علبة الردياتير الفيبر بهدلتنى

**ahmedfra** · 22-03-2009 07:29 PM

اخوانى الأعزاء معروف ان الردياتبر بتاع اللانوس اجنابه من الفيبر . انا كنت غيرتها قبل كده مرتان بعد ما اجد انها بتنفس ميه بسيط . و لكن ما حدث هذه المرة مختلف تماماً حيث كنت ذاهب لعملى فى جامعة عين شمس فى العباسية و عندما اقتربت من جامع جمال عبد الناصر شوفت بخار خارج من الكبوت المهم بصيت على امبير الحرارة وجدت الحرارة كما انا متعود عليها قبل المنتصف بحاجة بسيطة . فكملت لغاية الشغل و بعدين فتحت الكبوت وجدت و كأنك داخل غرفة سونا بخار و تنفيس شديد جداً و بعد ما هدأ شوية وجدت العلبة الفيبر الى على الجنب الشمال هى الى ضاربة المهم فى ورش دالخ الجامعة عندنا خليت صنيعى من الموجودين هناك يحاول يشوفى حل و وضع عليها ارنديل و بعد ما نشف ركب الردياتير مرة أخرى و لكن ضرب من مكان أخر فى نفس العلبة و قلت بسرعة احاول اوصل لاى حد بتاع ردياتيرات . و خرجت من الجامعة بسرعة و لكن انتوا عارفين العباسية بتبقى عاملة ازاى و المية عمال تنزل من الردياتير و بعد ما وصلت لغاية وزارة الدفاع وجدت الكبوت خارج منه بخار تانى فتوقفت و فتحت القربة و لقيتها فاضية فوضعت مية فيها و هنا بدأت المشكلة الحقيقة حيث وجدت القربة عمالة تطقطق و الموتور بيطقطق هو كمان قلت بس جابت وش سلندر فطفيت العربية و اقعدت جواها عندى مغص و حاولت اجد حد يقطرنى ملقتش و بعد ما هديت العربية زودت ميه تانى و مشيت لغاية بتاع ردياتيرات فى شارع دمشق و غيرت العلبة و لكن : -
1 - هل العربية كده جابت وش سلندر
2 - ببص على الزيت وجدت مقياس الزيت علية حاجة محروقة و لاصقه فيه و دى حاجة جديدة خالص .
3 - لون الزيت غامق شويتين عن ما انا متعود فغيرته .
4 - صوت الموتور عالى وخشن عن الأول
5 - حاجة تانية اول مرة اخد بالى منها معرفش ليها دخل بالموضوع و لا لأ . الهواء الخارج من الشكمان ساخن جدا جدا جدا لدرجة انك متقدرش تحط ايدك امام الشكمان أكثر من ثانيتين .
انا عارف انى طولت عليكم بس حبيت اعرفكم الى حصل كله .
و دلوقتى اعمل ايه عشان اطمن على العربية و اذا كانت جت سليمة اذا يعنى مفيش علب نحاس بدل الفيبر دى . منتظر ردودكم

**engoss1990** · 22-03-2009 07:54 PM

انا اللى اعرفه ان لما الزيت يبقى اسود و شايط يبقى الموتور فوت .........والله اعلم

**souzoran** · 22-03-2009 08:15 PM

اولا لازم تعرف السخونه العاليه ديه سببها ايه ممكن يكون الثرموستات اللى على الريداتير فيه مشكله وخلى بالك ان امبير الحراره مش بيعلى الا لما الحراره تزيد قوى تانى حاجه لازم تطمن على وش السلندر وجوان وش السلندر لو فيه ضغط فى قربه الميه بتاعه الريداتير يبقى كده فيه مشكله فى جوان وش السلندر ولما تيجى تغير الزيت تبقى تشوف فيه ميه ولا لا

**Drift_Lover** · 22-03-2009 08:21 PM

انا حاسس ان الموضوع كبير...
في انتظار تقدير الخبراء.

**Drift_Lover** · 22-03-2009 08:29 PM

لو فيه ضغط فى قربه الميه بتاعه الريداتير يبقى كده فيه مشكله فى جوان وش السلندر

ياريت توضح أكتر..

**souzoran** · 22-03-2009 08:33 PM

يعنى قربه الميه لما تيجى تكتمها والعربيه دايره بطلع ضغط هواء ولا مافيش ضغط

**samirayad** · 22-03-2009 08:36 PM

هل العربية كده جابت وش سلندر

جوان وش السلندر بيحدث له تلف لو الحراره زادت ووصلت للمراحل الحرجه.....ودى أنت اللى تقدر تحددها......وممكن برضه يتلف الجوان ويحتاج تغيير لو مسامير تجميع الرأس مع البلوك هوت شويه....

- ببص على الزيت وجدت مقياس الزيت علية حاجة محروقة و لاصقه فيه و دى حاجة جديدة خالص .
3 - لون الزيت غامق شويتين عن ما انا متعود فغيرته .

دا ممكن يكون بسبب تفويت نسبى لغازات الأحتراق من الشنبر للكرتير .....وحدوث تكسير حرارى بعض الشىء للزيت بسبب الحراره العاليه للغازات.....وأكيد العربيه بتأكل زيت عندك شويه...........[quote]- صوت الموتور عالى وخشن عن الأول /quote] دا حيكون بسبب صوت عند التاكيهات من الرواسب اللى قولت عليها فى البند السابق ومتجمعه فى منطقة الكستبانات....وممكن يكون بسبب سخونه أنت لم تلاحظها مع اللخمه

حاجة تانية اول مرة اخد بالى منها معرفش ليها دخل بالموضوع و لا لأ . الهواء الخارج من الشكمان ساخن جدا جدا جدا لدرجة انك متقدرش تحط ايدك امام الشكمان أكثر من ثانيتين .

دا ممكن يكون بسبب تفويت الكبس من الشنبر اللى خارج من خط الفائظ ورايح للغرف من خلال مانيفولد الدخول.......بس ممكن تسيب العمليه دى شويه على ماتظبط دورة التبريد وتراقب الآداء لحصر العيوب شويه...................

و دلوقتى اعمل ايه عشان اطمن على العربية و اذا كانت جت سليمة اذا يعنى مفيش علب نحاس بدل الفيبر دى .

ياريت تغير الردياتير والقربه .....وتظبط دورة التبريد وجرب الأول لأن التبريد دلوقتى أهم نقطه على ماتشوف مايستجد أن وجد (وان شاء الله خير )

**ahmedfra** · 22-03-2009 09:56 PM

أخى سمير اشكرك على مشاركتك المفيدة . لكن احب اوضحلك بعض النقاط : -
1 - السخونة وصلت لمرحلة حرجة ولا لأ ( أنا مش قادر احدد هو امبير الحرارة مرتفعش قوى لكن القربة فضيت و الريدياتير كان بيبخر جامد ) .
2 - العربية قبل كده عمرها ما اكلت زيت . و دلوقتى بعد ما غيرته مش عارف الوضع ايه .
3 - نسيت اقولك ان بعد الموضوع ده ما حصل تانى يوم بشغل التكييف لقيته بيطلع هوا سخن يعنى حصلة مشكلة هوا كمان .
4 - النهارده و انا راجع من الشغل لقيت امبير البنزين بيخرف و بينزل جامد لدرجة انى افتكرت ان البنزين بيتسرب و لكن لقيت الأمبير بيعلى تانى و بعدين ينزل ايه الموضوع ده .
و شكرا على الأهتمام

**engoss1990** · 23-03-2009 01:36 AM

على فكرة الموضوع ده صعب يحصل مرة واحدة .....دى أكيد عين ....بخرها الاول بعد كده روح للميكانيكى.....

no comment

**waleedrahmy** · 23-03-2009 07:01 AM

كل دي أعراض تلف جوان وش السلندر

الموضوع: علبة الردياتير الفيبر بهدلتنى

LinkBack

أدوات الموضوع

عرض

علبة الردياتير الفيبر بهدلتنى - انشر الموضوع فى :

-

-

-

-

-

-

المواضيع المتشابهه

علبة الدريكسيون للجين نفس علبة الويرا

تغيير الفيبر

للبيع : شكمان ميجان Ii كامل (علبة بيئة - علبة وسطية - علبة خلفية)

غيرت علبة الردياتير لنهارده

الفيبر

الكلمات الدلالية لهذا الموضوع

المفضلات

المفضلات

ضوابط المشاركة