ربنا ينتقم منهم هيودونا لغاية فين معرفش

ابدا
كل الحكاية انهم يلعبوا على الجمهور نفسيا
ازاى يعنى ؟

يعنى اولا بيلعب على حلم الثراء السريع
حتى و لو كانت الجايزة 100 جنيه
لأنها فى نظر الكثير مبلغ لانها لم تأتى بتعب اساسا
من الهوا "مش احنا اللى دهنا الهوا ,,, و عبد الحليم قال الهوا هوايا "يعنى شاريه حالا,,,,و كمان على شط بحر الهوا رسيت مراكبنا "شوفتوا جدعنه اكتر من كده" -الظاهر المصريين علاقتهم جامده بالهوا


ثانيا
الاسئله لازم تكون سهله موز و سهله مره و سهله اوى
علشان كل واحد يفتكر انه البطل المغوار
زويل القرن العوشرميه و المناطق المحيطه
و عرف الاجابه
و ديتها ايه يعنى جنيه و نصف
و يمكن يضرب بعدها الحظ

يا امه ضحكت من جهلها و عبطها و سذاجتها
كل البنى ادمييين

دة بيكسبوا مبالغ وهميه من ورا الحاجات دي

الطموح المكبوت اللى عند الناس يعمل اكتر من كدة

الناس مش لاقيه رغيف العيش
الخريجين مترميين على الرصيف مش لاقيين شغل
عندهم طموح و طاقات مش عارفين يعملوا ايه
مصابين بكم من اليأس و الاحباط
يخليهم يتشعلقوا بأي حاجة ...
اي حاجة

اكيد فيه!طول ما فيه فضاء ولاموبلاه فالبلد طول مهتلاقى ناس فاضية وقاعدة للمسابقات التافهة دى!!
او تقريبا مستوى الذكاء عندنا بقى تحت الصفر فابتدوا يعملوا مسابقات من تحت الصفر(السلم) عشان ينهضوا بمستوى ذكاء المصريين!

عمااااااااااااااار يامصر

و قيس على كدة بقا صحيح اللى كل يوم يطلع

لو عندك مشكله كلمني
انت مين يا سئيـــــــــــل عشان اكلمك

تطلعلك سماح انور
لو عندك مشكله و عايز تتكلم مع حد اتصل بيا و هرد عليك

يطلع اسمه ايه عبدون بتاع برنامج عم يتساءلون نفس القصه

تطلع ملك دراز باين اسمها كدة بردو كلمني

و صباح المكاسب المهوله و اللعب بمشاعر الناس و اللعب على اوتار حساسه جدا عند الناس

والله كنت لسه بتكلم مع زمايلي انهارده علي الحكاية دي وانها بقت زياده عن اللزوم وبقت تافه تحس انهم بيستخفوا بعقول الناس
بس ارجع واقول لو مش بيكسبوا ما كانوش استمروا وكتروا
يعني لو ما فيش حد بيتصل كانوا بطلوا من زمان
انما اكيد في لاين بيتصلوا علي امل انهم يكسبوا
وربنا يهدينا ويهديهم

أنا الحمد لله ريحت دماغي من الحاجات دية من زمان، عشان أنا أصلاً مش باتفرج على القنوات اللي بتجيب الحاجات دية.

كفايه علي أوي قناتي National Geographic و Discovery.

إتفرجت على مسابقة سلوى ؟؟؟
ههههههههههههههههههههههههه ههههههههههههههههههههههههه هههههههه


حسبى الله ونعم الوكيل فكل واحد بيتصل بالناس دى .

ما هو برده يا جماعة احنا هنفضل ساكتين على القرف ده !

مش بعيد كمان كام سنة نبقي زى اوروبا .. نفتح التليفزيون نلاقى واحدة ولا مؤاخذة بتعلن عن نفسها فى 0900 برده ..

واصلا الفكرة دى دخلت مصر عن طريق الغرب ..

ويا ريت ليهم مصداقية كان الواحد صدقهم ..

حسبي الله ونعم الوكيل بجد .. :(

اكيد في مغفلين بيتصلوا طبعاً ... شوف الإعلانات دي يتتكلف اد اية و و بتيجي كام مرة في اليوم !!؟؟؟

حاجة تحرق الدم ... ناس هايفة!!

على فكرة اى مسابقة من النوع ده حرام وزيها زى القمار
وبردوا السمابقات بتاع من سيربح المليون والقوة العاشرة نفس النظم
ويا رب ابعدنا عن الحرام واجعل اكلنا ورزقنا من حلال

SuccessCre8or

التوقيع بتاعك بيشتمنا كلنا لاننا مصرين بعد ازنك غيرة التوقيع